El autoaprendizaje y la gestión personal no son cuestiones innatas en el individuo; debe ser la principal competencia que, de manera global, se intente promover en el alumnado de cualquier nivel de enseñanza
Anibal de la Torrek ikasteko inguruen desberdinak aztertzen dituen mezu honetan irakurrita: El beneficio de los sistemas mixtos de formación
Aintzat hartzeko modukoak iruditu zaizkit hango hainbat ondorio eta hausnarketa.
Santurtziko Udal Euskaltegian ikasleei galdetu diete zer euskara Internet-en bidez ikasteaz zer uste duten, bideo-kamara aurrean jarri eta hor dugu.
Bideoa enbotatu dut hemen goian. Ez dakit zelan ikusiko duzuen. Bestela lotura daukazue gorago.
Autoikaskuntzan aritutako irakasle batek aholku batzuk ematen ditu bere esperientziatik abiatuta. Bideoa Talo erabiltzaileak ipini du Euskaltuben
Eitb.com-ek blog komunitatea dauka bere barruan. Gai eta arlo desbedinetakoak. Atzo "Aprender a aprender" izeneko bat aurkitu genuen, eta gaur @plonbide-k gogorarazi digu.
Prakagorri SLk eta Ilvem institutuak kudeatzen dute, eta klaseei etekina ateratzeko, azterketak egiteko edo burua prestatzeko aholkuak eta jarraibideak ematen dizkigute. Gaztelaniaz baino ez dago.
Jane Hart adituak Jane's E-Learning Pick of the Day blogean elearning-erako plataformak eta LMSak web sozialerantz ekartzeko bideak jorratu ditu, eta aurkezpen honetan laburtu. Ikaskuntza sozial, kolaboratiboa, parte-hartzailea eta informalerako bideak zabaltzeaz ari da azken batean.
A closer look at using a social media platform ...(Jane's E-Learning Pick of the Day)
Honela irakurri dugu EuskoSaren. Ipar Amerikako Euskal Erakundeek (NABO) 10 irakasle birtual eskatzen dituzte.
Milaka ordu eskainiko dizkiogu irakasleak IKTetan trebeak izateko beharrezkoa duten formazioa eskaintzen...
... eta zenbat eskainiko dizkiogu didaktikaren berrikuntzari? Ingurune berrietan murgiltzeari? Autoikaskuntzari?
Graham Atwell-en aurkezpena. Concepcion Abrairak gazteleratua.
Gabinete de Informatica-ren bidez.
Eta Youtuben Julio Ibarraren bideo sorta aurkitu dugu. Mondragon Linguaren kanpaina.
Even if you’re on the right track, you’ll get run over if you just sit there.
(Zuzeneko bidean bazaude ere, zerbaitek zapalduko zaitu erdian jesarrita geratzen bazara)
Etengabeko ikaskuntza, are hizkuntzen kasuan ilustratzeko aipamen hori ekarri dute Voices en Español blogera. Mezuaren izenburua ere aproposa: Do you view learning as a period of life or a way of life? (Nola ikusten duzu ikastea: bizitzaren sasoia ala bizitzeko era?)
Enric Serraren Aprendre llengües-en (blog hori aipatuaren aipatuaz gomendatu beharrik ere ez dago) beste albiste interesgarri bat aurkitu dugu. SteLLLa (Stimulation of eLearning for Life Long Learning for adults) egitasmoaren berri eman digu hain zuzen ere.
LifeLong learning gero eta gehiago entzuten den kontzeptua da (olerkiak ere egiten dizkiote batzuek). Euskaraz ez dakit inork orain arte itzulpenik eman dion, "etengabeko ikaskuntza bizitzan zehar" edo halako zerbait izan liteke, behin baino gehiagotan entzun/esan ditugun "beti ikasten da" edo "ikastea ez da inoiz amaitzen" aforismo kolokial horien buelta "serio" bat izan liteke kontzeptu hau.
Funtsean abiapuntua honelako zerbait izan litekeela begitantzen zait: ikastea ez da berariazko erakunde, denbora eta testuinguruetan soilik gertatzen, harago doa espazioan eta denboran, horrek ikas-prozesuaren gobernua neurri handi batean ikaslearen esku uztea eskatzen du (badakizue, autoikaskuntzaren inguruan entzuten diren horiek guztiak). Horrekin batera, berrikuntza eta aldaketa gero eta ugariagoak, bizkorragoak eta kontrolagaitzagoak gertatzen ari diren sasoi honetan beharrezkoagoa egiten da etengabeko ikaskuntza mugagabe hori.
SteLLLa egitasmoa berriz Europar Batasuneko Lifelong Learning Programme-tik dator. Zazpi estatu dira partaide egitasmoan: Belgika, Zipre, Alemania, Italia, Polonia, Eslovenia eta Espainia. Espainian hain zuzen ere, Nafarroako CNAI (Nafarroako Hizkuntzen Autoikaskuntzarako Gunea) da egitasmoa garatzeko ardura hartu duen zentroa. LLL hori ahalbidetzeari eta errazteari begira autoikaskuntza eta eLearning-arekin lotutako esperientziak sustatu, aztertu eta batu nahi dira SteLLLa honen markoan, CNAIren kasuan hizkuntzen ikaskuntza jorratzen da.
LLL kontzeptu-ikuspegi honek hizkuntzen eta euskararen ikas-irakaskuntzari begira ere galdera eta gogoetagai batzuk ekar ditzakeela uste dut. Serrak aipatzen dituen autoikaskuntza, ikaskuntza birtuala eta etengabeko ikaskuntzaren beharrarekin batera, hiztun berriak erabilera esparru anitzetan eta normalizazio prozesu baten barruan burutu beharko lukeen etengabeko hizkuntz-egokitzea bururatu zait adibidez. Edozlean ere ikuspegi honek zertifikazioaren eta agirien mugarriekin talka egin lezakeela begitandu zait. Ala ez?
IO: euskaltegiaren hormak bota beharraz hitz egin da hemen inguruan azkenotan. Erlojuak ere bota beharko dira akaso?
IO bis: A ze txapa bota dudan Karrajua "labur" honetan! Karraju nagusia haserretu egingo zaigu, arrazoiarekin gainera.
Un altre dels reptes que encara s’han de vèncer en algunes institucions i entorns és el de l’excés d’atenció, o més ben dit, la desviació a centrar el model de formació en la tecnologia, més que en l’ensenyament i l’aprenentatge.
(Gainditu beharreko erronketako bat erakunde eta inguru batzuetan teknologiari ematen zaion gehiegizko arreta da, edo hobeto esanda, ikaskuntza-eredua ikas-irakaskuntzan barik, teknologian zentratzeko joera.)
"L'autoaprenentatge en un context virtual; reptes i oportunitats per construir un model innovador" (pdf) Llengua i Ús aldizkarian argitaratutako artikulua. Enric Serraren iruzkinaren bidez ailegatu gara horra: [178] Virtualitat i autoaprenentatge: cercant un model
Plisti-plastak errepaso gordina egin die helduen euskalduntzean autoikaskuntzan diharduten erakundeei.
Azken iruzkinak
Duela 15 ordu 47 min
Duela 15 ordu 58 min
Duela 18 ordu 6 min
Duela 18 ordu 16 min
Duela 18 ordu 37 min
Duela Egun 1 23 ordu
Duela Egun 1 23 ordu
Duela 2 days 6 ordu
Duela 2 days 6 ordu
Duela 2 days 7 ordu