didaktika
Ikasleari esaten diozu zergatik?
Because of this I think it is important, appropriate and more effective if they know why they are doing the things they are doing. Whenever possible, I try to explain the thinking behind the activity before we do it – this increases their understanding of the lessons, their learning and also my teaching.
Teaching English guneko foroetan bota da gaia. Ikasleei esaten diegu zer, zertarako eta zergatik egingo dugun?
Nire ustez garrantzitsua, egokia eta eraginkorragoa da ikasleek egiten duten zergatik ari diren egiten jakitea. Ahal denean beraz saiatzen naiz azaltzen zer dagoen egingo dugun aktibitatearen atzean, horrela hobetzen da ikasleek aktibitatea nola ulertzen duten, euren ikaskuntza eta nire irakaskuntza (itzulpen-legea).
Galdera gurera ere ekar daiteke duda barik, norberaren artean baino ez bada.
Edo agian beste galdera bat egin beharko genuke aurretik: eta geuk badakigu egiten duguna zergatik-zertarako egiten dugun?
Gramatika bai, gramatika ez
En las clases en que predomina el enfoque formal se consume mucho tiempo en presentaciones de reglas y paradigmas y en la práctica formal de unas y otros.
En las clases en que predomina el enfoque comunicativo estricto apenas hay espacio para lo gramatical: toda la atención se presta al contenido y la comunicación.
Lehengo ostiralean egin zuen HABEk ikasturtearen inauguruazio akademikoa. Oraingoan Lourdes Miquel irakasle katalana ekarri zuten eta gramatikaren paperaz jardun zuen.
Haren hitzaldiaren laburpena (diapositibak hobeto esanda) pdf baten jarri dute Ikasbilen. Hitzaldiaren hasiera bide pasarte batean dago. Hitzaldi osoa ikusi nahi duenak DVDa eskatu beharko du HABEren liburutegian. (Ordua da bideoen asunto hori apur bat modernizatzeko, ezta?)
Ariketaren prezioa
Gogoan daukat lehenengo ariketak egin eta sarean jarritakoan ikasle batek esan zuena: “Eta orain zeinek ordainduko digu?”. Eta nik esan nien: “Ez, ez, ez, zuen heziketaren parte bat gizarteak ordaintzen du. Zorretan zaudete eta bueltatu egin behar duzue”.
Maite Goñi aka Euskaljakintza-ri elkarrizketa egin dio Onintza Iruretak Argian: "Gazteek albokoarekin nola hitz egiten dute? Bada, Tuentin berdin" (Argia).
Bere euskara klaseen planteamendua azaldu du Maitek besteak beste, eta ariketen tarifak ere bai ;)
Zer da "altxariak"?
Pilar Montoyak beste aktibitate bat konpartitu du gurekin. Oraingoan esaten digutena argitzea eta azaltzea eskatzeko moduak lantzeko era sinplea.
Eskakizun handiagoko irakaskuntza
Ann Foreman irakaslearen twitter-en kontua ingelesaren (ELT) irakaskuntzan dabilearen berri izateko leihotxo ederra da. Kezka interesgarriak dituzte mundu osoan zehar dabiltzan ingeles irakasleek, segurutik hizkuntzen irakaskuntzan gremio handiena eta zabalena iznada hala espero daiteke.
Neure ingelestxuarekin saiatzen naiz apur bat jarraitzen eta hala aste honetan "Demand High ELT" izeneko mogimendu-eztabaidaren berri izan dut. Adrian Underhill eta Jim Scrivener irakasleek sortu dute izen bereko blog hori, eta hor azaldu digute zein den euren kezka eta mezu desberdinetan hasi dira gogoetak eta eztabaida zabaltzen. Kezken zerrenda hau interesgarria bereziki.
