zuzentasuna
Ikasle maiteok
Ikasle maite-maiteok: antolatzaileak gatza lez erabili behar dira, apur batek bizitu egiten du eta gehiegik hondatu.
Ikasle maite-maiteok: testua aberastea ez da 'hain..ezen..bait-' bezalakoak erabiltzea, zure ideiak zehatzago adieraztea baizik.
@Josemarilasa-k tweet pare batean bota ditu aholku hauek. Hemen eta hemen hain zuzen ere.
Gehiago etorriko dira?
Ikasle maite-maiteok: antolatzaileak gatza lez erabili behar dira, apur batek bizitu egiten du eta gehiegik hondatu #aldebestalde
— Josemarilasa (@Josemarilasa) enero 24, 2012
Ikasle maite-maiteok: testua aberastea ez da 'hain..ezen..bait-'bezalakoak erabiltzea, zure ideiak zehatzago adieraztea baizik.
— Josemarilasa (@Josemarilasa) enero 24, 2012
Terriblea
Terriblea da euskaraz ikasi dutenek gaztelaniaz akatsak egitea.
Baina are terribleagoa da euskaraz ikasi dutenek euskaraz akatsak egitea.
Eta terribleena zera da, Zelaa andereak titulu bat emango diela opari. Behintzat unibertsitateko irakasle horrek «eskas» bat jar diezaieke akatsak egiten dituztenei.
Terriblea (Berria)
Akatsen ehiza errentagarria?
Hari beretik, zer zaigu gaur eguneko euskaldunon eta euskararen egoeratik abiatuta errentagarriago, "akatsen ehizan" abiatzea (edo jarraitzea, ze horretan gabiltza, ezta?), ala euskara zabalaren "errekurtso zabalen jabetzen" abiatzea? Noski, biak egin litezke. Agian lehentasun kontu bat besterik ez da.
Akatsa zer den eta zer ez, euskararen irakaskuntzan eta ebaluzioan errorei ematen zaien garrantziaz pentsatzeko moduko gai batzuk jarri dizkigu Bittor Hidalgok.
Ohiko akatsak eta polemika
Erabili.com-en Akats zerredako goreneko 10ak artikulu sorta publikatu da irailetik hona. ETBren beka batekin egindako lanean oinarritu ziren Eider Santisteban eta Gontzal Fontecillak artikulu hauen edukiak atontzeko. Asmoa euskarazko testuetan sarrien agertzen diren akatsak nabarmentzea eta konponbidean jartzea izan da.
Eztabaida sortu da hala ere, akatsok hain akats ote diren, arauak nola-nork ezartzen dituen eta euskararen erabilera historikoak kontrakoa dioen edo ez dioen.
Eztabaidaren trazua ikusita, ETBko Asier Larrinagak ohar eta zehaztapen batzuekin eman nahi izan dio errematea kontuari, lotura jaso dugun artikuluaren bidez.
Eztabaidak eztabaida eta argudioak argudio, ondo/gaizki, zuzen/oker kategoriak banatzeko orduan zer irizpide eta balore erabiltzen ari garen pentsatzeko bidea ematen du artikulu sorta honek (iruzkina artikulu digitalaren osagaia dela kontsideratuta, jakina).
Akats zerrendako goreneko 10ak
Izenburu horretako artikulu sorta baten lehenengoa daukagu gaur erabili.com-en. Euskal telebistarako gomendioak direla ematen du, bekadunek prestatuta.
Gaurkoan erlatiboaren gehiegizko erabilera saihestako gomendioak ditugu. Top-eko number one-a?
Yo soy Fundeu = Ni naiz ....?
Fundéu Twitter-en gaztelaniaren zuzentasunerako gomendiak eman eta zalantzak argitzen dituen zerbitzua da. Asteon 50.000 jarraitzaile lortu dituzte eta ospatzen ari dira. Sare sozialak eta partaidetzaren bidetik #yosoyfundeu (ni naiz Fundéu) ekimena jarri dute martxan. Zertan den? Erraza: Twitter-en nork bere hizkuntz gomendioa emateko gonbidapena da.
