ariketak
Euskal aditza lantzeko webgunea berrituta
Maite Goñik iragarri digu orain dela urte batzuk euskal aditza lantzeko prestatu zuen gunea lekuz aldatu eta berriztu egin duela.
Google Sites-en atondu duen gune berri horretan aditz-taulak, azalpenak eta hainbat ariketa ditugu.
Nire lehen koadernoa: euskara bakarka lantzeko bilduma
Hipialtza izeneko blogean ikusi dut txertatuta Durangoko Berritzegunetik datorren koaderno hau. Eskolako edukiak etxean edo bakarka lantzeko bilduma da, eskolako ikuspegitik, baina heldu askori ere baliagarri izan dakieke.
Berridazketak eskutik helduta
Zuloa blogean aurkitu dugu berridazketak aurkeztu eta lantzeko aurkezpen hau.
Hitzapasa tematikoak
Maite Goñi aspaldian ari da sarean hitzapasa jolasak jartzen, eta duela egun batzuk gai zehatzen inguruko hitzapasak egiteko gonbitea bota zuen. Dagoeneko fruituak jasotzen hasi da, literatura eta dantzaren inguruko hauek adibidez. Eta gehiago ari dira egosten, Twitter-en besteak beste.
Nahiz eta mila aldiz jarri
Gaur sorte daukagu telebistako saio bat jarriko dut-eta, baina beti bezala ez da ezer entzuten edo oso gaizki entzuten da. Berdin dio, “total, ez dut ezer ulertuko nahiz eta audioa ona izan” pentsatzen du. Saioa bukatutakoan, “zer moduz ulertu duzue” galdetzen du irakasleak eta “beno…” erantzunak jasotzen ditu. Saioari buruzko galderak egin ondoren berriro jartzen du ea zerbait gehiago harrapatzen duten… ezer ez. “Nahiz eta mila aldiz jarri, gauza bera ulertuko dugu” pentsatzen dute irakasleek; “nahiz eta mila aldiz jarri, gauza bera ulertuko dute” pentsatzen du irakasleak.
Hernaniue blogean (Hernaniko Udal Euskaltegia?) irakurri dugu Ikasle arrunt baten kronika.
Digital dialects: euskara ikasten hasteko
Enric Serraren Aprendre Llengües blogean Digital Dialects gunea aurkitu dugu. 60 hizkuntza ikasten hasteko ariketa errazak eta grafikoki ondo diseinatuak daude bertan.
Euskara ere hor dago, oinarrizko hiztegia ikasi eta lantzeko ariketa eta jolas sortatxo polita hain zuzen ere. Ingelesa hartzen du abiapuntuko hizkuntza.
Interesgarria "... eta Interneten euskara ikasteko zer dago?" galdetzen duen hasi berriarentzat.
BabeliumProject: "mintza-praktikarako" aukera sarean
Sustatun orain agertu da albistea. Eusakara eta ingelesa praktikatzeko gune bezala aurkeztu digute.
Zertan da mintza-praktika hori? Ba, kontatzen digutenaren arabera, bideoen bikoizketan oinarritzen da. Bideo-pasarte batean agertzen den pertsonaia baten papera hartu eta haren bikoizketa egin eta grabatu egin dezake erabiltzaileak, gerora bideoaren gainean bere ahotsa entzun eta aztertu egin dezake.
Deigarria ideia, ona eta baliagarria ere esango nuke. Hori bai, ez dakit noraino deitu dakiokeen "mintzapraktika", akaso ahozko hizkuntza lantzeko ariketak ditugu hor, ez benetako solasaldiak edo hizkuntz-jardunak. Edozelan ere, berritzailea eta interesgarria, ikasleei gomendatzeko modukoa, ahozkotasunaren kezka dutenei ere bai.
Mundiala klasean
Munduko Futbol Kopa daukagu egunotan Hegoafrikan (ez duzue jakin, ezta?). J. Ramónek E/LE (gaztelania) klaserako ideia batzuk bildu eta aurkezpen honetan jarri dizkigu. Udako ikastaroren baterako ideiaren bat emango digute geuri ere akaso.
EGA: lexikoa lantzeko ariketa sorta berria Euskaljakintzan
Euskaljakintza productions-en ale berria. Sinonimoak lantzeko aukera anitzeko galdera sorta literatura testuetatik hartutako pasarteetan kokakuta.
Ahozko hizkuntza lantzen
Bisiguaren estartan ahozko hizkuntza lantzeko materialen eta ariketen bildumatxoa proposatu digute.
Euskaltzaindiaren arauak lantzeko ariketa sorta berria Euskaljakintzan
Ariketa berriak ditugu Euskaljakintzan, Euskaltzindiaren arauak lantzekoak. Berrikuntza gehiago gainera, ariketok Maiteren ikasleek eurek sortutakoak dira.
Nafarroako euskalkiak: materialak sarean
@EIBZ Twitter kontuan irakurri dugu "Freskatzekoen lanak sarean". Ez dakit ondo-ondo zer freskura klase dabilen han, baina link-ean sakatu eta euskalkien laginen inguruan egindako ikasunitate interesgarri batzuk aurkitu daitezke bertan.
Ahozkoaren ulermena: wikia
Tres Tizaseko Carlos Díezek ahozkoaren ulermena ebaluatzeko gaztelaniazko ariketen bilduma egiten dabil Comprensión oral wikian. Sarean aurkitu dituen bideoak eta Hot Potatoes erabili du.
Berak aitortu duen bezala, ez dira oso aurrerakoiak ikuspegi didaktikotik, baina era guztietako probak egin ditu eta seguru ideia falta ibiltzen garen trebetasun honetarako zerbait ekarri ahal digula.
Gure txoko, irakasle baten bloga
Karrajua.org-eko iruzkin bati esker ezagutu dugu blog hau. Besteak beste, euskara lantzeko ariketa batzuk proposatzen ditu, ikusentzunezko dokumentuetan oinarrituta. Ez dakit umeentzat edo helduentzat diren, baina blogean dauden unetik edonorentzat ere izan daitezke, ezta?
Zorte ona blogarekin, Vanesa.
Sintaxia eta morfologia konputagailuaren bidez lantzen
UEUren udaberriko ikastaroen artean lehengoan aipatu genuen tailerraz gain hau ere interesgarria izan daiteke, irakasle-jardunean konputagailuak eta sarea gehiago erabiltzera jotzen dugun honetan.
Bilatu
Harpidetu
Azken iruzkinak