didaktika
Irakasle baten 2.0 ezaugarriak
JRamonek (blog honetan mezu bakoitza sorpresa atsegina izaten da, benetan) hausnarketa bitxia egin du: zeintzuk dira ELE irakasle baten 2.0 ezaugarriak? Berak argi ohartarazten duenez, ez dira 2.0 irakasle baten ezaugarriak, hizkuntza-irakasle batek web2.0rekin dituen ezaugarri komunak baino.
Grafiko batera ekarri digu hausnarketa eta emaitza harrigarria bezain erakargarria egin zait neuri behintzat.
Ikasleari nola eskatu gauzak?
Describe tus últimas vacaciones. Y pregunté yo... ¿las vacaciones se describen o se cuentan?
(..)
Escribe una redacción de tema libre (100 palabras). Y pregunté yo... ¿para qué?
Klaseko aktibitateen azalpenak nola ematen diren ikastaro batean lantzen ibili ondoren hango gogoetak ekarri ditu J.Ramónek bere blogera: Las instrucciones (1) (JRamon ELE)
...ta gitxi gastau (Hizpide 74)
Didaktikak dirua gastatzeko aukera gutxi ematen du
Hizpide 74 ailegatu zait gaur, azalean titular deigarria bada. Pello Esnal erretiratu berriari egin diote elkarrizketa hain zuzen ere, eta titular hori eman die. Edukietan, horrezaz gainera, unibertsitate ingurutik datorkigu Euskarazko erroreak eta desbideratzeak aztertzeko lan-ingurunea ikerketa, Mari Jose Lasheras, HABEko teknikariak Moodle-en wikia erabiltzeko proposamenak eman dizkigu beste artikulu batean, eta Leioako Udal Euskaltegiko Txelis Urainek foroak talde mistoetan (konbinatuak?) erabiltzeko iradokizunak ekarri ditu.
Bideo berriak HABEren formazio sailetik
HABEkoek antolatzen dituzten ikastaro eta hitzaldi asko bideoan grabatu ohi dituzte. Editatu, jaso eta gero liburutegian jartzen dituzte eskuragai. Halaxe egin duten azken urte honetan batzuekin, eta 10 aletan bildu dituzte (pdf). IFB deitzen da bilduma (Irakasleen Formaziorako Bideo-saila).
Katalana, zer da hori?
Kataluniako Plataforma per la Llengua erakundeak hango unibertsitatetara kanpotik heltzen diren ikasleentzat Què és això del català? (Katalana, zer da hori?) gida sortu du hango hizkuntzaren gaineko oinarrizko informazioa ematen eta hizkuntz-egoera zein den azaltzeko.
Gida hemen daukazue (pdf), eta lehenengo kolpe batean pentsatzen hasi naiz hemen ere euskara urrun duten askorentzat (kanpoko nahiz bertoko) horrelako zerbait ez ote dugun behar. Euskara ikasten hasten direnentzat, adibidez. Akaso "ni X naiz" ikasten hasi baino lehenago zer ikasten hasi garen ezagutzea izan daiteke lehenengo ikasgaia.
BabeliumProject: "mintza-praktikarako" aukera sarean
Sustatun orain agertu da albistea. Eusakara eta ingelesa praktikatzeko gune bezala aurkeztu digute.
Zertan da mintza-praktika hori? Ba, kontatzen digutenaren arabera, bideoen bikoizketan oinarritzen da. Bideo-pasarte batean agertzen den pertsonaia baten papera hartu eta haren bikoizketa egin eta grabatu egin dezake erabiltzaileak, gerora bideoaren gainean bere ahotsa entzun eta aztertu egin dezake.
Deigarria ideia, ona eta baliagarria ere esango nuke. Hori bai, ez dakit noraino deitu dakiokeen "mintzapraktika", akaso ahozko hizkuntza lantzeko ariketak ditugu hor, ez benetako solasaldiak edo hizkuntz-jardunak. Edozelan ere, berritzailea eta interesgarria, ikasleei gomendatzeko modukoa, ahozkotasunaren kezka dutenei ere bai.
