materiala
CEDRO eta materialen lizentziak
El Centro Español de Derechos Reprográficos acusa a la Universidad Carlos III de haber subido sin licencia a su campus virtual (la red informática interna a la que tienen acceso los alumnos) materiales protegidos por derechos de autor. Sería el equivalente al antiguo servicio de reprografía (fotocopias) trasladado al mundo digital.
El Paisen eman dute Carlos III unibertsitatearen kontrako salaketaren berri: Demanda por 'piratería' contra la Universidad Carlos III (El Pais).
CEDRO Espainian besteak beste erreprografia eskubideak kontrolaten dituen erakundea da. Egileen jabego intelektuala, oraingoan testu idatziei dagokiena dirudienez.
Albistea interesgarria da, eta kezkagarria ere bai. Hasteko polemika sortu du Twitter-en dagoeneko. Eta ez zaigu urruna: azken asteotan CEDROko ordezkariak euskaltegietara bisitak egiten hasi omen dira.
Karpeta zaharrak
Maite ditut karpeta zaharrak, egin eta bizi izan direnen eta bilakaeren lekukoak, haien tinta zahar eta hauts usaina, orritan biltzen dutenetik haratago haien baitan daramaten guzia, urteak iragan ondoan oraino ukan dezaketen balioa, dena.
Irakasle gelan edo euskaltegiko apalategiren batean pilatutko karpeta zaharrei begira geratu da Bea.
Maite ditu karpeta zaharrak (Han eta hemen)
"Eta begiak itxi zituen" (Literatura ikasgelan)
Santzurtziko Udal Euskaltegikoen Literatura ikasgelan proiektuaren bigarren atala dugu sarean. Oraingoan Xabier Etxaniz idazle eta euskara irakaslearen Eta begiak itxi zituen ipuina irakurtzeko eta lantzeko proposamena dator.
Hemen duzue aktibitatearen lanketarako proposamena.
B1erako mintzagaiak: Zer erabaki duzu?
Pilar Montoyak jarraitzen du B1erako aktibitateen propsoamenak egiten bere blogetik. Oraingoan erabaki baten berri eman eta harekin adostasuna adierazteko gaitasuna praktikan jartzeko proposamena.
Bide batez, honen aurretik beste hau plazaratu digu azken egunotan: 3.fitxa. Zer nahi duzu egia ala gezurra?
B1 mailako deskribatzaileak garatzeko fitxa
Pilar Montoya irakasleak lehengo urtean A2 mailako talde batentzat garatutako materialak eta jarduerak utzi zizkigun bere blogean. Aurten B1eko talde batekin hasi dela mailako deskribatzaileak garatzeko materialak jartzen hasi zaigu. Lehenengo fitxa duzue hemen.
Egile eskubideak eta erabiltzen ditugun materialak
Handik eta hemendik jasotzen ditugu testuak, dokumentuak eta materialak, askotan gogoratu gabe egile eskubideak eta lizentziak egon daitezkeela tartean. Espainiako legearen markoan ditugun eskubideak eta mugak ezagutzeko artikulu erabilgarria izan daiteke Pompilo blogean aurkitu dugun hau.
Hizkuntza ekologiari buruzko unitate didaktikoa
Berde Berdea hezkuntza proiektuaren webgunean hizkuntzen ekologiari buruzko ikastunitate digital hau topatu dugu. Interesgarria ideiak emateko, euskara zergatik ikasi-zergatik egin klasean galdetzen hasten garenerako akaso.
Realia: benetako dokumentuen gainean proposamen didaktikoak
Santillana editorialak hedabideetatik jasotako dokumentu errealen gainean jarduera didaktiko batzuk eskaintzen dizkie gaztelania irakasleei fitxa batzuetan.
Aldizkari bateko testuarekin edo irratsaio baten grabazioarekin zer egin ez dakigula, ideia lagungarriren bat aurki dezakegu.
HABE: A1 mailako materiala egiteko deialdia
EAEKo buletinean agertu da deialdi hau. HABEk A1 mailarako (EEMaren arabera, HEOKen A1 mailaren aipamenik ez baitago) material sorta egiteko deialdia egin du. Formatu ezberdinetan eta ikastunitateetan banatuta.
A2rako mintzagaiak: "Iragarkia dela eta deitzen dut"
Pilar Montoyak jarraitzen du Europako Markoko deskribatzaileetan oinarrituta A2 mailarako aktibitateak proposatzen. Oraingoan elkarrizketaran koherentzia lantzeari begira jarri da.
Nire lehen koadernoa: euskara bakarka lantzeko bilduma
Hipialtza izeneko blogean ikusi dut txertatuta Durangoko Berritzegunetik datorren koaderno hau. Eskolako edukiak etxean edo bakarka lantzeko bilduma da, eskolako ikuspegitik, baina heldu askori ere baliagarri izan dakieke.
Bertsolaritzaren inguruko unitate didaktikoa
Bihar da berandu blogean Gorka Azkaratek Jon Eizmendi irakasleak DBHrako prestatu duen unitate didaktikoaren berri eman eta eskura jarri digu. Inguru erdaldunetako gazteak euskal kulturara hurbiltzea du asmo nagusietako bat, eta DBHko ikasleentzat eginda dagoen neurrian, euskara ikasten duten helduentzat ere baliagarriak izan daitezke planteamenduak eta ideiak.
Ari-arika, ezpainetan hika! unitate didaktikoa
Zumaiako Udalaren ekimenez, Mintzola fundazioak umeekin hitanoa lantzeko unitate didaktikoak prestatu eta sarean jarri ditu.
Ahotsak.com-en bidez.
Euskal interjekzioak
Barakaldoko Hizkuntza Eskolaren bueltan hainbat blog dabiltza aspaldian euskara ikasleei begira jarrita. Dizngilizka B2 da haietako bat, eta eurentzat ez ezik, guztientzat baliagarriak izaten diren ideiak eta materialak jartzen dituzte eskura, interjekzioen zerrenda hau bezala.
Korrikaren unitate didaktikoa
Ikastolen Konfederazioak unitate didaktikoak prestatu ditu eskola eta ikastoletan Korrika 17ren bueltan jarduteko. Unitateen materiala sarean dago eskuragai, Megaupload zerbitzuan hain zuzen ere.
Azken iruzkinak