Arauak eta mezuak
2009, Azaroa 23 - 18:09 — benitoHizkuntzak funtzionatzen duen edo ez inporta zait, mezua pasatzea lortzen duen edo ez. Akademiek eta eskolek beti dute buruan araua, baina arauak emanez ez da hizkuntza erabiltzen irakasten. Eta hizkuntza erabiltzen irakastea da mezua pasatzeko gaitasuna ematea, behar den lekuan behar den modukoa, ezin baita irakatsi toki guztietarako baliagarria den molde bat.
Hizkuntza partekatzea
2009, Azaroa 23 - 09:46 — benitoHizkuntza bat jakitea, ikastea, erabiltzea, hizkuntza hori partekatzea edo konpartitzea da, hizkuntza atzerrikoa ez baldin bada. Ikasitako hizkuntza partekatzea hizkuntza horren komunitatea partekatzea da, komunitate horren munduan eta erreferentzia-sareetan integratzea. Hizkuntza ikasteak horrela bakarrik hartzen du zentzu osoa.
Horrela hasten da Odriozolak erabili.com-en partekatu duen azken artikulua: Hizkuntza partekatzea.
Alferrekorik ez
2009, Azaroa 19 - 23:27 — benitoMekanika batek debaldeko parterik ez duen ber, esaldiek ere ez dute alferreko osagairik
Idazkolako takatekoak blogean irakurri dugu: Ezinezko kopulatiboak.
William Zinsser wikipedian (ingelesez).
Euskara zailena? Nondik atera da hori?
2009, Azaroa 18 - 09:57 — benitoAtzo ekarri genuen toplist horrenak oihartzuna eduki du sarean. Gaur Sustatukoek ohartarazi dutenez, han aipatzen zen inkestaren erreferentziarik ez dago, eta diplomatiko britainiarren artean egindako inkesta baten beste erreferentzia batean euskararen aipamenik ere ez dago.
Nondik nora ipini dute orduan euskara ikasteko hizkuntzarik zailenen artean "top dog"?
Bide batez, Sustatukoen gomendioari jarraituz, Larry Trask zenak euskarari buruz sortu zuen FAQ-a eskura izatea gomendatzen dugu geuk ere. Topiko asko dabiltza munduan, eta topikoak aireratzeko arazo gutxi duten asko.
Nork ekarri zuen "K" euskarara?
2009, Azaroa 15 - 21:02 — benitoEscuela de Sara blogean euskarari buruzko azalpen linguistiko-filologiko interesgarriak egiten dituzte gaztelaniaz. Oraingo honetan euskararen ortografiaren nondik norako batzuk ezagutzeko parada eman digute.
Zer da hizkuntza ikastea?
2009, Azaroa 10 - 19:50 — benito¿Aprender una lengua adicional puede ocurrir sólo en grupos con pocos alumnos, con materiales didácticos y recursos abundantes y carga horaria robusta, o será que aprender una lengua adicional puede ocurrir en cada oportunidad de participación en prácticas sociales que envuelvan esa lengua, con pocas o con muchas personas y en en diferentes contextos?
Rio Grande do Suleko (Brazil) Hezkuntza Idazkaritzak Referenciais Curriculares para Língua Estrangeira Moderna (Língua Espanhola e Língua Inglesa), hizkuntzetarako curriculuma edo, argitaratu du.
Bertan (pdf. I. bolumena), Garcez eta Schlatter-ek hizkuntza ikasteaz daukagun ideiaz hausnartzeko aukera batzuk proposatzen dituzte, goiko hori haietako bat da. Hausnartzeko puntu intersgarriak, eta hausnarketa bera ere interesgarria bezain komenigarria izan daiteke.
Gonzalo Abioren blogean aurkitu dugu erreferentzia: Referenciales Curriculares de la Secretaria de Educación de Rio Grande do Sul.
Hitzen eta testuen koloreak
2009, Azaroa 10 - 19:26 — benitoHitz-motak baino zerbait gehiago lantzeko proposamen interesgarria ekarri du Marcos Cadenatok Tres Tizasera.
Zelan daki ba?
2009, Azaroa 10 - 18:03 — benitoMe pregunto cómo saben los castellanoparlantes monolingües locales que “no hay nada que dañe más a una lengua que aislarla en nichos.”
Eztabaida honetako iruzkina: Twitter y política lingüística
Antzeko galdera egiten dut nik neuk ere azkenotan batzuen baieztapenak entzunda.
Komunikatzeko eren eraldaketa
2009, Azaroa 5 - 13:18 — benitoGuk orduak egin ditzakegun bitartean telefonoz hitz egiten, gazteak gai dira di-da esaldi laburretan komunikatzeko. Guk hierarkiaren kanalak darabiltzagun bitartean, lantokian adibidez, gazteek zuzenean jotzen dute arduradun nagusiagana, behar izanez gero, mezu bat bidalita.
Hitzokeiren biltegia
2009, Azaroa 5 - 01:04 — benitoAspaldian aipatu genuen hemen #hitzokei ekimena, Twitter-en hiztegi eroa sortzen joateko proposamena. Arrakasta izan du Twitter-en, baina han sarrerak topatzea eta biltzea ez da erraza izaten.
Duela aste batzuk Mikel Iturbek wiki batean biltzen eta ordenatzen hasi zen. Wikira lantzean behin bildu eta "eskuz" ekarri behar da hala ere, eta lan hori automatikoki egiteko modua aurkitzea komeni zen. Julen Ruiz Aizpuruk egin du eta hortxe daukagu orain hitzokei-ren biltegi automatikoa.
Euskara ikasleei gustatuko zaiela esango nuke, askok inoiz halako jolasak egin dituztela ere bai. Jolasa hizkuntza ikasteko bide ona izaten da, ezta?
Via: Sustatu.
PD: Sustatu, A-Sustatu... hitzokeirako definizioren bat okurrituko zait/zaigu.
- « lehenengoa
- ‹ aurrekoa
- …
- 6
- 7
- 8
- 9
- 10
- 11
- 12
- 13
- 14
- …
- hurrengoa ›
- azkena »