Errealitatearen irakurketa sinplistetatik esku hartze estrategia eraginkorretara heltzea zoriaren emaitza, soilik, izan daiteke.
Soziolinguistika Klusterrak burututako proiektu honen emaitzak aurkeztu eta sarean jarri dizkigute: Txostena (pdf), Aurkezpena (Power Point)
Euskara berreskuratzeko lana hurrengo belaunaldiari uzten badiogu, horixe ikasiko du hurrengo belaunaldiak: Hurrengo belaunaldiari utzi behar zaiola
Euskararen egoerari irizten liburutik hartutako aipamena da. Bixente Serrano Izkoren Nafar Periferian irakurri dugu: Elebidun erdaltzaleak eta bertze
Cool sukar honek zeharo artegatuta nauka. Zergaitik du nere alabentzako Cuernok Adarrak baino indar gehiago? Kaka, gixajo, itsatsi… Mierda, Pringao eta Pegar baino gezagoak dira? Zergaitik?
Im from Baliarrain (Patxitrapero)
Galdera ona, eta erantzuna ez da nahi genukeen bezain erraza.
Portzierto, "Kul" eta "fi-e-brr-e-a" ahoskatzea komeni da.
Belaunaldi berrien euskaran, eta ahozko harremanetan euskara batua, erdarakadak, euskalkia edo herriko hizkera (baldin badago) nahasten dira. Guk bilduriko grabazio anitz, hizkuntzaren gramatika erabat dakiten gazteei egin zaizkie, erabateko diskurtso osoa ikus dadin. Hala eta guztiz ere, euskara mintzatuak ia ez dauka zerikusirik idatzizko hizkuntzarekin eta zuzenketa gramatikal horretatik urrun dauden beste parametro batzuetan moldatzen da.
Iruñerriko gazteen euskara aztertzen ibili ondoren, ikerketaren laburpena aurkeztu digu Orreagak Euskonews-en: Gazte hizkerari buruzko ohar batzuk
Baina euskara eta gaztelania, biak, lehen hizkuntzatzat hartzen direlako-edo literatura jartzen da komunikatzeko gaitasuna garatzeko ardatza izango balitz bezala. Baina gero, errealitatean, askotan, irakasleak euskararekin oso trakets moldatzen diren ikasleak topatzen ditu eta euskara eta literatura irakaslea dena, izenez, euskara irakasle ibiltzen da, izanez. (Euskaltegiko irakasleak bezalatsu baina gazteagoekin).
Txoko honetan ezin dugu aipatu gabe utzi Ainhoa Ezeiza lagunak eraiki (stricto sensu, ezta? 
) duen webgune-bloga: www.ainhoaezeiza.net.
Artikulu batzuk plazaratu ditu dagoeneko, Euskal Literatura eta Eskola II: ideia-zirriborroak. Hausnarketak eta ideiak artikuluan bota du Gorkak (beronek ere bai blog berria portzierto) iruzkin hori hain zuzen.
Ikasleek euskaraz ondo ez dakitenez, euskaltegi bihurtu dira euskararen didaktikaren klaseak. Oso tristea.
Twitter-en botata (@ainhoaeusk). Unibertsitateko ikasleen azterketak direla eta.
PLANET Equipos de Normalización e Dinamización Lingüística agregatzaileak Medrar en galego blogera eroan gaitu Galiziako telebistak duela bi urte egin zuen "Linguas cruzadas" erreportaia interesgarri hau deskubritzeko.
Galiziako hizkuntz-gatazka bertako gazteen ahotik erakutsi digu erreportaiak. Normalizazioa, hizkuntzekiko irudikapenak, konplexuak, erabilera eta ezagutzaz mintzo dira Galizia guztiko gazteak: galegofalanteak, gaztelaniaren hiztunak, neofalanteak.... Gogoeta argiak egiten dituzte sarri, euren esperientzia eta bizipenetatik jasoak, alde batekoak nahiz bestekoak, mingotsak batzuetan, baikorrak bestetzuetan, errealak gehienetan.
Gogoeta eta sentipen horietako asko gainera ez zaizkigu batere arrotzak egingo. Interesgarria izango litzateke gure gazteei ere hizkuntzaz zer dioten horrela entzutea.