Atazak mundu digitalean non jarri?
...la cuestión no es si tu tarea es digital o no, más bien es si las has puesto en el sitio adecuado: dentro o fuera de la gran conversación
¿Dónde has puesto tu tarea? (franherrera.com)
Mundu digitalean murgiltzeko aholku onak: ez galdu solasaldia, eta ataza.
Klaseko hizkuntza
Eta klaseko gauzak egiteko zer esan behar du ikasleak? Hasiera-hasieran dagoen ikasleak klasean jarduteko hainbat gauza esan behar izaten ditu, eta horiek ez ditugu beti aurretiaz "landu". Gogoeta egin du horretaz J.Ramónek (blog hau gomendagarria da benetan), eta gaztelania klaserako proposamen xumetxo bat ere bai (euskarara itzultzeko arazo handirik emango ez lukeena).
Klasean kantuekin lan egiteko 30 ideia
Sinposio baten harira, Gonzalo Abiok klasean kantuekin lan egiteko 30 ideiaren zerrenda ekarri digu, baita kantuen lanketaz hausnartzeko gaiak eta lotura interesgarri batzuk ere.
Idazmena gaur
El mundo actual de la escritura online, especialmente en chats o hilos de discusión es conversacional y público, lo cual lo acerca a la tradición de discusión griega, más que a la escritura asincrónica y ensayística de hace 50 años.
Vigilar y castigar vs. máquinas de aprender (El Caparazón).
EEMk egiten duen bereizketa etorri zait gogora: idatziko elkarreragina eta idatzizko ekoizpena. Lehen idazmena jarri ohi zuen tokian-edo agertu dena.
Gramatika, CVCren testu bilduma
Via J. Ramón Ele jakin dugu Cervantes Institutuak Gramatikaren ikas-irakaskuntzari buruzko artikuluen bilduma egin duela eta Centro Virtual Cervantes gunean jarri duela.
ELE edo gaztelaniaren ikas-irakaskuntzaren markoan jarrita dago,baina seguraski guretzat ere hainbat gauza interesgarri eta baliagarri egon daitezke.
CVC horren moduko zerbait jarriko ote du inork inoiz hemen gurean?
Euskaldun berrientzako bertso-eskola Iruñean
"Bertsolaritzaren bidez, euskaldunberriek ulermena eta ahozko adierazkortasuna lantzea eta hobetzea" du helburu Iruñeko Hizkuntza Eskolak antolatu duen ekimen hau. Ez da berria, eta aurrera badoa, seinale ona da duda barik.
Via: Argia
Ziurgabetasun egoerak
Irakasleak ikasleei ikasgelaren espazio-denboran bere kontrola ematen dienean, ziurgabetasun egoera sortzen da, irakasleak gelara daramatzan ikaskuntza-helburuak urtu egiten direlako eta ikasleen erantzunaren araberako bihurtzen direlako. ziurgabetasun hori tradizioz negatibotzat jo izan da hezkuntza erakundeetan, gure eskola-esperientzia kontrolean oinarritu baita. Aitzitik, sormena, ideien sortzea eta ikaskuntza bera ziurgabetasun horrek eragindako tentsioaren ebazpenarekin estuki lotuta dago. Hori ederki dakigu eskola-erakundetik kanpoko esperientziak aztertuta: ikerketa-laborategiak, enpresa berritzaileak, lidergoa, sortze artistikoa...
PLE eta LMSa
PLE (ikasteko ingurune pertsonala) eta LMSen (Ikastea kudeatzeko sistemak) arteko aldeak azaltzeko bideoa. Ingelesez dago eta azpitituluak dauzka gaztelaniaz.
via Dreig.
- « lehenengoa
- ‹ aurrekoa
- …
- 3
- 4
- 5
- 6
- 7
- 8
- 9
- 10
- 11
- …
- hurrengoa ›
- azkena »
Azken iruzkinak