ikaskuntza
"Gu geu" egitasmoa, mintzalagun hirueleduna
Txingudin, Irun, Hendaia, Hondarribi inguru horretan euskara, gaztelania eta frantesaren ikaskuntza eta ezagutza sustatzeko "Gu geu" egitasmoa jarri dute martxan hango elkarte batzuek. Mintzalagun edo mintza-praktika jarduera baten antza du, baina inguruko hiru hizkuntzei begirakoa.
Eleanizasuna, gaitasun interkulturala eta horrelakoak etorri zaizkit gogora.
Teknologia bueltan
Resulta curioso ver cómo metodologías que empezamos a aplicar a la educación online – que rápidamente dejó de percibirse como “el sustituto pobre de quienes no pueden recurrir a la presencial” para ser un producto en muchos casos incluso superior – se integran ahora cada vez más en la formación tradicional, suplementando y mejorando la interacción en el aula, y progresivamente, a todos los niveles.
Teknologia berrien erabilerak online ingurunetik aurrez aurrekora salto egin duela dio Dansek mezu honetan:
Leo Messi eta estategia didaktikoak
Esperientzia bikaina Jolausek (IKTeroak) kontatzen diguna. Hona, ondorioetako bat:
" Ikasle baten “maila” edo “kalitatea” ebaluaziorako ezartzen zaizkion irizpideen araberakoa da eta irizpide horiek eskuratzea aldagai askoren menpe dago, gela barruan erabiltzen dugun estrategia didaktikoa garrantzitsuenetako bat izanik."
Euskara zaila dela
Mito horrek kalte handia egin dio gure hizkuntzari, eta neurri batean, gure errua ere bada. Sarri aldarrikatu izan dugu oso hizkuntza ezberdina dela, ez duela gainontzeko hizkuntzekin inolako antzekotasunik. Mito horrekin amaitzeko garaia delakoan nago, eta esango nuke gainontzeko hizkuntzen modukoa dela argi utzi nahian bagabiltzala.
Elkarrizketa egin diote Argiakoek Erramun Turutarenari: Erramun Turutarena: "Hizkuntza guztiak dira errazak".
Egiaren orduak
L'hora de la veritat de la llengua oral són els usos quotidians. L'altra hora de la veritat, per a molts aprenents de llengua, és l'espai artificial d'un examen oral
[745] Impostors, mòmies i traïdors (Aprendre llengües)
Ikaskuntza kooperatiboa: lotura zerrenda
Ikaskuntza kooperatiboa azken urteotan gehien aipatzen diren gaien artean dugu. Kontzeptu interesgarria izan daiteke guretzat ere, ikastalde batean ditugun pertsona eta mailak desberdinak kudeatzeko adibidez.
Honetaz interesa duenarentzat Fernando Trujillok erreferentzia eta loturen zerrenda interesagarria jarri digu De estranjis blogean.
Konektibismoa ikasgelan
Nire ikuspegitik, konektibismoari konexionismoari leporatu zitzaizkion kontu berak egotz dakizkioke:
- Gizaki guztiok berdin ikasten dugula pentsatzea. Badakigu jakin, pertsona batzuek okerrago erantzuten dutela kaosaren aurrean eta horrek euren ikaskuntza mugatzen du. Halaber, badakigu pertsona batzuek tolerantzia baxua dutela anbiguotasunaren aurrean, edo pertsona batzuek beste batzuk baino sistematikoagoak izan behar dutela... aspaldi, 1978an Roberta Abraham-ek egindako ikerketek erakusten zuten bezala, "The Nature of Cognitive Style and Its Importance to the Foreign Language Teacher" izeneko argitalpenean.
- Ikaskuntza "norberaren kontua" dela pentsatzea. Edozein ikaskuntza teoriak ikaskuntzaren parte soziala izan behar du bere barnean. Pertsonak ikasten duela esateak eta ondorioz, pertsonak izan behar duela fokoa, ikaskuntzaren ikuspegi psikologizistaren errore handietako bat da (eta neu psikologoa naiz baina onartzen dut akatsa). Sareetan ikasten dugula esateak esan gabe nola eragiten duen zein komunitatetakoak garen, zein den gure familia, gure kultura, gure hizkuntza... ikaskuntzaren globalizazio erradikala sustatzea da eta, horrekin, giza-aniztasunaren asimilazioa.
Educared 2011n ponentzia aurkeztu du Ainhoa Ezeizak. Konektibismoa azken urteotan aurrera joan den ikuspegia da, eta ponentziaren laburpen-azalpen hau oso lagungarria izan daiteke gure testuingurua (hizkuntzen ikaskuntza) ideien joan-etorri horretan kokatzeko.
Konektibismoa ikasgelan: Educared 2011 (Ainhoa Ezeiza)
Aurkezpena:
Zen aholkuak euskara ikasleentzat
AEKren E-uskaltegiak izen deigarriko bideo sorta hau hasi da plazaratzen Youtuben. "Zen", "zuen" edo "zion" ote den ez dakigula, euskara ikasleentzako aholkuak datoz hor.
Hemen bigarren alea.
NEL proiektua: etxeko laguntzaileek lanean euskara ikasi
Familia euskaldunetan etxeko laguntzaile lanetan ari direnei begira, urruneko etorkinak asko, proiektu interesgarri hau jarri dute martxan Gipuzkoako eskualde batzuetan. Ordu gitxiko tailerretan langileekin eta familiekin lan egiteko asmoa dute, azken hauek langileari euskara ikasten nola lagun diezaioketen landuko da gehien bat, dirudienez.
