Hizkuntza ekologiari buruzko unitate didaktikoa
Berde Berdea hezkuntza proiektuaren webgunean hizkuntzen ekologiari buruzko ikastunitate digital hau topatu dugu. Interesgarria ideiak emateko, euskara zergatik ikasi-zergatik egin klasean galdetzen hasten garenerako akaso.
Konektibismoa ikasgelan
Nire ikuspegitik, konektibismoari konexionismoari leporatu zitzaizkion kontu berak egotz dakizkioke:
- Gizaki guztiok berdin ikasten dugula pentsatzea. Badakigu jakin, pertsona batzuek okerrago erantzuten dutela kaosaren aurrean eta horrek euren ikaskuntza mugatzen du. Halaber, badakigu pertsona batzuek tolerantzia baxua dutela anbiguotasunaren aurrean, edo pertsona batzuek beste batzuk baino sistematikoagoak izan behar dutela... aspaldi, 1978an Roberta Abraham-ek egindako ikerketek erakusten zuten bezala, "The Nature of Cognitive Style and Its Importance to the Foreign Language Teacher" izeneko argitalpenean.
- Ikaskuntza "norberaren kontua" dela pentsatzea. Edozein ikaskuntza teoriak ikaskuntzaren parte soziala izan behar du bere barnean. Pertsonak ikasten duela esateak eta ondorioz, pertsonak izan behar duela fokoa, ikaskuntzaren ikuspegi psikologizistaren errore handietako bat da (eta neu psikologoa naiz baina onartzen dut akatsa). Sareetan ikasten dugula esateak esan gabe nola eragiten duen zein komunitatetakoak garen, zein den gure familia, gure kultura, gure hizkuntza... ikaskuntzaren globalizazio erradikala sustatzea da eta, horrekin, giza-aniztasunaren asimilazioa.
Educared 2011n ponentzia aurkeztu du Ainhoa Ezeizak. Konektibismoa azken urteotan aurrera joan den ikuspegia da, eta ponentziaren laburpen-azalpen hau oso lagungarria izan daiteke gure testuingurua (hizkuntzen ikaskuntza) ideien joan-etorri horretan kokatzeko.
Konektibismoa ikasgelan: Educared 2011 (Ainhoa Ezeiza)
Aurkezpena:
Euskaraz egiteko aukerak horman
Sakanako Itsasi euskaltegian ideia sinplea eta polita erakutsi digute ikasten dugun euskara praktikara eramateko. Euskaraz egiteko lekuak eta pertsonak klaseko panel batean apuntatzen dira deskubritu ahala.
Ebaluazioa, Europako Markoa eta hizkuntza gutxituak, jardunaldiak Bilbon
Ebaluaketa-lana Hizkuntzen Europako Erreferentzia Marko Bateratuan: aukera polita hizkuntza gutxituentzat dute izena jardunaldiek, eta HAEE/IVAPek antolatu ditu. Bilbon egingo dira ostegun-ostiral honetan. Ez zaie publizitate handirik egin baina programa (pdf) interesgarria dute.
Via @plonbide.
www.aditzak.com, aditzak jokatzeko webgunea
Twitter-en hasi da zabaltzen webgune honen berri. Euskararen aditz laguntzailearen osagaiak aukeratuta aditz-forma ematen digu. Sinplea, baina aditzen zerrenda betiko taularekin barik era modernoago baten ikasteko aukera da, duda barik.
Garikoitz Knorrek sinatu du proiektua eta hemen azaltzen dizkigute nondik norakoak.
Irakurmena lantzeko materialak eskura
Abel Camachok aspaldian prestatu zituen material batzuk jarri ditu guztion eskura. Irakurriz ikasi liburuan planteatu zituen bideetatik antolatutako materialak dira, irakuemana lantzekoak, eta orain arte publikatu gabe egon direnak.
Eskerrak eman gabe ezin utzi aipamena. Aupa Abel.