Mintzapraktika programetan ari diren gazteak eta berauei aportatzen diena jorratu dute Matrakako erreportaia honetan.
Mintzapraktika.org-en bidez.
Euskaldun berriok euskara garbia ikasi dugunez lotsa ematen digu erdal hitzak sartzeak, ematen du ez dugula hizkuntza menderatzen eta baten batek hori aurpegiratuko digula. Hortaz, bizitzako arlo guztietan euskara akademikoa erabiltzen saiatzen gara: umeekin, lagunekin... Euskaldun zaharrek, ordea, biraoak erdaraz botatzen dituzte indar gehiago emateko
Juan Karlos Lopez-Mugartza eta Orreaga Ibarra irakasleek Iruñeko gazte euskaldunen hizkera ikertu dute eta eurekin jardunda artikulu interesgarria eskaini digu Gaur8k: Gazteen hizkera: kalkoak ez dira eritasunaren seinale; kontrakoa, osasun ona adierazten dute
Natibo digitalei buruz sarri egiten da berba azkenotan. Zertaz ari garen ulertzeko erreportaje baliagarria dakar gaur El País-ek.
Itxaro Bordak Iparraldeko euskaldun gazte "ilustratuen" kopuruaren igoeraren harira, belaunaldi berrien epeltasunaz eta haiekiko igurikapenez egin du gogoeta.
Lehengo egunean gure belaunaldiaren konpromiso mailaz esan zirenak eta gazteekin ditugun kezkak etorri zaizkit gogora
Sustatun irakurri dut. Datorren asteburuan Bilboko Euskalduna-n jardunaldi interesgarria izango da. Helburua? Hizkuntza gutxituetan gazteriaren artean hizkuntza erabilera sustatzeko burutzen diren esperientzia-trukaketa.
Dena den espero dezagun jardunaldiotan aukeratutako izenburuan baino argitasun gehiago izatea. Izan ere, izen hau dute jardunaldiok: "Gutxiengo Hizkuntzen Erabilera Gazterian Sustatzeko Gauzatutako Eskarmentu Arrakastatsu eta Praktika Egokien Biltzarra"
Besteak esango lukeen bezala, "Harrapazak, Txiribiton!"
EAEko gazte elebidunak (16-24 urte) gaztelania dauka lehen hizkuntza (%56) eta erraztasun handiagoa dau erdaraz euskeraz baino (%56). Oinarrizko (%79) eta bigarren mailako (%69) ikasketak D ereduan egin dauz.
IV Inkesta soziolinguistikoaren irakurketa eginez: ELEBIDUNEN IZAEREA ASKO ALDATU DA HAMABOST URTEOTAN
Ahozkotasuna: Oso gai garrantzitsua da erabilerari dagokionez, baina ikastetxeen lan eremuan sartzen da batez ere. Euskararen irakaskuntzan ahozkotasunari eta euskaraz komunikatzeari lehentasuna ematea lortuko balitz, gramatikaren eta zuzentasunaren aurrean, gazteen artean erabilera sustatzerako aurrelan oinarrizko bat egina legoke.
Erabili.com-en argitaratuta: Gazteen hizkuntza erabileraren perspektiba eta prospektiba: ondorioak eta aurrera begirako ildoak
Irratia.com-eko Jabik eta Patxik elkarrizketa egin diote Kike Amonarrizi lehengo asteko saioan. Gai asko, Mihiluze, gazteak, internet, telebista, Andoaineko dekalogoa... Gaion artean goiko aipamena (edo). Euskarak edukiak behar ditu, eskuragarriak eta erakargarriak.
Euskalduntze-alfabetatzetik zer egin ahal dugu euskara erakargarri eta eskuragarri ipintzeko (dagoeneko egiten ez badugu)? Horra galdera.
Azken iruzkinak
Duela Egun 1 4 ordu
Duela Egun 1 4 ordu
Duela Egun 1 11 ordu
Duela Egun 1 11 ordu
Duela Egun 1 12 ordu
Duela Egun 1 13 ordu
Duela 2 days Ordu 1
Duela 4 days 2 ordu
Duela 5 days 14 ordu
Duela 5 days 15 ordu