materialak
Euskaljakintza berritua
Klasikoa da dagoeneko Maite Goñik sortu zuen gune hau. Sarri erabilia ariketak eta bestelako baliabideen iturri modura, aurten izan dituen arazo teknikoak gaindituta berriro eta berrituta dago martxan.
Zer da "altxariak"?
Pilar Montoyak beste aktibitate bat konpartitu du gurekin. Oraingoan esaten digutena argitzea eta azaltzea eskatzeko moduak lantzeko era sinplea.
B1erako mintzagaiak: erabilitakoa saldu eta erosi
Pilar Montoyak jarraitzen du bere klasean erabilitako aktibitateak konpartitzen. Oraingo honetan ikuspuntuak eta erabakiak azaldu eta arrazoituz bigarren eskuko gauzak erosteaz jardutea proposatu du.
Irakurmena lantzeko materialak eskura
Abel Camachok aspaldian prestatu zituen material batzuk jarri ditu guztion eskura. Irakurriz ikasi liburuan planteatu zituen bideetatik antolatutako materialak dira, irakuemana lantzekoak, eta orain arte publikatu gabe egon direnak.
Eskerrak eman gabe ezin utzi aipamena. Aupa Abel.
Legearen kontra ari ote gara?
Un profesor de inglés no puede reproducir entera una canción de los Beatles a sus alumnos. Tampoco podría fotocopiar el capítulo de un libro, según la Ley española de Propiedad Intelectual (LPI). Afortunadamente, en las aulas presenciales estos usos son "tolerados" por los titulares del copyright, excepto cuando el aula es virtual.
España no contempla la excepción pedagógica (El Pais)
El Paisen irakurri dugun albiste horren arabera, hizkuntza klaseean literatura, musika edo zinema erreproduzitzen dugunean Espainiako jabego Intelektualaren babeserako legea hausten ari omen gara. Espainiako lege horrek hezkuntzarako salbuespena ahalbidetzen duen nazioarteko hitzarmena hausten du era berean.
Ez zaigu inor kargu hartzera etorriko seguruenik, baina ondo dago jakitea badaezpada.
Materiagileentzako aholkua
Para terminar, una sugerencia para autores de manuales: En la lección de las conversaciones telefónicas, cambien los diálogos. El de ahora es, mayoritariamente a través del móvil y empieza así: A: ¡Hey, hola! / B: Hola, ¿dónde estás?… Ya no hay Diga ni quién es.
Las palabras que faltan (Mundos periféricos)
Bidez batez, mezu berean hasierako ikasleekin informazio pertsonala ematen ikasteko aktibitate baten berri ere emaen digu, sare sozialen profiletan oinarrituta, eta konexio barik.
via: Actividades 2.0
Twition: hizkuntzak ikasteko baliabideen bilduma
Via Wwwhat's New izan dugu proiektu honen berri. Hizkuntza-irakasleek baliabideak partekatzeko gune bezala aurkeztu da. Bertara joan eta gehien bat sarean hizkuntzak ikasi eta irakasteko dauden hainbat baliabideren bilduma interesgarria da oraingoz. Hizkuntza eta maila ezberdinen arabera sailkatuta.
Materialak Word-ekin maketatzen
LdeLengua podcastean tutorialen atala daukate. Han aurkitu dugu materialak MS Word-ekin maketatzeko bideo-tutorial hau. Hiru zatitan banatuta: lehenengoa, bigarrena eta hirugarrena.
Badira materialak txukun aurkezteko maketatzailea izan edo tresna profesionalak behar direla uste dutenak. Emaitza txukunak lortzeko gustu eta irudimen apur batekin nahikoa izan daiteke, eta tutorial honek pista batzuk ematen dizkigu.
*Bide batez, LdeLengua podcastaren azkenengo saioa publikatu dute. Würzburg-eko Unibertsitateko Carmen Ramosekin atazen inguruko solasaldi interesgarria eskaini digute orain: LdeLengua 39 con Carmen Ramos hablando sobre tareas
Edukiak eskuratzeko sortu egin behar dira
Tienes toda la razón del mundo cuando dices que hoy en día es más fácil que nunca acceder a gran variedad de contenidos, sin embargo, sigue siendo igual de difícil crear unidades didácticas y programaciones coherentes a partir de ellos.
Iñakik Jordi Adelli erantzun dio Ibilbidea blogean testuliburuen inguruko polemiken harira. Materialgile baten ikuspegitik erantzun du hain zuzen ere.
Respuesta a la carta a los editores de libros de texto de Jordi Adell (Ibilbidea)
Ehureka: euskara lanean egoki erabiltzeko aholkuak
Azpidazki webgunean hilean behin testuinguru desberdinetan euskara ahoz zein idatziz erabiltzeko aholkuen zerrenda eskainiko digute Ehureka buletinean. Lan mundura bideratutako ekimena da, baina material interesgarri eta lagungarria izan daiteke ikasten dabilenarentzat ere.
Bertso baten gaineko ikastunitatea
Rufino Iraolak bertso batetik abiatuta ikastunitate bat proposatu digu bere blogean.
Gehiago ere baditu.
Unplugged
Via Nodos Ele ELTons 2010 sarien berri izan dugu. Ingelesaren irakaskuntzan berrikuntzaren sari hauetako bat Teaching Unplugged libururari eman diote. Liburu horren atzetik irakasleen kolektibo bat dago, pedagogia "pobre" baten aldarria egiten dutenak. "Poor" hitzarekin materialaren eta tekonologiaren menpekotasunetik biluztutako eredua adierazi nahi dute, "unplugged". Gehien bat materialek gidatutako irakaskuntza kritikatzen dute. Zinematrografiako Dogma mugimenduaren antzera, Dogme izeneko talde bat sortu dute eta halako "kastitate boto" didaktiko baten bila dabiltza hauek ere. Scott Thornbury liburuaren egilearen webgunean dugu ideien glosario moduko hau.
Interesgarriak ideia eta hausnarketa batzuk: benetakotasuna, gutxien-gutxieneko beharrezkoak, elkarrizketa eta solasaldia, pertsonak, "biluztasuna", humanismoa... Eta batzuk ezagunak egin zaizkit.
EEMko mailak Ikasbilen
Lankide batek ohartarazi digu. Ikasbileko bilatzailean zein dokumentuen zerrendetan lehengo mailen ordez (1a, 1b, 2, 3, 4), Europako Erreferentzia Markoko mailaketa hasi da agertzen (A1, A2, B1, B2, C1, C2).
Donostiako Vitoria-Gasteiz kalean zer preparatzen ote da?
Materialak ebaluatzeko irizpideak
José Ramónek ikasmaterialak ebaluatzeko lau irizpide proposatzen dizkigu bere irakurketa eta hausnarketetatik abiatuta. Laburtuta:
- Helburuak, funtzioak, edukiak eta azken atazaren arteko erlazioa.
- Aktibitateen egingarritasuna eta bideragarritasuna
- Instrukzioen kalitatea
- Xede-hizkuntzan egin nahi dena eta aktibitatearekin lortu nahi denaren arteko koherentzia.
Esango nuke ikasmterialak ez ezik, ikas-irakaskuntza jardun osoa ebaluatzeko irizpdeak izan daitezkeela. Zer diozue zuek?
Sarean irakurtzen trebatzeko aktibitateak
Felipe Zayasek sareko testuekin ohitu eta haiek irakurtzen trebatzeko aktibiate zerrenda bat egin du. Geurera ekartzeko ideia politak izan daitezkeela begitandu zait.
Azken iruzkinak