euskara
Euskara ikasteko liburuen ondarea
Espainiako Kultura Ministerioaren Bibliografia Ondarearen Liburutegi Birtuala gunean euskara ikasteko "metodo" historikoen zerrenda hau dago. XIX eta XX mendeetako 13 testu daude hor, eta bertsio digitalizatuak kontsultatu daitezke.
Batek daki, zahar horiek gaur egun ere baliagarriak izan daitezke.
Merkea eta garestia
Eta batez ere, zer da merkeagoa epe laburrean? Tituluak ateratzeko orain arte erabili den sistema garestia (euskaltegiak, IVAP, etab.) ala hezkuntza sistematik igaro duten guztiei eta irakasgai gehienak* gainditu dituztenei titulu bana oparitzea?
Euskararen ezagutza ikasketen bidez zertifikatzea dela eta gogoeta batzuk utzi dizkigu Gorkak Bihar da berandun: Euskara tituluak opari
Hizkuntz-zentroen publizitatea
Hizkuntzak ikasteko zentroen publizitatearen bilduma egin dute taller d3en. Euskaltegiak ere hor daude.
Bigarren atal bat hemen.
B1 Adierazpide linguistikoak
Dinglizka12n B1 mailarako adierazpide linguistikoen (hizkuntz-edukiak edo nahi duzuen bezala deitu) zerrenda honen berri eman digute. Nafarroako Zubiarte euskaltegitik ei dator.
Scribd-en kontu berean baliabide eta dokumentu gehiago dituzue.
Bizitza osoa
Euskaraz berriro ikasten hasi naiz. Ilusioarekin, benetan. Astean bost ordu. Ez da gehiegi, badakit. Ez daukat denbora gehiago.
“Zenbat denbora behar dugu hizkuntza bat ikasteko?”
Hori izan da irakasleak egin digun lehenengo galdera, gaur goizean, lehenengo klasean.
Berehala ikasle batek erantzun du: Bizitza osoa.
Eta ados nago.
Berriro euskararekin (Euskaldunberri naiz)
Euskaldun errudun
Sustatura bidali duten mezuan erakutsi digute Tandem fundazioak euskaldunoi buruz zer gomendio zabaltzen duen. Tandem-ek hizkuntz-trukeak antolatzen ditu, euskara praktikatzeko aukera ere ematen du, hori bai, euskaldunokin jardun nahi dutenei abisua ematen die: "The rule "innocent until proven guilty", as is common in Western Europe, does not always apply in the Basque Country."
Euskaldunok ez gara berez errugabeak, Tandemen ustez behintzat. Dorpea benetan (bai, beste hainbat epiteto ere okurritu zaizkit).
NEL proiektua: etxeko laguntzaileek lanean euskara ikasi
Familia euskaldunetan etxeko laguntzaile lanetan ari direnei begira, urruneko etorkinak asko, proiektu interesgarri hau jarri dute martxan Gipuzkoako eskualde batzuetan. Ordu gitxiko tailerretan langileekin eta familiekin lan egiteko asmoa dute, azken hauek langileari euskara ikasten nola lagun diezaioketen landuko da gehien bat, dirudienez.
Proiektuaren sustatzaileak Banaiz Bagara elkarte, Emun Koop., Caritas, Esperanza Latina, Donostia, Buruntzaldea eta Villabonako Udalak dira.
Zer(tarako) ikasi?
Erakasleak hautatu eta landuko duenaren pertinentziak edo ikasle mota horri egokia izanak motibazio hori entretenitzen duelako gerta daiteke ere? Ez dakit. Edo bai, badakit. Horra gabe, segur dena dena, beste behin, zerbait funtzionala den ber, ikasten dela. Euskara eta beste guzia. Eduki batek balio badu, jendearentzat baldin badu balio bat, erabilia edo bizia izateko diot, dena da biziagoa eta emankorragoa.
Eta euskal gaiez aritzeko, iparralde honetan orokorrean hori da falta: badela kontzientzia eta diskurtsoa gaien balioez, premiaz, funtsaz baina gure gizarteak eta bereziki honengan eragiten ahal dutenek, euskal gai horiek berak funtzionalak, beharrezkoak izan daitezen indar eta aukera gutxi eskaintzen dutela, ez badira gizarteko zenbait taldeen ekimen eta inbertsiotik.