Ondo ulertu badut batzuk kezkatuta daude irakasleak hartzen ari diren paperarekin. Gutxiegi eskatzen diete ikasleei, gutxiegi inplikatzen ei dira, materialetan uzten ei dute ikaskuntzaren pisua... Ikasleekin halako "buenismoa" zabaldu dela iruditzen zaie, "jatorkeria" esan genezakeena, eta horrek eskakizun txiki-gutxiko irakaskuntza ekarri omen du. Ikuspegi komunikatiboaren ezarpenarekin lotzen dute hau guztia ondo ulertu badut bestalde.
Iruditu zait irakaslearen papearen gaineko kezka eta hausnarketa interesgarria dabilela hor, akaso duela hil batzuk ezagutu genuen dogme mogimenduarekin erlazionatuta.
Tira, geuk ere planteatu ditzakegu halako galderak: "Jatorregiak, onegiak gara ikasleekin?", "Inplikatzen gara euren ikaskuntza prozesuan ala egiten eta "komunikatzen" uzten diegu besterik gabe?"... eta blog horretan planteatzen diren gogoetetatik nahi dituzuen guztiak.
EHUren udako ikastaroak
Uda honetarako ikastaroen eskaintza zabaldu du EHUk. Asko dira, baina badira guretzat interesgarriak izan daitezkeen gauza batzuk:
HABEk urtero sartzen du ikastaro bat eskainta horretan. Aurten "El profesor de segundas lenguas" zikloko bosgarrena: El profesor de segundas lenguas / V: La competencia vocal y corporal del docente (C) (pdf).
Bestalde, izena irakurrita interesgarriak ematen dutenak badira (lotura guztiak pdf batera eramango zaituztete):
- Hiztunetik hiztunera, euskararen bizipenek ezarritako bidetik (M)
- Euskararen erabileraren bilakaera, egoera eta norabidea, datuen argitan (I)
- Atzerriko unibertsitateetan euskara eta euskal kultura irakasteko prestakuntza ikastaroa. Excellence in Basque Studies (II) (W)
Zerrenda osoa duzue goiko lotura horretan dena den.
Doinua eta ahoskera lantzeko tresna bat
Hiztun berriari apreziatu ohi zaio xede-hizkuntzan jatorrizko hiztunen doinu eta ahoskerara hurbiltzea. Hizkuntza-klaseetan berriz ez zaio horri arreta handirik ematen, praktikaren eta jatorrizko hiztunekin harremanetan lortuko delakoan, ezinbestekoa ez delakoan edo, besterik gabe, lantzeko baliabide eta ideia askorik ez dugulako.
EcLEcTIC blogean horretan laguntzeko tresna eta ideia pare bat aurkeztu dizkigute: Praat software-a gehien bat. Ideia sinplea da: jatorrizko hiztunaren eta ikaslearen jardunak grabatu eta konparatzea.
Ez da askotan planteatzen kezka hau nonbait, baina inoiz pentsatu duzue euskararen doinua eta ahoskera zelan edo zeren bitartez landu?
Berria helburu?
Como hemos comentado alguna vez, lo nuevo por lo nuevo no se sustenta como objetivo didáctico, no hay nada más desalentador que intentar usar algo nuevo con los alumnos solo porque puede ser motivador para ellos.
Guillermo Gomezek lantzean behin elkarrizketa-solasaldi modukoren bat ekartzen du Profesor de ELE en apuros blogera. Lehengoan Bartzelonako Unibertsitateko Vicenta Gonzalez irakaslearekin jardun zuen komunikazioaz, berrikuntzaz eta abarrez. Eta goikoa bezalako hitzak utzi zizkiguten.
Irakurtzeko dekalogoa
2. Establece siempre los objetivos de la lectura de cualquier texto: por qué se va a leer el texto, para qué va a servir su lectura…
Irakurtzeko gaitasuna lantzeko dekalogoa egin dut Felipe Zayasek. Goiko hori bigarren puntua baino ez da.
