hiztegia
40 urte
Y con complejísimas fórmulas matemáticas llegan a la conclusión de que el zénit de una nueva palabra se alcanza en su 40º aniversario, coincidiendo con su reconocimiento en los diccionarios.
El corrector de textos mató a las palabras erreportajean hitzen bizitza eta iraupenaz egindako ikerketa baten berri eman digu Martínek.
Ikerketak ez ditu euskarazko testuak aintzat hartu, dena den interesgarria izan liteke jakitea duela 40 urte sortutako zenbat hitz dabiltzan gure artean eta zer osasun duten.
Sukaldeko eleketa, edo asteko sukaldar(h)itza
Sukaldean.com atari eraberrituan atal berri bati ekin diote, Eleketa. Astero-edo sukaldaritzaren esparruko hitz bat ekarri eta haren adiera eta kokapenaren inguruko informazioa emango dute.
Dagoeneko "zerba" eta "lipua" ekarri dizkigute.
On daigula!
Hiztegiari begiratzearen lotsa
Consultar un diccionario es señal de seriedad, no de debilidad
Ramón Alemán kazetaria, hizkuntz-zuzentzailea eta blogaria da. Lavadora de textos blogean publikatu dituen hainbat artikulu batu ditu izen bereko liburuan eta liburuaren aurkezpenaren harira bota ditu hitzok.
Via Fundeu.
Hezkuntza hiztegia online
Nafarroako EIBZk (Euskararen Irakaskuntzarako Baliabide Zentroa) hezkuntza terminoen euskara-gaztelania hiztegia egin eta sarean jarri du denon eskura. Hizkuntza batetik bestera gabiltzanean terminologia finkatzeko tresna lagungarria izan daiteke.
Ele2tor: zenbatu ezagutzen dituzun hitzak
Euskaraz eta erdaraz zenbat hitz ezagutzen ditugun kalkulatzeko tresna sortu du Erramun Turutarenak. Steve Pinkerren arau baten oinarrituta Elhuyar hiztegiaren corpusaren gainean eraiki da ezagutza kalkulatzeko edo, besterik gabe, hitzekin jolasteko tresna hau.
Informazio gehiago Turutenen: Ele2tor: Ezagutu zure hitz datu-basea
Birao eta irainen zerrenda
Imanol Epeldek euskarazko birao, irain eta berba "gogorren" zerrenda osatu du, eta denon eskura utzi digu: Esanindarra, biraoak euskaraz (pdf)
B1 Adierazpide linguistikoak
Dinglizka12n B1 mailarako adierazpide linguistikoen (hizkuntz-edukiak edo nahi duzuen bezala deitu) zerrenda honen berri eman digute. Nafarroako Zubiarte euskaltegitik ei dator.
Scribd-en kontu berean baliabide eta dokumentu gehiago dituzue.
Makuluen balioa
Our latest study shows that disfluencies in speech directed to young children have an interesting benefit. What children have learned, surprisingly early, is when there is an "um" or "er", the word that follows is almost always one they don't know. When you are fumbling for the correct word, you are sending a message to the child that they should pay attention. That's very useful.
Aaaa..., eeee...., ummm... bezalako makuluak ahozko hizkeraren osagai arrunta izaten dira. "Disfluence" deitzen zaie, euskaraz "jarioaren etenak" edo esan daitekeen zerbait. Richard Aslinek ikertu ditu, eta ikaskuntzari begira (umeekin batez ere) uste dugun baino balio handiagoa izan dezakete haren ondorioen arabera:
Gure azken ikerketan ikusi dugu umeei hizketan ari garela, disfluentziek funtzio interesgarria dutela. Umeek uste baino arinago ikasi dituzte hitz batzuk, eta hitz horiek ia beti aurretik "um" edo "er" bezalako makulu baten ondoren esan zaizkie. Hitz egokiaren bila totelka hasten zarenean, arreta jartzeko mezua ari zara umeei bidaltzen. Oso erabilgarria da.
Ez dakit helduentzat ere baliagarria ote den, baina hiztegia lantzen ari garela makulu bilduma ondoan izatea komeniko da.
Via NodosEle
Termino-mudantzak
Irakurle zorrotza aise ohartuko da termino-mudantzaren kutsu sozialaz. Ez gara petxero, zergadun baizik; ez gara langile, autonomo edo soldatapeko baizik; ez gara herritar, biztanle edo egoiliar baizik; ez gara euskaldun, euskal hiztun baizik.
Errentari (Idazkolako Takatekoak)
Euskara ikasi Korrikan
Korrika17ren bueltan antolatu den Euskalaklip lehiaketan bideo politak egin ditu jendeak. Oinarrizko hiztegia ikasten laguntzen duen hau azpimarratuko dugu, Tita Produksions sinatu dute egileek.
Euskal interjekzioak
Barakaldoko Hizkuntza Eskolaren bueltan hainbat blog dabiltza aspaldian euskara ikasleei begira jarrita. Dizngilizka B2 da haietako bat, eta eurentzat ez ezik, guztientzat baliagarriak izaten diren ideiak eta materialak jartzen dituzte eskura, interjekzioen zerrenda hau bezala.
Sortuz ta sortuz
Alderdi politiko berriaren izenak sortu hitzarekiko interesa piztu eta Kataluniaraino heldu da. Enric Serra saiatu da katalanei hitzaren berri ematen. Interesgarria izan liteke politikak euskara ikasteko (hiztegia gehien bat) zenbat lagundu duen aztertzea.
Etxeko lanak, zeintzuk?
Anduk ohartarazi digu "etxeko lanak" euskaraz zertzuk izan daitezkeen. Hemendik aurrera ondo zehaztu beharko da badaezpada.
Gaztelaniazko kolokazioen hiztegia
Gaztelaniazko kolokoazioen hiztegi hau jarri dute sarean, interesgarria, eta Deliciouseko kontuan Rikardo Gomezek esan duen bezala euskaraz ere interesgarria izan liteke horrelako tresna bat.
Lexikoaren azterketan kolokazioen kontzeptua zabaldu da azken urteotan, hizkuntzaren ikas-irakaskuntzara ere heldu da. Kolokazioa bata bestearen ondoan agertzeko joera duten hitz-multzoak direla esan daiteke. Hemen dituzue gaiaren inguruko artikulu pare bat kontzpetua argitzeko:
- Kolokazioak euskaraz. Zer axola duten kazetaritzan (pdf). Xabier Altzibar.
- ¿Qué son las colocaciones? Blog de lengua española. Alberto Bustos.
Hizpideren batean honi buruzko artikuluren bat agertu dela uste dut, baina orain ez dut gogoratzen, eta ez daukat hemen kontsultagai.
Hitzapasa tematikoak
Maite Goñi aspaldian ari da sarean hitzapasa jolasak jartzen, eta duela egun batzuk gai zehatzen inguruko hitzapasak egiteko gonbitea bota zuen. Dagoeneko fruituak jasotzen hasi da, literatura eta dantzaren inguruko hauek adibidez. Eta gehiago ari dira egosten, Twitter-en besteak beste.
Azken iruzkinak