Pentsa dezagun Filologerri honetan zer eman dezakeen halako batek. (Bueno, beldur apur bat ere ematen du ;P )
Denok hizkuntzalari
Eta hirugarren mailako arazoa ere badago, partikularra, alegia: gutako bakoitza hizkuntzalari bat da, eta bakoitzak nahi duen moduan hartzen du erabakia puntuazio kontuetan. Baina adostasunezko kode hori gabe komunikazioa izorratu egiten da.
Puntuazioari buruz emango du ikastaroa Juan Garziak, eta horren hariria elkarrizketa egin diote Diario Vascokoek: «Puntuazio-markak bideko seinaleak bezalakoak dira»
Txorizoa, tortila, erabilera eta gramatika
Plazaratzen zailago egiten da logikarik eza, «tortilla, txorizoarena» onetsi eta, aldi berean, «txorizoaren tortilla» gaitzestea. Erabilera ez da argudio txarra, baina erabilera soilak, euskararen eremu osoan zabalduta egon barik, soluzio bakarra izan barik, eta gramatikak bermaturiko jatorri-ziurtagiri barik, lar nabarmen utz lezake kalkoa. Kalkoak berez ez dira ez txarrak, ez baztergarriak, ez ezer, baina zeharo zentzugabe egiten dute jatortasunaren argudioa.
Itzul posta zerrendako eztabaida honen harira artikulua idatzi du EITBko Asier Larrinagak 2Itzul blogean: Txorizoaren tortila.
Ondo hitz egitearen arrazoia
Hablamos así de bien gracias a que no nos damos cuenta de lo que hacemos cuando hablamos
Marcoele aldizkariak ekarri berri digu Agustin García Calvoren Hablando de lo que se habla artikulua (bertan dagoen PDFa jaitsi).
Laranja ura, laranjazko zukua, laranjarena...
Laranjazko zukua, laranjarena, laranja-zukua... nola esaten den, nola esan behar den... hausnarketan ari dira itzuLen.
Ikasmaterialetarako estilo-liburua
Aurreko mezuan Alfontso Mujikaren artikuluaren lotura eman dugu, eta artikuluan Jaurlaritzaren Hezkuntza Saila prestatzen ari den ikasmaterialetarako estilo-liburuaren berri izan dugu.
Dokumentu ezbedinek osatuko dute liburua dirudienez, eta webgune horretan orain arte egindakoak ditugu.
Euskara esklerotikoa
Ze paranoiatan bizi gara, inongo funtsik gabeko gaitzespenetan badihardugu egunero gure ekimenean, euskararen erabilera gaitasunak eta aberastasunak zabaltzen baino? Aterako ez da gero euskara murritz eta esklerotikoa? Martekoa edo?
Euskararen zuzentasuna norainokoa den, eta zuzentasunaren izenean euskararen erabilera sarri itotzen ez ote dugun gogoeta egin du Bittor Hidalgok Sustatun: Indarrak alferrik galtzen (Sustatu)
Kasinoa: zuzentasuna lantzeko jolasa
Formación ELE blogean ideia hau eman digute zuzentasuna lantzeko. Esaldi bat zuzena den ala ez apostuak egitea da kontua. "Ondo/gaizki" ariketak baino dibertigarriagoa izan daiteke behintzat.
Prolatiboa eta absolutiboa nahastea
Itzul posta zerrendan "hartu zuen helburu" bezalakoak onargarrian ote diren aztertzen ibili dira.
Ergatiboaren garrantziaz
...oihua "bat bi hiru bi, XX irabazi" baldin bada, desberdina da oso "urliak irabazi" ala "urlia irabazi" esatea, ezta? Nahiz eta aldea -k soil batena izan ;-)
Bizitzako gauza txiki horietan ikusten da ergatiboak zertarako balio duen.
Ergatiboak badu garrantzirik... (Botxotik Ziberespaziora)
Azken iruzkinak