Zer(tarako) ikasi?
Erakasleak hautatu eta landuko duenaren pertinentziak edo ikasle mota horri egokia izanak motibazio hori entretenitzen duelako gerta daiteke ere? Ez dakit. Edo bai, badakit. Horra gabe, segur dena dena, beste behin, zerbait funtzionala den ber, ikasten dela. Euskara eta beste guzia. Eduki batek balio badu, jendearentzat baldin badu balio bat, erabilia edo bizia izateko diot, dena da biziagoa eta emankorragoa.
Eta euskal gaiez aritzeko, iparralde honetan orokorrean hori da falta: badela kontzientzia eta diskurtsoa gaien balioez, premiaz, funtsaz baina gure gizarteak eta bereziki honengan eragiten ahal dutenek, euskal gai horiek berak funtzionalak, beharrezkoak izan daitezen indar eta aukera gutxi eskaintzen dutela, ez badira gizarteko zenbait taldeen ekimen eta inbertsiotik.
Quebec-eko UQAMeko Henry Boudreault irakaslearen artikulu baten harira, euskara ikasleen motibazioaz egin du gogoeta Beak Han eta hemen-en.
Ikastea nahi eta behar izatea da (Han eta hemen)
HABEren dirulaguntzak eskatzeko epea zabalik
2010/11 ikasturtean EAEn euskara ikasten ibili direnek diru-laguntza eskatzeko aukera dute bihartik, irailak 6, aurrera.
Hemen daude baldintzak. Zeuek ibili bazarete ikasten, edo zeuen inguruko norbait, gogoratu eta gogorarazi.
Udal Euskaltegiek ongi etorri
Udal euskaltegiek ere ematen agertu zaizkigu matrikulazio kanpainan. Hitza ez hauek, ongi etorria baino.
AEK-k hitza eman
Hasi dira 2011-12rako matrikulazio kanpainak agertzen. AEK izan da lehenengoetako bat. "AEK-k hitza ematen dizu" aurtengo slogana.
Euskal aditza lantzeko webgunea berrituta
Maite Goñik iragarri digu orain dela urte batzuk euskal aditza lantzeko prestatu zuen gunea lekuz aldatu eta berriztu egin duela.
Google Sites-en atondu duen gune berri horretan aditz-taulak, azalpenak eta hainbat ariketa ditugu.
Akats zerrendako goreneko 10ak
Izenburu horretako artikulu sorta baten lehenengoa daukagu gaur erabili.com-en. Euskal telebistarako gomendioak direla ematen du, bekadunek prestatuta.
Gaurkoan erlatiboaren gehiegizko erabilera saihestako gomendioak ditugu. Top-eko number one-a?
BlogaBoga: Legazpi6ren bloga
Udan zehar agertu direnen artean Legazpi6 euskaltegikoen blog berria dugu. Orain arte ikusi ditugun euskaltegien blog "korporatiboen" artean berezia. Pertsonaia batzuen aurkezpenak publikatu dituzten orain arte. Apur bat kriptikoa egin zaizkit deskribapenak, baina esango nuke bertoko irakasleek hartu dituzten ezizenak, abatarrak edo alter-egoak direla (batez ere mezuak udan publikatu direlako... ;-) ).
Aurkezpenen ostean KomaHantxe, Pinpilinperpauxa, e-poxpolin eta bestek zer ekarriko diguten zain.
Xerezaderen Artxiboa: literatur podcasta
Udan zehar ere gauzak pasatu dira, eta, oporretan gaudela, ez dugu haien berri eman sasoian. Haien artean Xerezaderen Artxiboa podcasta. Sustatun iragarri zen ekainean eta Dingilizka12n gogorarazi digute gaur.
Proiektu interesgarria, eta dagoeneko ale batzuk ekarri dizkigu. Dingilizkakoek dioten bezala, begien nekea ez da aitzakia literaturari ekiteko.
