Atoan

Bai, arrazoia, hausnarketa beharko luke horrelako kontu batek. Dena dela, eta Plistiren txistea hortik doala uste dut, gauzak ari dira gertatzen inguruan, baliabideak gero eta eskuragarriago daude edonorentzat, gero eta gehiago dira, ikastearekiko lotura bakarra gero eta gutxiago da irakaslea.

Beharbada, "konektibismoa" bezalako hitz potoloek oraindik gugandik milaka kilometrora daudela pentsarazi ohi digu. Baina ez, hortxe daude, eta azkenotan nago ikasleak gu baino azkarrago dabiltzala harrapatzen.

Beste kontu bat da horrelako baten aurrean irakaslea zelan sentitzen den. Egia da, ez da batere erosoa eta atsegina inork zure hitza dudan ipintzea. Baina, zer nahi duzu esatea? Ikasleari horrek ikasteko balio izan badu, ez nuke pentsatuko gure lana alferrikakoa izan denik. Gainera, ikasleak eta irakasleak horretaz jardun dutela ikusten da, hori ere ez da txarra izaten, ikasteko makina martxan ibili da denbora guztian.

Bestalde -orain inork ez digula entzuten-, ez diogu inoiz halako galdera bati erantzun gu geu ere konbentzitzen ez gaituen zerbaitekin? Autoritatea garbi utzi, baina kontzienzia...

A! Eta -dena esan behar da- ikasle petardoak ere badira munduan. Ala ez?

Gure lan-esparrua babesten hasi beharko dugu. Horrelako galderei irakaslea izan barik erantzuten dienari kuota kobratu. Zer uste dute ba?

A! Eta ikasle horrek mila bider kopiatu: "Ezezagunei ez diet galderarik egingo".