Euskaljakintza productions-en ale berria. Sinonimoak lantzeko aukera anitzeko galdera sorta literatura testuetatik hartutako pasarteetan kokakuta.

Bisiguaren estartan ahozko hizkuntza lantzeko materialen eta ariketen bildumatxoa proposatu digute.

Ariketa berriak ditugu Euskaljakintzan, Euskaltzindiaren arauak lantzekoak. Berrikuntza gehiago gainera, ariketok Maiteren ikasleek eurek sortutakoak dira.

@EIBZ Twitter kontuan irakurri dugu "Freskatzekoen lanak sarean". Ez dakit ondo-ondo zer freskura klase dabilen han, baina link-ean sakatu eta euskalkien laginen inguruan egindako ikasunitate interesgarri batzuk aurkitu daitezke bertan.

Tres Tizaseko Carlos Díezek ahozkoaren ulermena ebaluatzeko gaztelaniazko ariketen bilduma egiten dabil Comprensión oral wikian. Sarean aurkitu dituen bideoak eta Hot Potatoes erabili du.

Berak aitortu duen bezala, ez dira oso aurrerakoiak ikuspegi didaktikotik, baina era guztietako probak egin ditu eta seguru ideia falta ibiltzen garen trebetasun honetarako zerbait ekarri ahal digula.

Karrajua.org-eko iruzkin bati esker ezagutu dugu blog hau. Besteak beste, euskara lantzeko ariketa batzuk proposatzen ditu, ikusentzunezko dokumentuetan oinarrituta. Ez dakit umeentzat edo helduentzat diren, baina blogean dauden unetik edonorentzat ere izan daitezke, ezta?

Zorte ona blogarekin, Vanesa.

UEUren udaberriko ikastaroen artean lehengoan aipatu genuen tailerraz gain hau ere interesgarria izan daiteke, irakasle-jardunean konputagailuak eta sarea gehiago erabiltzera jotzen dugun honetan.

Maitek eta bere neska-mutilek erdarakadei erreparatu eta haiek zuzentzeko ariketa batzuk prestatu dizkigute, eta online jarri.

Zenbat erdarakada bota ditut?

Maite Goñik Lumak Berria egunkarirako prestatutako hitz jokoak online egiteko prestatzen ari da. Baten bat egiteko moduan daukagu dagoeneko.

Aupa Maite!

Euskaljakintzak adar berria ipini du martxan, Gaurko hitza. Blog batean egunero hitz berria agertuko da.

Asmoa ohiko hiztegitik hara dauden hitzak ezagutaraztea da. Hamabostean behin ariketa batzuk plazaratuko dira gainera. Euskaljakintzaren blogean duzue azalpena.

Maite isilik, baina ekinean dabilkigu beti.

Gaztelaniaz ere badago halakoren bat.

Ixa taldearen Hizkuntza-teknologia blogean duzue informazioa: Morfologia eta sintaxiko ariketak Internet bidez

Maite Goñik 03-04 azterketetako ariketak online jarri dizkigu. Horrez gain EGA azterketaren azken aldaketen berri ere ematen du.

Hizkuntza ezberdinetako hiztegia ikasi eta lantzeko ariketan eskaintzen ditu zerbitzu honek. Hizkuntza horien artean euskara ere bai.

Santurtziko Udal Euskaltegiaren bidez ezagutu dugu. 

Letra-zopak egiteko baliabide batzuk.