Elkarrizketa interesgarria
Berta Martinezen blogetik hartutakoa. Egiozue begiratutxo bat Bertaren lanari, benetan interesgarria da eta.
Elkarrizketaren azpi-tituluak gaztelaniaz ikusteko sakatu beheko aldean dagoen cc botoitxoari.
Norantz: Iparraldean euskararen gramatikaren bilakeraren datu-basea
Norantz proiektuaren berri heldu zaigu Iparraldetik. Gaur egun euskararen gramatikak noranzko joera duen jakiteko hainbat hiztuni frantsesezko testu laburrak euskaratzea eskatu zaie, eta erantzuna grabatu eta idatziz jaso ondoren data-base interesagarri hau antolatu dute.
"Euskaraz nola esaten da....?" galderari erantzuteko modu interesgarria izan daiteke bestalde.
Euskara mugikorrean ikasteko aplikazioa
Elhuyarrek aurkeztu du gaur aplikazioa. Moblang proiektuaren barruan kokatuta dago eta bertatik deskargatu behar da aplikazio hori, baina hara joan eta oraingoz ez da jaisteko moduan.
Hemen irakurri dugunaren arabera aplikazioa hiztegiak, audio eta bideo txartelek, jolasek eta ariketek osatuko dute.
Alfabetatzeari buruzko ikerketa Nafarroan
Nafarroako Ipar-mendebaldeko eskualde batzuetako euskara zerbitzuen ekimenez alfabetatzeari buruzko ikerketa egin da bertako biztanleen artean. Ondorioen artean, besteak beste:
Es posible aprender euskera -leer y escribir- y cambiar las costumbres lingüísticas -del castellano al euskera-. La experiencia de los participantes en el estudio lo confirma.
Ele2tor: zenbatu ezagutzen dituzun hitzak
Euskaraz eta erdaraz zenbat hitz ezagutzen ditugun kalkulatzeko tresna sortu du Erramun Turutarenak. Steve Pinkerren arau baten oinarrituta Elhuyar hiztegiaren corpusaren gainean eraiki da ezagutza kalkulatzeko edo, besterik gabe, hitzekin jolasteko tresna hau.
Informazio gehiago Turutenen: Ele2tor: Ezagutu zure hitz datu-basea
Zen aholkuak euskara ikasleentzat
AEKren E-uskaltegiak izen deigarriko bideo sorta hau hasi da plazaratzen Youtuben. "Zen", "zuen" edo "zion" ote den ez dakigula, euskara ikasleentzako aholkuak datoz hor.
Hemen bigarren alea.
Birao eta irainen zerrenda
Imanol Epeldek euskarazko birao, irain eta berba "gogorren" zerrenda osatu du, eta denon eskura utzi digu: Esanindarra, biraoak euskaraz (pdf)
Gailuetarako diseinatu ala gailuak erabili?
...un proceso formativo, en todo caso, se podrá beneficiar de lo que los dispositivos móviles nos aportan: podremos proporcionar podcast para escuchar en el bus, píldoras de vídeo para ver en el sofá, propiciar la comunicación entre iguales, pedir determinados test,... sin hablar de los procesos de gestión donde hay mucho que aportar. Pero no todo debería girar en torno al uso de determinado tipo de dispositivo pues seguramente perderíamos muchas posibilidades que no caben en 4 pulgadas de tamaño.
El mlearning no existe y el elearning pronto dejará de ser artikulua publikatu zuen Anibalek duela aste batzuk, eta handik hartu ditugu goiko hitzak eta berekin dakarten gogoeta. Ez dauka zentzurik gailu edo teknologia baterako ikas-prozesua diseinatzea, ikas-prozesuan txertatu behar dira gailuak eta teknologiak komeni eta egin ahal denaren arabera (edo horrelako zerbait).
- « lehenengoa
- ‹ aurrekoa
- …
- 10
- 11
- 12
- 13
- 14
- 15
- 16
- 17
- 18
- …
- hurrengoa ›
- azkena »
Bilatu
Harpidetu
Azken iruzkinak