HABE: 2011/12ko ekitaldi akademikoa
Duela urte batzuetatik hona HABEk ikasturte berriari hasiera emateko ekitaldi akademikoa antolatzen izan du. Aurtengoa irailaren 16an Donostiako Miramar Jauregian izango da. Aditu baten hitzaldia izaten da ekitaldiaren ardatza, eta aurten Carles Monereo irakaslea izango da protagonista.
Bide batez, aurten urrunetik jarraitzeko aukera emango dute.
Zaila, desberdina...?
Ez zait asko kostatu. Zenbait hizkuntza dakizkidanez, ez dut arazo handirik izan. Klasetara joaten nintzen bakarrik, ez nituen etxeko lanak ere egiten… kar, kar! Baina zailena hitzak izan dira, ezin baitituzu asmatu, latinetik eratorriak ez badira. Euskara hain da desberdina hitz egiten ditudan gainontzeko hizkuntzetatik…
Zuzeukoek Julia Berger alemaniarra aurkeztu digute. Donostian dabil euskara ikasten eta bere esperientzia kontatu digu: “Alemaniatik Donostiara joan nintzen gaztelania ikasi eta hobetzera… eta euskara ikasi dut azkenean!”
New Yorken (ere) motibazioa behar da
Siendo esta una ciudad muy dura, a veces llegaban cansados a clase. Pero llegó un momento en el que gozábamos. Creo que su motivación ha tenido mucho que ver en eso. Para estudiar euskera aquí se necesita mucha motivación.
Haritz Goia Cervantes Institutuak New Yorken antolatu dituen euskara klaseen irakaslea da. Deian egin diote elkarrizketa: "Para estudiar euskera aquí, se necesita mucha motivación"
Inoiz ez da beranduegi euskara ikasteko II
Zuzeun duela aste batzuk publikatu zuten erreportaiaren bigarrena atala agertu da egunotan. Oraingoan Maizpiden ari diren ikasle biren esperientziak eta sentsazioak ekarri dizkigute. Kontrajarriak batzuetan: "Gramatika ez zait buruan sartzen, arau asko daude", "Ahozkoa asko kostatzen zait. Lotsa ematen dit eta urduri jartzen nahiz", ikasgela gehienetan aurkitu ditugunak bezalakoak.
Emakumeen kontua edo oilasko banarena
Arabako euskaltegien gaineko erreportaia ekarri digute Noticias de Alavakoek. Herrialdeko datu interesgarriak eman dizkigute, eta ikasleen profilen estatistikekin egin dute titularrerako jokoa: "El aprendizaje de euskera es cosa de mujer".
Esango nuke ez dutela izenburu egokiena aukeratu. Estatistika eta oilaskoen ipuinarenaz gain, komenientziako argudioak ateratzeko bidea ere izan daitezke horrelakoak.
Adina eta hizkuntzak ikastea
Israelgo Haifako Unibertsitatean egin den ikerketa baten arabera adina ez da hizkuntzak ikasteko oztopoa. Ikerketa horretan helduek arazo gutxiago izan ei dituzte balizko hizkuntza baten balizko arau batzuk deduzitzeko umeek eta gazteek baino.
Proba ikusita akaso ondorioa izan beharko luke helduek hizkuntzaren arauak asmatzeko edo deduzitzeko arazo gutxiago izan dezaketela logika erabilita. Hala ere, hizkuntza ikasteak arauak identifikatzen jakitea ez ezik, beste hainbat trebetasun ere eskatzen dituela esango nuke, ikas-estrategia ugari jarri behar dira martxan alegia. Hala ere, ALT1040n dioten honekin bat nator neurri handi batean (bigarren atalarekin gehien bat):
De ser cierto lo que sostiene este estudio, la edad sería sólo un pretexto para no aprender un nuevo idioma.
Bizitza, euskara, gogoa eta adina
Nik euskaraz bizitza gogo handiz hartzen dut, gero adinarena beste kontu bat da, baina beno
Mahatserriko Berbalaguna (Berton aldizkaria)
- « lehenengoa
- ‹ aurrekoa
- …
- 13
- 14
- 15
- 16
- 17
- 18
- 19
- 20
- 21
- …
- hurrengoa ›
- azkena »
Azken iruzkinak