Euskara jakinda bakarrik gozatu ahal diren momentuak.

Euzkal Errian Euzkaras taldetik.

Flickr-eko Euzkal Errian Euzkaras taldean ikusi dugu. Zer esan nahi du? "Series, Perdidos".

Espainiako zuzentzaileen elkarteak Zuzentzailearen eguna ospatuko du datorren asteartean, urriak 27. Eta ospakizunen karietara erroreen ehiza antolatu dute, argazki kamara aldean abiatu eta pieza faltan ez dira itzuliko seguruenik.

Hona etorri beharko lukete, hemen ehizarako debekualdirik ez eta urte guztian harrapatzen ditugu piezak.

Zer esana eta zer komentatua eman du Espainiako Hezkuntza Ministeritzaren webguneko euskarazko bertsioak, Angel Gabilondo = Gabilondo Aingerua eta enparuak.

Eta pentsatu dut. Errorea eta da ba hizkuntzaren ikaskuntzaren osagai garrantzitsua, eta ikastearen seinale era berean? 

Txerrari esker ezagutu dugu gune hau. Euskara zuzen erabiltzeko aholku sorta dugu berton. Erroreak zuzentzeko itzulpenak, adibideak eta azalpenak eskaintzen dituzte item bakoitzean.

Openfilm zerbitzuan aurkitu dugu film labur hau. Portzierto, zelan esaten da scopare euskaraz?

Ez da lehenengo aldia Ikasbilen halako ariketak eskaintzen dizkigutena. "Antologia del disparate" moduko bat egitea dibertigarria izango litzateke? Lotsagarria?

Wwwhat's new-ren bidez ailegatu zaigu Goosegrade web2.0 zerbitzu berri honen albistea. Funtsean blog eta webguneetan egileei idazkiotan egin dituzten errore ortografiko edo gramatikalen berri emateko pentsatuta dago.

Gune edo egile bakoitzak puntuazio bat dauka eta egiten eta zuzentzen dituen erroreen arabera aldatuko da puntuazio hori. Goiko bideo horretan azaltzen dute funtzionamendua grafikoki.

Ideia interesgarria, oraindik ez dut asko saltseatu eta ez dakit ingelesa ez beste hizkuntza batzuk ere onartuko ditueen, baina nago gure blogosferan batetik, eta euskararen irakaskuntzan bestetik, Xuxen bezalako zuzentzaile automatikoez gainera, horrelako zuzentzaile soziala-edo deitu daitekeena ideia ona izan daitekeela. Ala ez? Kontzeptu berria edozelan ere.

Lotura: Goose Grade