soziolinguistika
Ikaskuntza vs. jabekuntza
Ikuspuntu soziologiko batetik, hizkuntza baten jabekuntza ikaskuntza baino garrantzitsuagoa da. Eta hizkuntza ahul baten kasuan are gehiago. Ikaskuntza beharrezkoa da, baina benetan erabakigarria jabekuntza.
Jabetu gaitezen (Garaigoikoa)
"Zer da euskara euskaraz ez dakitenentzat?" Udaltopen kronika
Zer da euskara euskaraz ez dakitenentzat? leloaren bueltan aritu dira lehengo astean Udaltop jardunaldian. Lan ta lanekoak han egon ziren eta laburpentxoa egin digute.
Erabiliz ikasten da
“Lehendabizi ikasi, gero erabili” paradigmaren mende gauden artean jai dugu. Erabiliz ikasten da, hemen eta nonahi. Hori baino ikuspegi integratuagoa behar da, ezer lortuko bada euskalduntze alorrean: bai azken orduko etorkinekin eta bai, nola ez, hasieratiko vasco-erdaldunekin. Etorkinen eskola bidezko euskalduntze-saioen eragimena mugatua da oso, eta hala izango da gero ere, saio horrek beren bizi- eta lan-ingurumenetik deskonektaturik jarduten duen artean.
Euskararen legeak hogeita bost urte. Eskola alorreko bilakaera: balioespen‐saioa liburuaren pasartea.
Liburua hemen duzue (pdf).
Txerraren bidez.
Irakaslea lubakian
Irakasleak beti egiten du topo hizkuntza borrokaren lubakiarekin, dagoen tokian dagoela
Atzo Sozilinguistika Klusterraren jardunaldian Xamarri egin zioten elkarrizketa publikoaren laburpena egin du Berriak.
Arkimedesen palanka
Aro sinpleago batetik gatoz, aldagai gutxirekin jokatu izan dugu, pentsatuz indar guztia puntu batean jarrita Arkimedesen palankak mugituko zituela euskararen oztopo guztiak. Orain osagai gehiago hartzen ditu analisiak eta neurri horretan aberasten ari da. Zailtzen ere bai, osagai guztiak bateratu behar baitira, bakoitzari dagokion pisua emanda, gainera.
Tribua hausnarrean (Argia)
Zergatik ez da euskaraz egiten?
Faktoreetako bat aipatzearren, Arrasaten egun euskarak duen arazo bat da euskaldun askok ez duela menperatzen eta ondorioz, beste aldagai batzuk ere tartean daudela, ez duela erabiltzen.
Arrasate Euskaldun Dezagun (AED) elkarteak herrian euskararen erabileraz kezkatuta ikerketa enkargatu dio Siadecori. Ondorioen artean goiko hori da aipatu duten lehenengoa, euskara ondo ez menperatzea, erabiltzen ez jakitea alegia.
Erreferentziak:
- Zergatik ez dugu euskaldunok euskaraz egiten? (Goiena) Bideoa
- AED-k identifikatu ditu euskaldunek euskara ez erabiltzearen hainbat arrazoi (Mondraberri)
- Euskaraz ez egitearen arrazoiak (Diario Vasco)
Euskararen ezagutza, erabilera eta jarrerei buruzko ikerketa
Eusko Jaurlaritzak zabaldu du Euskara: erabilera, jarrerak, politikak (pdf) ikerketa. EAEn jasotako informazioan oinarrituta datu deigarriak ditugu: %22k baino ez du ezer ulertzen euskaraz, %39k ez du ezer hitz egiten... Datu bilketa guztiak bezala arretaz irakurtzekoa, eta zer esana ematekoa ere bai.
Etorkizuna eta hizkuntzak
Nire uste apalean, etorkizunen hizkuntzaz mintzatu ordez, hizkuntzen etorkizunaren kezka ukan behar dugu geure baitan, bereziki hilzorian eta bazterturik dauden hizkuntza gutxiengotuen etorkizunean. Europako beste hizkuntza askoren artean hemen datza euskararen etorkizunari buruz ukan behar dugun grina nagusia.
