Lankide batek ohartarazi digu. Ikasbileko bilatzailean zein dokumentuen zerrendetan lehengo mailen ordez (1a, 1b, 2, 3, 4), Europako Erreferentzia Markoko mailaketa hasi da agertzen (A1, A2, B1, B2, C1, C2).

Donostiako Vitoria-Gasteiz kalean zer preparatzen ote da?

HABE eta Euskadi Irratiaren artean prestatu dute saio berri hau. Lehenengo saioa gaur iluntzeko 9etan emitituko dute. Sarean oraingoz ez dugu informazio askorik aurkitu, baina euskaltegietara bidali dute jakinarazpena:

Euskadi Irratia HABErekin lankidetzan euskaldun berrientzat irratsaio berri bat emititzen hasi da gaur otsailaren 1a iluntzeko 21:00etatik 21:30era. Xabier Sukia kazetaria izango da gidari eta berarekin batera euskara ikasten ari edota aritu diren gonbidatuak izango ditu alboan.

Egun ikasten ari diren ikasleak saiora joan daitezen animatu nahi ditugu eta horretarako zuen laguntza behar dugu. Azpimarratu nahiko genuke saioa oso entretenigarria izango dela: elkarrizketak, abestiak, trikimailuak, txisteak, lehiaketak… izango dira osagai nagusiak. Baina, era berean helburu didaktikoa ere izango duen aldetik, hainbat entzungairen lanketa egiteko proposamenak egingo dizkigu Xabierrek HABEren laguntzaz. Entzun aurretik, hiztegia landu eta ulermenerako baliagarriak izango diren tresnak eskainiko dizkigute, eta entzun bitartean eginkizunen bat proposatuko. Eginkizun horiek ondo egiteak izango du saririk, irratsaioa bete sari baitator.

Euskadi Irratiko programazioan euskaldun berrientzat propio egokitutako irratsaio bat diseinatu dugu, beraz, Euskadi Irratiko arduradun eta HABEko materialgintza ataleko teknikariok. Irratia oso baliabide egokia dela iritzita, euskara ikasten ari direnentzat egokia den irratsaio bat sortzen saiatuko gara. Hauexek lirateke ezaugarri nagusiak:

• Irratsaioaren hartzailea euskaldun berria izango da, euskara ikasten ari den heldua. Une honetan Euskadi Irratiko entzulegai baina etorkizunean entzule oso izango dena.
• Irratsaioak izaera entretenimenduzkoa izango du, baina baita didaktikoa eta informatzailea ere
• Irratsaio honen bidez, euskara-ikaslearengana hurbildu egingo gara, ahozko ulermenean dituen zailtasunak gainditzen lagunduz. Hori dela eta, euskara-ikasleari aurkeztuko dizkiogun ahozko testu-erak hobeto ulertzen laguntzea izango da irratsaioaren helburu didaktiko nagusia. Horretarako, ahozkoaren ulermena garatzeko, baliabide lexikalak nahiz azalpen gramatikalak eskainiko dira irratsaioan.
• Irratsaioan eskainiko diren edukien trataera eta proposatuko diren eginkizun edo atazak mailakatuak egongo dira eta irratsaioan bertan emango dira erantzunak.
• Irratsaioak www.ikasbil.net atariarekin lotura estua eta zuzena izango du: eduki guztiak atarian argitaratuko dira eta audio-eduki guztien transkripzio eta ariketak atarian deskargagarri egongo dira. Hartara, elkar elikatuko duten zerbitzu bat eskainiko dugu.
• Era berean, HABE aldizkariak hilero irratsaioaren berri emango du, hurrengo hilabeteko gonbidatuak nortzuk izango diren aurreratuz eta informazio osagarria eskainiz.
• Irratsaiora etorriko diren gonbidatuak euskara ikasten ari direnentzat motibagarriak izango dira, euskaldun oso izatera iritsi diren hainbat ikasle eredugarriren testigantzak bilduko baititugu. Adibide edota trikimailu praktiko eta eraginkorrak azalduz, ikasle arrakastatsu izatera nola iritsi diren eta zein estrategiaz baliatu diren kontatuko digute. Era berean, egun euskaltegian diharduten ikasle nahiz irakasleak ere gonbidatu nahi ditugu. Gaur egun “bidean” dauden ikasleen eta bidelagun dituzten irakasleen ikuspegia ere oso baliagarria eta aberasgarria dela iruditzen zaigulako.
• Lehiaketak, hitz-jokoak, asmakizunak... Ikasleen parte hartzea sustatzeko aproposak diren irrati bidezko jolas ugari aurkituko dituzue.
• Euskalduntze-alfabetatze sektoretik nahiz euskal kulturatik sortutako berri interesgarriak ere eskainiko dira: matrikulazio-kanpainak, argitalpen berriak, azterketa-deialdiak... Euskara-ikaslearentzat interesgarria izango den albistegia, hain zuzen.
• Galdera-erantzunen tartea zabalduko dugu beren proposamen nahiz iradokizunak biltzeko asmoz. Horretarako, zuzeneko telefono honetara deitu edota posta elektronikoz helarazi behar dituzte iritzi eta galderak: 943.01.22.50 edo elealea@eitb.com. Zuzeneko saiora deitu nahi duenak hauxe du telefonoa: 943.01.22.00.
• Zuzeneko irratsaioa astelehen iluntzetan 21:00etatik 21:30era izango da. Larunbat eguerdietan saioa errepikatuko dute.

