hizkuntza
Administrazio hizkuntzaren itzala
...administrazioko hizkeraren itzala oso-oso luzea da gure hizkuntzan; hedadura handiko hizkuntzetan ez bezalakoa. Proportzionalki, administrazioko hizkerak euskaraz idatzitakoaren ehuneneko izugarria betetzen du, eta, ezin bestez, euskal administrazioko hizkeraren hedadura sozialak esparru handiak hartzen ditu
Anduk Hitz Bestera ekarri digu lehengo egunean Bilbon Eremu urriko hizkuntzen Europako gutunari buruzko kongresuan eman zuen hitzaldia: Lorpenak eta desafioak, hizkuntzaren baitatik
Hitzaldia ez nuen entzun, baina testua irakurrita lastima izan da benetan. Aukeratu dudan pasartea ez da adierazgarriena gainera. Euskara bezalako hizkuntza bateko idazlearen zer eginak, konpromisoak eta bilakaera jorratu ditu Anduk polito eta original. Osorik irakurtzea gomendatzen dizuet.
Txarto hitz egitea
Guk gainditu dugu hein handi batean ("euskararik onena egiten dena"), baina bi komunitateen artean dagoen amildegiaz ohartzeko nahikoa da. Zuek imajinatzen al duzue Euskal Filologiako ikasle bat beste bati esanez txarto egiten duela berba euskalkian ari delako?
Gogoeta ekarri digu Txerrak Garaogoikoara euskaldunek eta erdaldunek txarto hitz egiteaz zer ideia dugun eta: Bizkarrari bizkar
Poguerpointak egiteko atsotitzak
Iñaki Muruak "poguerpointak" eta halako aurkezpenak prestatzeko aholku sorta prestatu digu atsotitzak erabilita. Atsotitzak ikasleei aurkezteko modua izan daiteke adibidez.
Letrak eta hitzak
Las letras se van al diablo
porque escribirlas no sé
pero yo cuando les hablo
pero yo cuando les hablo
todas se ponen de pie
todas se ponen de pie.
Hemen ikusita: Dudas precarias (Instituto lingüístico de invierno). Hemen daukazue letra osorik. Susana Baca peruarrak kantatzen ei du (ez dut diskografian aurkitu).
Zein hizkuntza hitz egiten du komunikazio gizarteak?
EHUren uda ikastaroen barruan ekainaren 22tik 24ra. Komunikazio molde berriek zer eragin duten gizartean aztergai.Hizkuntza eta komunikazioa hitzak agertzen diren unetik interesgarria, ezta?
Hiztegi eroa Twitter-en. @smuakr
Hitzperimentu bat osasunguran izen aldrebeseko blogean palindromoak eta hitzekiko dibertimenduak sareratzen ditu Autore erotuak. Twitter-en #hitzokei etiketa erabilita hizegi eroa osatzeko proposamena luzatu digu oraingoan. Adibide batzuk:
- TXOSNA: zapatilek kalimotxo putzuetan egiten duten soinuaren onomatopeia
- ZAKHILA viagra hartzeko garaia
@smuakr erabiltzailea hasi da baina etiketa hori twittero guztiok erabili ahal duzue zuen hitz-definizioak zabaltzeko. Hemen ikusiko dituzue.
Inoiz ez dituzue horrelako hitz-dibertimenduak egin klasean?
Chino
Cuaderno Interculturalen film labur bitxi hau ikusi dugu. Txinarra izan nahi duen espainiarra da protagonista, eta bakarrizketa modura bere asmoen berri ematen digu.
Kulturen arteko bidaietan agertu ohi diren konplexuak, aurriritziak, esperantzak eta ilusioez hausnartzeko modukoa iruditu zait. Ez dakit (dunno), pentsa litekeen baino hurbilagoak egin zaizkit pasarte batzuk.
Hizkuntzartekotasuna
Euskarak erdaldunenganako jauzia eragile komertzialek edo politiko-instituzionalek gidatuta egiten duenean, erabilera interesatuak eta ahuldadeak handiak direla deritzogu askok; Kepa Junkeraren Etxea eta Jaurlaritzaren Ukan birusa adibide onak dira.
[...]
Gu elebidunak garelako. Elebidunak gu garelako. Badugu hizkuntzartekotasuna gidatzeko behar beste sentsibilitate, irizpide eta autoritate. Beste kontu bat da denek onartzen diguten ala ez. Baina hasteko, geuk sinistu behar dugu.
Zenbat da 'un poco'? (Berria.info)
EHUTSI: euskara ongi erabiltzen laguntzeko aplikazioa
Txerrari esker ezagutu dugu gune hau. Euskara zuzen erabiltzeko aholku sorta dugu berton. Erroreak zuzentzeko itzulpenak, adibideak eta azalpenak eskaintzen dituzte item bakoitzean.
Getxolinguae: hizkuntza-komunikaziorako gaitasuna, metodologiak eta IKTak.
Maiatzean egingo den Getxolinguae jardunaldian hizkuntzaren irakaskuntza eta teknologiaz jarduteko asmoa dago aurten. Blogak ikusi ditugu programan gehien bat, ezagun asko ere bai, eta aurkezpenen artean interesgarria izan behar duen bat: Zer eskaini diezaioke HABEk hezkuntza munduari?
1-ikasi 2-irakatsi
But you can’t actually teach another person a language; you’ve got to create the conditions and the framework within which people can learn a language. So learning is always bigger than anything teachers can do.
Itzulpen saioa:
Baina zuk orain ezin diozu pertsona bati hizkuntza bat irakatsi; jendeak hizkuntza ikasiko duen markoa eta baldintzak sortu behar dituzu. Horregatik ikastea beti da handiagoa irakasleak egin dezakeen ezer baino.
Europako hizkuntzen portfolioari buruzko elkarrizketa honetan irakurria: David Little talks about the European Language Portfolio (ELP) [PDF]
Eta, azkenotan ohi den legez, Enric Serraren Aprendre Llengües blogetik abiatuta:
[236] Suport a la implantació del Portfolio
Aditz laguntzailearen elipsia eta subjektuaren komunztadura
Artikulu berria 2tzul-en, itzultzaileen blogean. Hizkuntzaren inguruan pentsatzen eta platikatzen afizioa daukagula, ondo estimatzen dira honelakoak.
Ben falado
TVGak, Galiziako telebistak Ben Falado bost minutuko minisaioa eskaintzen du hizkuntza eta hiztunak ezagutzeko. Valdeorras eskualdeari buruzko saio honetan adibidez, eskualdearen izenaren etimologia eta bertako etorkinek galizierarekin duten harremana azaltzen digute. Youtuben ikus ditzakezue saio gehiago.
Hizkuntza ikastea, norberarena sentitzea eta sustatzearen atzetik, hizkuntza ondo ezagutzea dagoela begitandu zait, hizkuntzaren alderdi lexiko, morfisintaktiko eta fonologikoa ez ezik, dimentsio sozial, kultural, historiko, geografiko eta humanoa ere bai. Honelako pilula txikiak formatu egokia iruditu zaizkit gainera.
Euskarak alderdi horietatik dibulgazio lan handiagoa behar lukeela uste duzue?
- « lehenengoa
- ‹ aurrekoa
- …
- 7
- 8
- 9
- 10
- 11
- 12
- 13
- 14
- 15
- hurrengoa ›
- azkena »
Bilatu
Harpidetu
Azken iruzkinak