Jane Hart adituak Jane's E-Learning Pick of the Day blogean elearning-erako plataformak eta LMSak web sozialerantz ekartzeko bideak jorratu ditu, eta aurkezpen honetan laburtu. Ikaskuntza sozial, kolaboratiboa, parte-hartzailea eta informalerako bideak zabaltzeaz ari da azken batean.

A closer look at using a social media platform ...(Jane's E-Learning Pick of the Day)

Datorren astean egingo den Moodlemoot Euskadiren programan irakasleen unconference bat antolatu da arratsaldean. Interesgarria eta berria.

Twitter-en edukiko duzue informazio eguneratua.

Kataluniako Universitat Obertak (UOC) ikaskuntza proiektu irekia dabil garatzen: Open Courseware. Bere ikastaro eta ikasgaietako materialak eta baliabideak eskuragai jarri nahi ditu sarean, horrez gain materialok automatikoki sortzeko software-a ere garatzen dabil, Myway proiektuan.

Formatu bereziak ere garatu dituzte, eta hasiera batean deigarriena Karaoke bataiatu dutena da. Ez zaio ikasleari lezioa kantatuko (edo kantaraziko), ez. Funtsean aurkezpen moduko bat da, diapositibak pasatzen dira eta bitartean ahots automatizatu batek irakurtzen dizkigu hango pasarteak, bitartean irakurtzen ari diren testuak nabarmendu egiten dira pantailan.

Gailu mugikorretan (Ipod, mp4ak, sakelakoak...) erabiltzeko diseinatu dira, gero eta hedatuagoa den mp4 formatuan, etxetik lanerako edo lanetik etxerako bidaia urbanoetako tarteak aprobetxatzeko. Ikastaro honetan dituzue adibide batzuk.

Automatizazioa azken muturrera eramanda nonbait. Teknofoboei biraorik gordinena iruditu zaie seguruenik, baina ezin ukatu une, gune eta baliabide batzuk (ere) erabiltzeko ideien iturria zabaldu dezaketela honako ekimenek.

Via Octeto eta Alvaro Gregori.

Moodlezaleek eta Moodle-en erabiltzaileek hitzordua dute maiatzean Deustuko Unibertsitatean.

Via Josu Orbe

Joxe Aranzabalek Twitter-en luzatu digu gomendioa, Baltimoreko institutu batek sarean ipini duen ikastaro sorta hau hain zuzen ere. Ikastaro horien artean Becoming a Lifelong Learner (Bilaka zaitez bizitza osoko ikasle) izenekoan sartu eta aurkezpen bikain hau aurkitu dugu.

LLL eta horrelako gauzak interesatzen bazaizkizue, seguru nago ingelesa behintzat ikasiko duzuela.

Penintsula Iberiarreko euskaldun elebidunok barreari ezin eutsita ibiliko gara zerbitzu honen izena ahoskatzen saiatu ahala, baina ideia interesgarria da.

Funtsean eLearning edukiak sortzeko plataforma da. Zeuren edukiak edo materialak dokumentuetan edo SCORM paketeetan sartu, igo eta aukera daukazu prezioa ipini eta saltzeko, edo, besterik gabe, doan banatzeko.

Gordeta dauzkazuen zuek egindako material zoragarri horiekin aberasteko aukera krisi sasoi honetan.

Wwwhat's New-n ikusia. Interesgarria Alvaro Gregoriren iruzkina eta proposamena.

Graham Atwell-en aurkezpena. Concepcion Abrairak gazteleratua.

Gabinete de Informatica-ren bidez.

Exe Learning html edo xml formatuan ikasteko baliabideak sortzeko software-a da. Elearning-erako, edo besterik gabe sarean edo ordenagailuan ariketak, tutorialak, ikasteko ibilibideak eta halakoak prestatzeko. Asmoz Fundazioak euskaratu du.

Victoria Castrillejok prestatu zuen aurkezpen hau Berlinen egin zuten tailer baterako.

"¡Moodle no es la tarta! ¡Moodle son los utensilios de cocina!" hori gustatu zait.

Via: Nodos Ele.

Espainiako IH zentroek ipini dute martxan irakasleen online prestakuntzarako proiektu hau. Moduluetan banatuta dago eta moduluotan ikastaro ugari ari dira prestatzen.

Francisco Herrerak eman du proiektuaren berri eta informazioa bere blogean: formacionele.com, elearning para profesores de español

Ficod-en barruan antolatu zen mahai-ingurua. Deigarria Enrique Dansen alegoria matrixtarra.

Recursos y estrategias para usar TIC en clase blogetik: Formación y contenido: aprender y enseñar digitalmente

Moodle llena la geografía educativa española de campus virtuales. Moodle-en erabilera eta ezarpenari buruzko erreportajea.

Martin Dougiamas Moodle-en sortzaileari elkarrizketa egin diote gainera: Dougiamas, creador de Moodle: "Internet cambia cómo se educa"