Etorkizuneko hizkuntzak (Berria)
Soziolinguistikari buruzko 10 liburu (x3)
Garaigoikoako Txerrak soziolinguistikaren inguruko 10 liburu gomendagarrien zerrenda egiten hasi da, euskarazko liburuak denak. Eta zerrenda egiten hasi eta hirukoiztu egin zaio. Dagoeneko bigarren hamarrekoa bota du.
Hizkuntza baten osasunaren faktoreak
- Transmisioa. Hizkuntzaren transmisioa belaunaldi batetik bestera.
- Hiztun kopurua. Zenbat hiztun dituen hizkuntza batek.
- Portzentajea. Komunitate baten populazio osoan hizkuntza batean mintzo direnek osatzen duten batez besteko pertsonen kopurua.
- Ikasmaterialak. Hizkuntza bat ikasteko eta irakasteko dauden materialak eta herritarrek haiek eskuratzeko duten erraztasuna.
- Teknologia berriak. Teknologia berrietan eta hedabideetan hizkuntzak duen presentzia.
- Hizkuntz politika. Hizkuntz politiken nolakotasuna; gobernuek eta administrazioek hizkuntzarekiko duten jarrera eta erabilera. Ofizialtasuna.
- Erabilera. Hizkuntzaren erabilera eremu publiko eta pribatu ezberdinetan.
- Hiztunen jarrera. Hiztunek hizkuntzarekiko duten jarrera.
- Dokumentazioa. Hizkuntza batean dagoen agiri kopurua eta haien kalitatea.
Unescok munduko hizkuntzen atlas berritua kaleratu du. Berrian aurkitu dugu informazioa eta hizkuntzen osasuna erabakitzeko 9 faktoreren zerrenda hori.
Mundu bat galzorian (Iñaki Petxarroman - Berria)
Nola izan aktiboa?
Euskararekin aktibo jokatu nahi duenak zer aukera dituen erakusti nahi digu Buruntzaldea euskaraz-ek
Via Txerra.
Euskaraz sozializatzea
Euskalduna euskaraz sozializatzen den gizaki bat da. Eta euskaraz bizi ez dena ez da euskalduna. Bizitza euskaldunak egiten gaitu euskaldun, ez sentimendu zehatz batek.
Ezaguera eta prezio politikoa
Ezaguera maila minimotik behera, ezinezkoa dela euskarak beharrezko maila lortzea. Alegia, erdaldun elebakarren maila jaitsi behar dela, derrigorrez. Eta horrek prezio politikoa duela.
Euskararen egoeraz (Gara)
Via Argia.
Inmigrazioa eta hizkuntz jarrerak: bi liburu
Emunek bi liburu aurkeztu ditu: Zer egin...? eta Hizkuntza harrerarako gidaliburu praktikoa. Lehenengoak TELP tailerretan du oinarria, bigarrenak inmigrazioaren inguruko hausnarketa prozesu batean.
Dagoeneko sarean ditugu biak pdf formatuan:
Via Argia.
Emozioak-gaitasuna-praktika
Motibazio-ezagutza-erabilera eskema berritu beharko litzateke: emozioak-gaitasuna-praktika izendapena erabili beharko genuke. Izan ere, gazteak euskaraekin emozionatzeko gai dira nahiz eta gutxi erabili. Gaitasuna ezagutza (dakizu edo ez dakizu) baino zabalagoa da. Eta, azkenik, gazteek zenbat egiten duten baino, zer egiten duten (praktika) galdetu beharko genuke.
Euskaltzaindiaren Gazteak, aisialdia eta euskara jardunaldian parte hartu du Jone Miren Hernandezek. Baina gu ere gazteak izan ginen! Gazte euskalduna izatearen esanahia atzo eta gaur hitzaldiaren laburpena egin digute Aisia.net-en, eta Txerrak ohartarazi digun modura motibazioa-ezagutza-erabilera trinomioaren ondorengoa proposatu digu: emozioak-gaitasuna-praktika.
- 1
- 2
- 3
- 4
- hurrengoa ›
- azkena »
Azken iruzkinak