Quebec-eko UQAMeko Henry Boudreault irakaslearen artikulu baten harira, euskara ikasleen motibazioaz egin du gogoeta Beak Han eta hemen-en.
Ikastea nahi eta behar izatea da (Han eta hemen)
Euskal aditza lantzeko webgunea berrituta
Maite Goñik iragarri digu orain dela urte batzuk euskal aditza lantzeko prestatu zuen gunea lekuz aldatu eta berriztu egin duela.
Google Sites-en atondu duen gune berri horretan aditz-taulak, azalpenak eta hainbat ariketa ditugu.
Akats zerrendako goreneko 10ak
Izenburu horretako artikulu sorta baten lehenengoa daukagu gaur erabili.com-en. Euskal telebistarako gomendioak direla ematen du, bekadunek prestatuta.
Gaurkoan erlatiboaren gehiegizko erabilera saihestako gomendioak ditugu. Top-eko number one-a?
Xerezaderen Artxiboa: literatur podcasta
Udan zehar ere gauzak pasatu dira, eta, oporretan gaudela, ez dugu haien berri eman sasoian. Haien artean Xerezaderen Artxiboa podcasta. Sustatun iragarri zen ekainean eta Dingilizka12n gogorarazi digute gaur.
Proiektu interesgarria, eta dagoeneko ale batzuk ekarri dizkigu. Dingilizkakoek dioten bezala, begien nekea ez da aitzakia literaturari ekiteko.
Zaila, desberdina...?
Ez zait asko kostatu. Zenbait hizkuntza dakizkidanez, ez dut arazo handirik izan. Klasetara joaten nintzen bakarrik, ez nituen etxeko lanak ere egiten… kar, kar! Baina zailena hitzak izan dira, ezin baitituzu asmatu, latinetik eratorriak ez badira. Euskara hain da desberdina hitz egiten ditudan gainontzeko hizkuntzetatik…
Zuzeukoek Julia Berger alemaniarra aurkeztu digute. Donostian dabil euskara ikasten eta bere esperientzia kontatu digu: “Alemaniatik Donostiara joan nintzen gaztelania ikasi eta hobetzera… eta euskara ikasi dut azkenean!”
Euskara ez galtzeko aholkuak
Gaurregun erraza da, euskal literatura eskuratzea (on line-ko katalogoen bidez). Hortik kanpo, interneten bidez, liburu eta aldizkari elektronikoak aurkitu ditzakezu, dohainik. Euskal-egunkariak interneten bidez ere irakurri daitezke. Idazteko aukerak, korreo elektronikoen bidez nahiz blogetan aurki ditzakezu. Artikuluak edo liburu bat idatzi eta igorri Euskal-Herriko komunikabideei (zergatik ez!). Horretarako, hiztegi elektronikoak eta beste hainbat baliabide eskuan dituzu. “Diario” pertsonala baldin baduzu, euskaraz idatzi ere.
Euskal Herritik kanpo bizi diren euskaldunentzat euskara ez galtzeko aholku sorta bota ditu Euskonews-en Guatemalako Quetzaltenangon Landibar Unibertsitatean diharduen Patxik.
Euskararen erabilera sustatzeko bideo-jolasa
Euskara ikasteko jolasak ezagutu ditugu, baina orain nondik eta Australiatik etorri da proposamen berria hizkuntza erabiltzeko. Philippa Nicole Barr australiarrak rol jokoa diseinatu du Uribe-Kostako gazteek euskaraz jolas-egin dezaten musika talde bat antolatzen duten bitartean.
Hala irakurri dugu Euskadi+Innova webgunean: Una australiana diseña un videojuego para fomentar el uso del euskera
Hizkuntzen estandarizazioa
Garabide elkarteak jarraitzen du hizkuntzen berreskurapenari buruz dokumentuak eta materialak sortzen. Oraingo honetan hizkuntzen estandarizazioaren garrantziaz dihardute liburu-DVD berrian.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Azken iruzkinak