Yo soy Fundeu = Ni naiz ....?
Fundéu Twitter-en gaztelaniaren zuzentasunerako gomendiak eman eta zalantzak argitzen dituen zerbitzua da. Asteon 50.000 jarraitzaile lortu dituzte eta ospatzen ari dira. Sare sozialak eta partaidetzaren bidetik #yosoyfundeu (ni naiz Fundéu) ekimena jarri dute martxan. Zertan den? Erraza: Twitter-en nork bere hizkuntz gomendioa emateko gonbidapena da.
Pentsa dezagun Filologerri honetan zer eman dezakeen halako batek. (Bueno, beldur apur bat ere ematen du ;P )
Korrika + hitzokei
Twitter-en txiolari euskaldunen artean jolas berria garu: korrika17 eta hitzokei etiketekin Korrikaren aldaerak. Besteak beste:
- KORRIHIKA: Arrapaladan egindako hitanoa
- KORROKA: Aupats eta korrokada artean arineketan egitea
- KOTORRIKA: Papagaio lasterketa herrikoia euskararen alde
- KORRICAR: Arineketan barik autoan egitea Korrikaren ibilbidea.
#euskalporn
Aste honen amaieran klasean nahi baduzue euskal musika eta literaraturaren erreferentzia batzuk ezagutarazi, berba-joko laburrak irakurri, euskaraz kuadrilan nola bazilatu daitekeen ikusi, arlo espezifiko baina interes orokorreko hiztegia landu, eta apur bat dibertitu, euskal txiokariek eman digute input apur bat.
Twitter hizkuntzak ikasteko
Twitter hizkuntzak ikasteko tresna izan daiteke eta hala dela erakusteko Wwwhat's New-n baliabide eta ideia batzuk batu dituzte.
Ikasi hitz egiten Twitter-en bidez
Twitter bezalako mikrobloging tresnek hizkuntza ikasten nola lagundu ahal duten azaltzen du aurkezpen honek. Interesgarriak iruditu zaizkit proposamen batzuk.
Txarra eta laburra, ez da hain txarra
Hemen, erronka da labur eta ondo idaztea. Baina Gracianekin amaitzeko, ez
ahaztu txarra ere ez dela hain txarra, laburra denean
Faroan kontatu digu Joxek atzo CodeSyntaxen Twitter-ez esan zuena. Hango aurkezpena eta testua jarri dizkigu sarean.
"Txarra laburra bada ez da hain txarra" hori ikaskuntzaren ingurunera ekartzeko modukoa iruditu zait.
Historian lehen aldiz
Aizue: 1.186 euskaldun, aldibereko elkarrizketan, euskaraz. Historian lehen aldiz.
Pentsatzen jarrita... (XVI): Historian lehen aldiz (Baga, biga, bloga..)
Umap: euskarazko jarduna Twitter-en
Twitter-en euskarazko edukiak zelan topatu ari garela, ez dakit Arrateko Amaren eskua tartean ibilita edo, CodeSyntaxek Umap inbentatu digu mundura, Twitter-en euskarazko jardun guztiaren batzailea, eta bilatzeko aukera ere ematen du. Bihar armosuan San Blas pare bat hartu nire kontura, neska-mutilok.
#ikaseus: euskara ikastaroa Twitter-en janzten
Atzerritarrentzako euskara ikastaro baterako sarean dauden material eta baliabide batzuen zerrenda Twitter-en biltzea pentsatu du Ainhoa Ezeizak, #ikaseus etiketa sortu eta hor dabil Twitter-zerrenda egiten, eta etiketa hori edonork erabil dezake gainera. Beraz, Ainhoari, bere ikasleei, zein euskara ikasi nahi lukeen edonori lagundu nahi badiozue, hor duzue etiketa.
Facebook, Twitter eta elefanteak
Interesgarria Ordenadores en el aula blogean izan duten eztabaida. Mezu nagusia ez ezik, iruzkinak ere irakurtzea gomendatzen dizuet elefanteak benetan nolakoak diren jakite aldera.
#zuzenzuzenerrioxaraino
Tontamentean euskaraz egiten diren errore batzuk "zuzentzen" hasi gara Twitter-en, eta hashtag (etiketa) xelebre hori ipini. Ideia ona iruditu zaie batzuei. Erroreren baten berri eman nahi badiozue munduari, hor daukazue aukera ba.
Udal Euskaltegiak Twitter-en
Udal euskaltegiek Twitter-era egin dute salto. Euren webgunearen feed-arekin lotutako txiokadak dira oraingoz.
Hiztegi eroa Twitter-en. @smuakr
Hitzperimentu bat osasunguran izen aldrebeseko blogean palindromoak eta hitzekiko dibertimenduak sareratzen ditu Autore erotuak. Twitter-en #hitzokei etiketa erabilita hizegi eroa osatzeko proposamena luzatu digu oraingoan. Adibide batzuk:
- TXOSNA: zapatilek kalimotxo putzuetan egiten duten soinuaren onomatopeia
- ZAKHILA viagra hartzeko garaia
@smuakr erabiltzailea hasi da baina etiketa hori twittero guztiok erabili ahal duzue zuen hitz-definizioak zabaltzeko. Hemen ikusiko dituzue.
Inoiz ez dituzue horrelako hitz-dibertimenduak egin klasean?
Twitter: idazteko beldurra galtzeko bide?
Twitter elimina el miedo escénico del discurso elaborado: cualquiera puede contar algo. La forma pierde relevancia frente al fondo.
10 razones de la Twitter-manía (Consultoría artesana en red)
Idaztea diskurtso formalekin lotzeko joera handia daukagun arren, azkenotan idazkera informalak indarra hartu du kanal berrien zabalkundearen eraginez (SMSa, microblogging-a, iruzkinak...), horrez gain, gero eta jende gehiagok idazten du zerbait, pilula txikietan eta galako jantzirik gabe bada ere.
Gari Araolazak adibidez, sare sozialen eraginez zer gertatzen ari den ohartarazi zigun aurrekoan: Etorkinak iristen ari dira sarera (Teknosexua)
Euskara ikasteko eta praktikatzeko zer-nola idatzi pentsatzen ari bagara, hortxe daukagu bide berriak probatzeko aukera interesgarria.
Esku Era: Twitter-etik jarraipena
Gaur eta bihar egiten ari den Esku Era jardunaldiaren jarraipena egiteko Twitcast-a atondu dute Topaguneakoek. Zuzenean jarraipena egiteko modu berria.
Azken iruzkinak