hizpide
Hizpide 78
HABEk iragarri duenez Hizpide aldizkariaren 78.a kalean da dagoeneko. Edukien artean HABEren egiaztatze probak, Europako markoan sakontzeko modulua eta mintzamena lantzeko ariketak besteak beste.
Hizpide 76
Hizpide aldizkari berria dugu duela aste batzuetatik, 76.a. Iñaki Muruak eman du lehenengo erreferentzia bere blogean, berak idatziriko artikulua baitakar: "Sen onez Ineterneteko itsasoetan".
Iñakirenaz gain beste hiru artikulu ditugu:
- Glosategia Moodle plataforman: erabilera didaktikoa. María José Lasheras.
- Ikaslea hizkuntzaren erabiltzaile gisa: ikasgelako praktikak hizkuntzen irakaskuntzan. Ernesto Martin Peris irakasleak joan berri zaigun ikasturtearen hasiera ekitaldiko gaia ekarri digu atzera.
- Kalitatezko prozesuak eta kalitatezko azterketak. Aintzane Ibarzabal irakasleak idatzia.
Hizpide sarean?
HABEk argitaratzen duen Hizpide aldizkaria (Zutabe lehenago) paperean baino ez da argitaratu orain arte. inoiz non edo han agertu den fitxategiren bat salbu, ez da sarean sistematikoki aurkitu.
Gaur berriz ikasbilen hemeroteka atalean Hizpide/Zutabe azpiatala agertu da, han HIzpideren hainbat ale pdf-n. 2004 urtera artekoak hain zuzen ere.
Zenbaki bakoitzaren izenean klikatuta bestalde (adibidez), aurkibide moduko bat topatuko dugu, eta aurkibideko sarrera bakoitzean lotura bat. Une honetan loturetan klikatuta ez da ezer agertzen baina.
Orain artekoaren aldean bada zerbati hala ere.
...ta gitxi gastau (Hizpide 74)
Didaktikak dirua gastatzeko aukera gutxi ematen du
Hizpide 74 ailegatu zait gaur, azalean titular deigarria bada. Pello Esnal erretiratu berriari egin diote elkarrizketa hain zuzen ere, eta titular hori eman die. Edukietan, horrezaz gainera, unibertsitate ingurutik datorkigu Euskarazko erroreak eta desbideratzeak aztertzeko lan-ingurunea ikerketa, Mari Jose Lasheras, HABEko teknikariak Moodle-en wikia erabiltzeko proposamenak eman dizkigu beste artikulu batean, eta Leioako Udal Euskaltegiko Txelis Urainek foroak talde mistoetan (konbinatuak?) erabiltzeko iradokizunak ekarri ditu.
Hizpide 73: ale berria
Hizpide didaktika aldizkariaren 73. zenbakia agertu da uda honetan (nik mahai gainean topatu dut, ez dakit noiztik dagoen hemen). Hiru artikulu:
- Josu Perales HABEko teknikariaren "Gaitasun estrategiakoa, gaia zertan den"
- Amaia eta Xabier Arauzoren "Tokiko hizkera bizirik dagoen herri baten errealitateaz"
- eta AEK-ko Aitor Ogizaren "Hamar galdera 4. mailako irakasleari"
Hizpide 72: ale berria
Hizpide aldizkariaren 72. zenbakia ekarri digu postariak.
Hizpide batzuk sarean
Badirudi HABEren webgunearen azkenengo moldaketatik lehengo eduki batzuk oraindik daudela sarean. Konturatu barik Hizpide aldizkariaren ale batzuk aurkitu ditut. Deliciousen apuntatu ditut badaezpada. Eta baten bat gehiago topatuz gero han apuntatuko dut.
Badaezpada ordenagailura jaitsi ditut, oraindik euren ibilbidea egin ez badute-edo.
Web semantikoa eta sare sozialak hizkuntz ikas-irakaskuntzan
Interneten endredatzen kasualitatez topatu dut azken Hizpideko artikulu hau Archive.org-en. PDFn jaitsi daiteke.
Hizpide 66
Hizpide 66 hartu dut orain. 4 artikulu. Karrajura eroango dut gero. Listo.
Bilatu
Harpidetu
Azken iruzkinak