mugikorrak

Lingibli: QR kodeak erabili hizkuntzak ikasteko

Lotura

Wwwhat's New eta @filoblogiaren bidez etorri zaigu Lingibli honen berri. Web-ean edo mugikorrean aukera ematen du ikasi nahi den hizkuntzako QR kodeen bilduma bat jaisteko. QR horiek inprimatu eta dagozkien objektuen gainean jarrita inguruko hiztegi hori ikasten lagunduko digu.

Horrez gain, ohiko esaldien bilduma bat ematen du hitz horiekin, elkarrizketan arruntetan erabiltzeko. Ez dut lortu eskaintzen duen pdf-a jaistea hala ere (errorea ematen du), eta mugikorrean ere arazoak izan ditut.

Hizkuntza asko aukeratu daitezke, baina euskara ez dago haien artean. Dena den, norbaitek teknika hori probatu nahi badu, hitz zerrenda hartu eta QR kodeak sortzen duen edozein software hartu eta norberak sor ditzake etiketak.

Euskara mugikorrean ikasteko aplikazioa

Lotura

Elhuyarrek aurkeztu du gaur aplikazioa. Moblang proiektuaren barruan kokatuta dago eta bertatik deskargatu behar da aplikazio hori, baina hara joan eta oraingoz ez da jaisteko moduan.

Hemen irakurri dugunaren arabera aplikazioa hiztegiak, audio eta bideo txartelek, jolasek eta ariketek osatuko dute.

"Euskeraz ikasi" aplikazioa

Lotura

Market eta Store desberdinetan saltseatzen "Euskeraz ikasi" izeneko aplikazio hau aurkitu dut. Iker Etxebarria garatzaileak sortu du doako aplikazio hau, funtsean hiztegia, zuzentzaile ortografikoa eta hiztegi-ariketen bilduma da, interfazea gaztelaniaz da, eta esango nuke zer hobetu asko dituela, ikuspegi didaktikotik zein teknikotik.

Edonola ere, euskara ikasten laguntzeko gailu mugikorretan erabiltzeko lehenengo "aplikazioa" dela uste dut, eta hala bada aipamena merezi du behintzat.

• Android bertsioa telefonoetarako (Android Market)
• Android bertsioa tabletetarako. (Android Market)
• iPhone bertsioa (App Store)
• Chrome bertsioa (Chrome web store)

iPhonean hizkuntzak ikasten

Lotura

Busuu Interneten hizkuntzak ikasteko dabiltzan lekuetako bat da, eta azkenotan arlo guztietan gertatzen ari den bezala gailu mugikorretara egin du salto. iPhone-erako aplikazioa garatu du hain zuzen ere.

Seguruenik ez da ez bakarra, ez lehenengoa izango.

Ikasteko karaokea

Lotura

Kataluniako Universitat Obertak (UOC) ikaskuntza proiektu irekia dabil garatzen: Open Courseware. Bere ikastaro eta ikasgaietako materialak eta baliabideak eskuragai jarri nahi ditu sarean, horrez gain materialok automatikoki sortzeko software-a ere garatzen dabil, Myway proiektuan.

Formatu bereziak ere garatu dituzte, eta hasiera batean deigarriena Karaoke bataiatu dutena da. Ez zaio ikasleari lezioa kantatuko (edo kantaraziko), ez. Funtsean aurkezpen moduko bat da, diapositibak pasatzen dira eta bitartean ahots automatizatu batek irakurtzen dizkigu hango pasarteak, bitartean irakurtzen ari diren testuak nabarmendu egiten dira pantailan.

Gailu mugikorretan (Ipod, mp4ak, sakelakoak...) erabiltzeko diseinatu dira, gero eta hedatuagoa den mp4 formatuan, etxetik lanerako edo lanetik etxerako bidaia urbanoetako tarteak aprobetxatzeko. Ikastaro honetan dituzue adibide batzuk.

Automatizazioa azken muturrera eramanda nonbait. Teknofoboei biraorik gordinena iruditu zaie seguruenik, baina ezin ukatu une, gune eta baliabide batzuk (ere) erabiltzeko ideien iturria zabaldu dezaketela honako ekimenek.

Via Octeto eta Alvaro Gregori.

Sakela(ko)rako hiztegia

Lotura

Joxe Rojasek hiztegia poltsikoan eramateko modu berri bi aurkeztu dizkigu. OpenDic aplikazioa Palm gailuetarako, eta TinyLex Javarekin bateragarriak diren sakelako telefono eta gailuetarako.

Liburuak mugikorrean irakurri

Lotura

Elekak eta Bluexarek garatu dute plataforma eta Durangoko azokan Alberdaniaren stand-ean probatu ahal izango da.

Ikasbilen bidez.

Azkenotan konturatu naiz egunkarietako albisteak eta blog mezu batzuk oso eroso irakurtzen direla PDAn. Ez da baztertzeko kontua izango, Mlearning-en bidetik edo (Aghh! Ikas-sistema bat gehiago!) .