 Lerro hauetan adierazi dizuegun bezala, euskara-ikasleentzako irratsaioa izango den neurrian, euskaltegien sarearen parte hartzea ezinbestekotzat jotzen dugu. Beraz, har itzazue ele hauek saiorako gonbidapen gisa.

Egitasmo honen zabalkundean lagunduko eta ikasleak irratira joan daitezen animatuko dituzuelakoan, ongi izan.

Olentzerok ekarri die (eskatutako eta merezitako) oparia azterketa gainditu dutenei.

Via: El euskaltegi

Testu-arkitektura eta Gramatika, ekintza komunikatiboaren baitan izenburuarekin, ale monografikoa dator oraingoan Pello Esnalen eskutik.

Niri oraindik ez zait heldu, baina Ikasbilen iragarri dute oraingoan.

Gutuna heldu da gaur, eta Ikasbilen ere eman dute horren berri. HABEk sinposioa antolatu du EALTArekin batera datorren astean Donostian. Gaia: hizkuntz-proben nondik norakoak.

Programa luzea datorren ostiralekoa, hiru hitzaldi goizean, eta eztabaida taldeak eta mahai-ingurua arratsaldean. Programa potoloa, astebeteko digestioa beharko du.

HABEren liburutegian 11 ale berri daude. Uda honetan zehar egin diren ikastaro, jardunaldi eta hitzaldietan grabatuak.

Batean agertzen den bat ezaguna egin zait.

Juli Palouk HABEren ekitaldi akademikoaren inaugurazioan eman zuen hitzaldiaren transkripzioa ekarri dute Hizkunea aldizkarira.

Duela egun batzuk jarri zuten webgunean, ostaralientzat eta dendarientzat ikastaroak antolatzeko diru-laguntzetarako prozedurak eta deialdiak.

2009-10 ikasturteko diru-laguntzak arautzen dituen xedapena argitaratau da buletinean.

Twitter-en sarrera honetan baino ez dut ikusi sarean, baina aspaldian da jakina. HABEn zuzendaritza ez ezik, organigramako postu batzuetan egon da aldaketa. Joxe Joan González de Txabarri diputatu eta ahaldun ohia da orain  didaktika zerbitzuko buru. Eszedentzian egon da ibilbide poltikoa egin duen bitartean eta orain lehengo postura bueltatu da dirudienez.

Ardura postuen artean mogimenduak eragin ditu etorrera honek.

Bestalde, Gurutz Larrañaga damaterialgintza zerbitzuko burua.

HABEk euskaltegietan izena ematera animatzeko kanpaina hau egin du 09-10 honetarako. Bideoa hor goian, eta hemen kartela (pdf) eta irratiko iragarkia (mp3).

Ikasbilen iragarri dute: Euskaltegira noa

Datorren ostiralean Bilbon egingo da aurkezpen ekitaldia, eta gaur egin dute hedabideentzako prentsaurrekoa.

Ikasbilen informazio gehiago.

Eusko Jaurlaritza eta EUDELek sinatu dute hitzarmena eta 12.6 milioi euroko diru-partida bideratuko da Lakuatik.