Competencia lectora: un decálogo (Darle a la lengua)
Aditu uxatzaileak
Uste dut pedagogian aditu askok gehiegi teorizatu dutela ikas-irakaskuntza prozesuaren inguruan, ikaste prozesuari kutsu zientifikoegia ematen ahalegindu dira, izen potoloegiak erabili dituzte gauza sinple asko esplikatzeko, artifizialki konplikatu dute berez azkoz ere sinpleagoa izan beharko lukeen zerbait. Hain “maila altuko” pedagogiak, profesional asko uxatzea besterik ez du lortu.
Jolausek IKTeroak-en guztiokin partekatu duen azken gogoetatik pasarte hau aukeratu dut. Ideia hori ez da entzun-sentitu dudan lehenengo aldia, eta gauza asko azal ditzake, hala bada.
- TPACK eredua eta mahaiaren hirugarren hanka (IKTeroak)
TPACK eredua eta mahaiaren hirugarren hanka
Jolausek bere irakasle-ibilbidea azaltzen digu eta, bide batez, TPACK paradigma eta prozedura ulertzeko bide ematen.
IKTeroak 'hezkuntzarako auspoa'ri eragiten betiko moduan.
Ebaluazioa geroari begira
...ez da nahikoa ikasleak orain dakiena diagnostikatzea, horrez gain ezinbestekoa da aztertzea laguntza emanez gero zer ikasteko prestatuta dagoen. Hortaz, ebaluazioa etorkizunari begira egin behar da eta ez orainari. Ez da inportantea zer naizen, baizik eta zer izateko potentzialitatea dudan.
- Ebaluazio dinamikoa eta sare-ikaskuntza (Ainhoa Ezeiza)
Aholkuak
1.- Ten la mente abierta.
...
11.- Plantea tareas abiertas, donde no haya una solución única.
...
13.- Plantea tareas donde se incida en la comunicación y la interacción entre los compañeros.
...
16.- Tus “tácticas” deben ser explicadas a través de tus tareas.
...
20.- No finalices una tarea sin tener antes todo preparado para la siguiente.
...
y 25.- Para que el aprendizaje sea significativo se necesita diversión y motivación.
Aholku interesgarri hauek atera ditugu Pau Martík prestatu duen 25eko zerrenda honetatik.
Nor da Pau Martí? Loturan klikatu eta jakingo duzu.
Ebaluazioa eta bakardadea
Komunikazioa elkarreraginean eraikitzen dela esan eta ebaluazioa bakarka egiteak, komunikazio errealarekin zerikusia duten zereginetatik urrun ebaluatzea ez da ebaluazio dinamikotzat jo daitekeen prozedura.
Liburuetatik ikasten blogean Ainhoa Ezeizak pedagogia eta didaktikaren inguruko liburuen erreseina, laburpena edo iruzkina egiten digu lantzean behin. Oraingoan Matthew E. Poehner-en Dynamic Assessment. A Vygotskian Approach to Understanding and Promoting L2 Development komentatu digu.
Eta hor goian duzue Ainhoak azpimarratu dituen ideietako bat. Datozen egunotan hizpide izango denarekin ondo "ezkonduko" dira segurutik.
Ebaluazio dinamikoa eta hizkuntzen ikaskuntza (Liburuetatik ikasten)
Liburuaren kopia bat aurkitu dut hemen, ingelesez.
Ikasleek zergatik nahi dute gramatika?
...hizkuntzaren parteak ikasteak arrakastaren sentipena eragiten die ikasleei, aurrera egiten ari direla sentiarazten die. Hirugarrenik, hizkuntzaren atalak ikasteak segurtasuna ematen die. Ikasleeek ia ukigarria den zerbait dute ikasteko, adibidez, astean zenbat hitz ikasi dituzten. Laugarrenik, ikasleek arau gramatikalen sortze-ahalmenean sinesten dute; arauak jakiteak adierazpenak sortzen eta ulertzen lagunduko dien ustea dute.
HABEren itzulpen saileko azkenengoan irakurri dugu: Diane Larsen-Freemanen Hizkuntza irakastea gramatikatik gramatikamera horren 21. orrialdean (Hitzurunek egin du itzulpena)
Bilatu
Harpidetu
Azken iruzkinak