Murriztuko direla baina ez direla murriztuko
Noticias Taldeko egunkariek diote euskara ikasteko diru-laguntzak murriztuko direla eta hori ez da egia; murriztekotan ere euskarazko tituluak eskuratu dituztelako, titulu horiek eskuratu ostean, ikasleei ematen zaizkien diru-laguntzak murriztuko dira.
Helduen euskalduntze eta alfabetatzera bideratuko den dirua (Euskararen bloga)
HABEren plan estrategikoa
Atzo aurkeztu zen HABEren plan estrategikoa Gasteizko Legebiltzarreko agerraldi batean. Erabili.com-en duzue laburpen bat.
Arian metodoa
Elkar argitaletxeak atzo aurkeztu zuen Arian metodoaren lehenengo atala, eta bideo hau egin dute promozionatzeko.
Euskaltegi pribatuen agerraldia Legebiltzarrean.
Gaur goizeko 10etatik hasita Gasteizko Legebiltzarreko Kultura eta Gazteria Batzordean euskaltegi pribatu homologatuek egoeraren berri emango dute. Bilera berean HABEren plan estrategikoa aurkeztuko da.
Euskaldun errudun
Sustatura bidali duten mezuan erakutsi digute Tandem fundazioak euskaldunoi buruz zer gomendio zabaltzen duen. Tandem-ek hizkuntz-trukeak antolatzen ditu, euskara praktikatzeko aukera ere ematen du, hori bai, euskaldunokin jardun nahi dutenei abisua ematen die: "The rule "innocent until proven guilty", as is common in Western Europe, does not always apply in the Basque Country."
Euskaldunok ez gara berez errugabeak, Tandemen ustez behintzat. Dorpea benetan (bai, beste hainbat epiteto ere okurritu zaizkit).
EAEko ikasleentzako diru-laguntzetan murrizketa
HABEk euskara ikasleei ematen dien diru-laguntzetarako kopurua 1.85 milioi eurotik miloi batera jaitsi da. Deian diotenaren arabera euskara ikasi duten ikasleek jaso dezaketen gehienezko diru-kopurua murriztu egingo da datozen urteetan, kasu batzuetan laurden batera jaitsi daiteke jasotzen dutena.
Hizkuntz eskakizunak Europan
Dagoeneko (joera hazkorra izan baita), Europar Batasuneko 27 estatuetatik 23k nolabaiteko hizkuntza eskakizuna ezartzen diete beren biztanleei, gutxieneko eskubide batzuk lortu ahal izateko.
(...)
Suedia, Irlanda, Txipre eta Espainia dira horrelakorik ez duten bakarrak....
(...)
Eta gu, gaixo euskaldunak artatu behar dituen medikuak euskara jakin behar ote duen eztabaidatzen, oraindik ere.
Hizkuntz eskakizunak (Argia)
Verbling: hizkuntzak praktikatzeko "chatroulette" bat
Duela hilabete batzuk ezaguna egin zen Chatroulette, ausazko bideo-txataren ideia original, barregarri eta eskandalagarri ere suertatu izan da. Ausazko harreman horren ideiak beste aplikazio batzuk eduki litzake, eta hala ikusi dute Verbling honen sortzaileak. Hizkuntzak praktikatu behar dutenentzat aukera izan daiteke.
Gaztelania eta ingeles hiztunekin soilik funtzionatzen du nagusiki oraingoz. Sistema erraza da, zeure ama-hizkuntza eta bigarren hizkuntzako maila zehaztu eta konektatu. Bosna minutu hizkuntza bakoitzean jardun (gaztelania eta ingelesa adibidez) eta beste "bikote" bat topatu.
Via @beatxo
Publikotik pribatura
Esan digute murrizketen ondorioz zenbait euskaltegitan taldea ez dela osatuko, baina euskaltegi publikoetan tokirik ez dutenek pribatuetara jo ahal izango dute. Ez dugu euskara ikasi nahi duen inor diru faltagatik bazterrean utziko
Urte akademikoaren aurkezpeneko prentsaurrean jaso ziren Auzmendiren hitz hauek.
Hamar irakasletik bat ez da arituko udal euskaltegietan aurten, murrizketak direla eta (Berria)
HABEren ekitaldi akademikoa zuzenean
Ikasturteko ekitaldi akademikoaren hasiera aurten Internetetik zuzenean eman dute lehehenegoz. Hor daukazue.
NEL proiektua: etxeko laguntzaileek lanean euskara ikasi
Familia euskaldunetan etxeko laguntzaile lanetan ari direnei begira, urruneko etorkinak asko, proiektu interesgarri hau jarri dute martxan Gipuzkoako eskualde batzuetan. Ordu gitxiko tailerretan langileekin eta familiekin lan egiteko asmoa dute, azken hauek langileari euskara ikasten nola lagun diezaioketen landuko da gehien bat, dirudienez.
Proiektuaren sustatzaileak Banaiz Bagara elkarte, Emun Koop., Caritas, Esperanza Latina, Donostia, Buruntzaldea eta Villabonako Udalak dira.
AEKren spot-a 2011-12
Gasteizko AEK hasi da erabiltzen erakundeak ikasturte honetarko prestau duen spot-a.
Eutsi gazte euskara ikasten
Nafarroako udalen euskara zerbitzuek urtero antolatzen dute euskara ikasten animatzeko kanpaina. Aurten gaztetasunarekin lotu dute "eutsi gazte / mantente joven" leloarekin.
Informazio gehiago:
- Eutsi Gazte / Mantente joven
- Euskaraz ikasi gazte mantentzeko (Berria)
- La campaña 'Mantente joven' anima a aprender euskera (Noticias de Navarra)
HABE: matrikulazio kanpainarako bideoa
Hasteko dugun ikasturtean euskaltegietan matrikulatzeko kanpainan HABEk bere aletxoa bota du. Lurdes Auzmendiren blog berrian ikusi dugu.
Laguntzak bai, baina ikasle gutxiagoren esperantzan?
La viceconsejera de Política Lingüística, Lourdes Auzmendi, explicó a EL PAÍS que habrá que establecer prioridades. Entre ellas están las ayudas a los euskaltegis, que desde este curso podrían ver reducido su número de estudiantes debido al decreto de homologación de estudios de euskera que han impulsado las consejerías de Educación y Cultura. Este texto busca reconocer el nivel a quienes hayan estudiado en euskera sin necesidad de realizar exámenes como el EGA.
EAEn kultura-aurrekontuetan datozen murrizketak euskaltegiek gutxien jasango ei dituzte. Ikasle gutxiago etorriko diren esperantzarekin ote? Oraindik aplikazio betean ez dagoen dekretu baten eraginez, bide batez.
Cultura prepara un "importante recorte" que afectará a las partidas de euskera (El Pais)
- « lehenengoa
- ‹ aurrekoa
- …
- 12
- 13
- 14
- 15
- 16
- 17
- 18
- 19
- 20
- …
- hurrengoa ›
- azkena »
Bilatu
Harpidetu
Azken iruzkinak