erroreak
Akatsen ehiza errentagarria?
Hari beretik, zer zaigu gaur eguneko euskaldunon eta euskararen egoeratik abiatuta errentagarriago, "akatsen ehizan" abiatzea (edo jarraitzea, ze horretan gabiltza, ezta?), ala euskara zabalaren "errekurtso zabalen jabetzen" abiatzea? Noski, biak egin litezke. Agian lehentasun kontu bat besterik ez da.
Akatsa zer den eta zer ez, euskararen irakaskuntzan eta ebaluzioan errorei ematen zaien garrantziaz pentsatzeko moduko gai batzuk jarri dizkigu Bittor Hidalgok.
Esaldi trakets bat
Nire aitatxo esan dit ez dit eramangola.
Esaldi bat baino ez da, egia. Adibide bat. Kasu bat, kasuistika ikaragarri handi baten ale ezin ederrago bat baino ez. Ez dauka inolako garrantzirik. Denok egiten ditugu akatsak, nork bere mailan. Ez bilatu hemen errudunik, errua ez baita ez umearena ezta irakasleena ere. Sistemak funtzionatzen du. Errua ez da inorena. Esaldi trakets bat, hori baino ez da.
Oharra (Berria)
Ikakazten: euskarari "ekarpenak"
Aspaldian dabil martxan blog hau, baina gaur aurkitu dut. "Euskaltegietako ikasle eta irakasleek euskarari egin dizkioten ekarpenik onenen zerrenda" egitea da asmoa, eta bertan itzulpen eta esakune xelebreen bilduma egiten ari dira.
"Trinaka", "soka egotea" edo "joko-mutila" zer den jakin nahi baduzue, jo hara.
"Eskerrik" ez
"Eskerrik asko" moztu eta "eskerrik" soilik esateko ohitura hartu omen du jende askok. Facebook-en "Eskerrik asko" moztearen kontra, "eskerrik" kanpora! izeneko talde hau agertu da horri aurre egiteko.
"Seriak Galduta"
Flickr-eko Euzkal Errian Euzkaras taldean ikusi dugu. Zer esan nahi du? "Series, Perdidos".
Zuzentzaileen eguna ehizan
Espainiako zuzentzaileen elkarteak Zuzentzailearen eguna ospatuko du datorren asteartean, urriak 27. Eta ospakizunen karietara erroreen ehiza antolatu dute, argazki kamara aldean abiatu eta pieza faltan ez dira itzuliko seguruenik.
Hona etorri beharko lukete, hemen ehizarako debekualdirik ez eta urte guztian harrapatzen ditugu piezak.
#zuzenzuzenerrioxaraino
Tontamentean euskaraz egiten diren errore batzuk "zuzentzen" hasi gara Twitter-en, eta hashtag (etiketa) xelebre hori ipini. Ideia ona iruditu zaie batzuei. Erroreren baten berri eman nahi badiozue munduari, hor daukazue aukera ba.
Astabelarriak
...gure nazioan badago euskara izena duen hizkuntza bat egunero halakoak eta bi sufritzen dituena; eskandalu bakoitzeko astabelarriak jartzen hasiko bagina, ez legoke mundu zabalean hainbat buru edertzeko adina asto…
Albiste honen inguruan sortu den kalapitaren aurrean Anduren oharra, askok sinatuko genukeena.
Astabelarriak (Hitz beste)
Zaiatzen adizki berria?
Joxek harrapatu du Euskadi.net-en, eta Euzkal Errian Euzkaras taldera ekarri du. Neska-mutilok, orain datozen azterketetan, edozeinetan, horrelako bat ipintzen baduzue, penkoa %110 aseguratuta.
Aingeruen errorea
Zer esana eta zer komentatua eman du Espainiako Hezkuntza Ministeritzaren webguneko euskarazko bertsioak, Angel Gabilondo = Gabilondo Aingerua eta enparuak.
Eta pentsatu dut. Errorea eta da ba hizkuntzaren ikaskuntzaren osagai garrantzitsua, eta ikastearen seinale era berean?
EHUTSI: euskara ongi erabiltzen laguntzeko aplikazioa
Txerrari esker ezagutu dugu gune hau. Euskara zuzen erabiltzeko aholku sorta dugu berton. Erroreak zuzentzeko itzulpenak, adibideak eta azalpenak eskaintzen dituzte item bakoitzean.
Ni dakizu
Berriz ere PNV-k euskararekiko konpromezu eza agerian utzi du gaurkoan. Bilboko alkatea den Iñaki Azkuna bere bizkarzainez ingratuta hurbildu da Tiboliko eskolara eguerdi partean, eta bertan zegoen herritar batek AZKUNA APRENDE EUSKERA!!! oihukatzerakoan bere erantzuna hurrengo hau izan da: NI BADAKIZU!!
Erositako prezioan salduta, gaur arratsaldean goiko istorio hori ibili da epostan batetik bestera (badaki inork zerbait gehiago?). Hala izan bada, hauteskundeetako anekdota bat behintzat badaukagu.
Bilatu
Harpidetu
Azken iruzkinak