Proiektuaren sustatzaileak Banaiz Bagara elkarte, Emun Koop., Caritas, Esperanza Latina, Donostia, Buruntzaldea eta Villabonako Udalak dira.
Adina eta hizkuntzak ikastea
Israelgo Haifako Unibertsitatean egin den ikerketa baten arabera adina ez da hizkuntzak ikasteko oztopoa. Ikerketa horretan helduek arazo gutxiago izan ei dituzte balizko hizkuntza baten balizko arau batzuk deduzitzeko umeek eta gazteek baino.
Proba ikusita akaso ondorioa izan beharko luke helduek hizkuntzaren arauak asmatzeko edo deduzitzeko arazo gutxiago izan dezaketela logika erabilita. Hala ere, hizkuntza ikasteak arauak identifikatzen jakitea ez ezik, beste hainbat trebetasun ere eskatzen dituela esango nuke, ikas-estrategia ugari jarri behar dira martxan alegia. Hala ere, ALT1040n dioten honekin bat nator neurri handi batean (bigarren atalarekin gehien bat):
De ser cierto lo que sostiene este estudio, la edad sería sólo un pretexto para no aprender un nuevo idioma.
Ikaskuntza vs. jabekuntza
Ikuspuntu soziologiko batetik, hizkuntza baten jabekuntza ikaskuntza baino garrantzitsuagoa da. Eta hizkuntza ahul baten kasuan are gehiago. Ikaskuntza beharrezkoa da, baina benetan erabakigarria jabekuntza.
Jabetu gaitezen (Garaigoikoa)
Gihar kontua?
Quando umha persoa sente que o galego “nom lhe sae” podemos pensar num problema cultural, psicológico ou ideológico mas nunca que detrás desse deficit pode haver um problema anatómico. Si, anatómico. Ou de articulaçom. E muitas vezes identificamos a aprendizagem do galego com actividades morfo-sintácticas ou léxico-semánticas quando o que realmente se precisam som exercícios de treinamento muscular.
O músculo da língua (Made in Galiza)
Makuluen balioa
Our latest study shows that disfluencies in speech directed to young children have an interesting benefit. What children have learned, surprisingly early, is when there is an "um" or "er", the word that follows is almost always one they don't know. When you are fumbling for the correct word, you are sending a message to the child that they should pay attention. That's very useful.
Aaaa..., eeee...., ummm... bezalako makuluak ahozko hizkeraren osagai arrunta izaten dira. "Disfluence" deitzen zaie, euskaraz "jarioaren etenak" edo esan daitekeen zerbait. Richard Aslinek ikertu ditu, eta ikaskuntzari begira (umeekin batez ere) uste dugun baino balio handiagoa izan dezakete haren ondorioen arabera:
Gure azken ikerketan ikusi dugu umeei hizketan ari garela, disfluentziek funtzio interesgarria dutela. Umeek uste baino arinago ikasi dituzte hitz batzuk, eta hitz horiek ia beti aurretik "um" edo "er" bezalako makulu baten ondoren esan zaizkie. Hitz egokiaren bila totelka hasten zarenean, arreta jartzeko mezua ari zara umeei bidaltzen. Oso erabilgarria da.
Ez dakit helduentzat ere baliagarria ote den, baina hiztegia lantzen ari garela makulu bilduma ondoan izatea komeniko da.
Via NodosEle
Iraultzarako denbora falta da
Imaginamos por todas partes laptops, dispositivos móviles y una conectividad ubicua que soñamos que nos ayudará a mejorar la educación. Cuando lo que necesitamos son profesores mejor preparados, mejor pagados, cambiar los sistemas de evaluación, la memorización ciega y la acumulación de contenidos, la parcelación de las asignaturas, etc. Y para esa revolución aún falta tiempo.
"Ikaskuntza ikustezina" kontzeptuaren sortzaile eta zabaltzaile nagusietakoa dugu Cristobal Cobo. ALT1040n egin diote elkarrizketa: Entrevista con Cristóbal Cobo sobre el Aprendizaje Invisible
Ikasteko zailtasuna: hizkuntzen ranking-a
Voxy-koek grafiko bat prestatu dute ingeles hiztunentzat ikasteko hizkuntza errazen eta zailenen sailkapena eginda. AEBetako kanpo-zerbitzuen institutuaren zerrenda bat aipatu dute, eta irizpide hauek azaldu dituzte: hizkuntzaren hurbiltasuna norberaren ama-hizkuntzatik edo dakizkien beste hizkuntzetatik, xede-hizkuntzaren berezko konplexutasuna, ikasteko ordu kopurua, ikasteko baliabideen eskuragarritasuna eta motibazioa.
ingeles hiztunentzat errazenak, ikasteko 600 ordu inguru, nederlandera edo suediera bezalako hizkuntza germanikoak edo hizkuntza latindarrak, ingelesetik gertuenekoak nonbait. Hurrengo mailan, 1100 orduren bueltan, ingelesarekin alde nabarmenak dituzten hizkuntzak: errusiera, hindia, turkiera, greziera edo suomiera. Eta zailtasun maila gorenean, 2.000tik gora ordu, arabiera, txinera edo japoniera bezalako hizkuntza "urrunak".
Ez, oraingo honetan euskara ez da agertu sailkapenean (ezta alemana bezalako hizkuntza hedatu bat ere adibidez). Baina, sailkapen hori ikusita eta EHn berton ikasteko prozesu formala 1.200 orduren bueltan dabilela, pentsa daiteke bertoko erdaldun batentzat euskara ikastea ingeles hiztun batentzat hindia ikastea bezain zaila (edo erraza) izan litekeela.
Via: Voxy Blog
Bilatu
Harpidetu
Azken iruzkinak