aditza
Trinkator: adizki trinkoak sortzeko "makina"
Erramun Turutarena pertsona(jea) gogor sartu zaigu sarean euskara zitalaren aldeko makinazioetan. Azken inbentoa edozein kontzeptutatik abiatuta adizki trinkoak sortzeko aplikazio hau dugu.
Oharra: Trinkator ez erabili euskara azterketa eta proba ofizialetan jarri dituzunen zuzentasunaren berme modura. Ez dizute ulertuko/gaindituko.
Gogor eta Trinko (Turutene)
www.aditzak.com, aditzak jokatzeko webgunea
Twitter-en hasi da zabaltzen webgune honen berri. Euskararen aditz laguntzailearen osagaiak aukeratuta aditz-forma ematen digu. Sinplea, baina aditzen zerrenda betiko taularekin barik era modernoago baten ikasteko aukera da, duda barik.
Garikoitz Knorrek sinatu du proiektua eta hemen azaltzen dizkigute nondik norakoak.
Euskal aditza lantzeko webgunea berrituta
Maite Goñik iragarri digu orain dela urte batzuk euskal aditza lantzeko prestatu zuen gunea lekuz aldatu eta berriztu egin duela.
Google Sites-en atondu duen gune berri horretan aditz-taulak, azalpenak eta hainbat ariketa ditugu.
Euskararen zailtasunaz
Bere erraztasun eta zailtasunak ditu euskarak, hizkuntza guztiek bezala. Haratago joanda, badira zailtasunak hizkuntzan bertan baino gehiago, ikaslearen psikologian (hiztun komunitatearekiko distantzia, hizkuntzaren erabilgarritasuna, etab.) egon daitezkela dioten ikerketak. Honek osoki azalduko luke neska edo mutilagun atzerritarra duen hark zeinen bizkor ikasten duen maitalearen hizkuntza!
Sustatun agertu da gaur euskararen ustezko zailtasunari tamaina hartu nahi dion artikulua: Eta euskara uste baino hizkuntza errazagoa balitz?
Aditza zailtasunaren arrazoi nagusia delakoan, adizkien maiztasunaren analisi txiki bat eginda aditz forma gutxi erabiliz ondo molda gaitezkeela ondorioztatu du Turutarenak.
21 aditz trinko XXI. menderako
Txistu y Tamboliñ blogean aditz trinko berrien proposamena luzatu digute bizitza modernoaren behar modernoak asetzeko: Dakakat, Bizorra, Damola... dira batzuk.
Aditz Trinkoen Erret Akademia (ATEA)
Facebook-en sortzen diren orri horietako bat. Aditz trinkoekin olgatu eta euskarari "ekarpenak" egitea dute asmoa antza. Itxaro Bordaren artikulu batek piztu du garra dirudienez. Edo Amurizaren proposamenak akaso?
Uzta batzen hasi dira: Lirakaskete, dizerdit, dizurit, genekaskiguke... Segi, segi lagunok.
Subjuntiboa
En efecto, el uso del subjuntivo, el recurso cambiante por parte del escribidor del impersonal, en tercera persona del singular, al plural en primera persona, el empleo reiterado del gerundio y la inclusión de expresiones contaminadas por el antagonista, fortalecen la hipótesis de que la declaración originaria hubiera sido escrita en castellano.
ETA tiene quien le escriba (El País)
ETAren azken adierazpenaren analisi linguisitiko zorrotza, benetan. Badakizue, inor etortzen bazaizue euskaraz subjuntiboa ikasi behar dela eta horrela, gezurra. Adituen arabera (ML Aguilar kasu), euskaraz ez dago subjuntiborik, eta kitto.
Aditza eta espiritua
Aditza ikasiz gero, hizkuntzaren espiritua harrapatu duzu
Gaur8n Mikel Morris hiztegigile eta poliglota estatu batuarraren soslaia eta hitzak ekarri dizkigute. Hizkuntzak ikasteko haren "sekretuak" besteak beste.
IN FRAGANTI: Mikel Morris (Gaur8)
Onoma: aditzen "konjugatzailea"
Gaztelaniazko aditzak ezagutu eta haiekin jolasteko tresna hau zabaldu da. Aditz forma bat aztertu, hari buruzko informazioa eman, konjugazioa erakutsi, eta norberak asmatutako aditzen konjugazioa ere eskaintzen du. Gure hizkuntzan ere munduan dabiltzan aditzomanoek eskertuko lukete halako bat, ezta?
Via: Público
Hitanoa eta baldintza
Leku askotan hitanoa galdu egin da, baina hitanoa gurea da, gure hizkuntzaren ezaugarri bat da. Zergatik ez dugu hitanoa ikasiko baldintza ikasten dugun bezala, edo beste edozein ezaugarri ikasten dugun bezala?
Mintza hadi, lagun! eskuliburuaren harira elkarrizketa egin diote Ritxi Lizartzari Berrian.
Foro baterako galdera dirudi horrek, zergatik ez dugu hitanoa ikasiko/ikasten/ikasi?
Mintza hadi lagun! Hitanoa lantzeko beste tresna bat
Duela gutxi Jon Urruxulegik prestatu duen metodoaren berri izan genuen, eta orain Ritxi Lizartzak egin duen lan hau dugu, liburua eta DVDa. Durangon hika egiten ikasteko aukera egongo da bada.
Informazio gehiago Ikasbilen.
Aditzaren perfekzioaz
Nor da, euskararen aditz joko hau asmatzeko gai? Ba al da horrelako hizkuntzalaririk? Nolatan datorkigu ahoz aho hain egitura berezia eta zehatza? Baserrietan bizi ginen garaietan, ze eskolak zabal zezakeen? Akatsez beteriko hizkuntzengandik hasi eta gerratik gerrara izan garen garaian, aditz zuzena guk bakarrik osatu al dugu?
Berrian publikatutako eskutitza batean: Euskal hizkuntzalaritzaren bide galdua
Bideoa: Ezin etorri
Santurtziko Udal Euskaltegikoek bideoak publikatzen jarraitzen dute. Oraingo honetan klasera hurrengo egunean ezin etorria nola adierazi azaldu du Pilar Montoyak. Hainbestetan esan behar dute ikasleek?
Oharra: Bideoa enbotatzen saiatu naiz, dena dela nabigatzaile batzuetan arazoak ematen dituela dirudi. Ezin baduzue berton ikusi joan jatorrizko helbidera, edo bestela bideoa jaitsi.
Aditz laguntzailearen elipsia eta subjektuaren komunztadura
Artikulu berria 2tzul-en, itzultzaileen blogean. Hizkuntzaren inguruan pentsatzen eta platikatzen afizioa daukagula, ondo estimatzen dira honelakoak.
Azken iruzkinak