euskara
Katalogoa.org: euskarazko produktuen zerrenda
Hainbat udalerritako euskara zerbitzuren artean aspaldian dute antolatuta zerbitzu hau. Euskaraz argitaratzen diren kultur-produktuen erreferentzien kopuru handia. Berrikuntza biren berri eman digute Sustatun, biak interesgarriak guretzat: ikasmaterialak eta guraso/helduentzako produktuak.
Egonaldiak familia euskadunetan 2011
Uda familia euskaldunekin euskara praktikatzeko aukera aurten ere bai. Izena emateko epeak iragarri dira, bai familientzat, bai ikasleentzat.
Liburuak bezala
Ni heldu nintzenean hara izan zen terriblea, ze ez nuen ezer ulertzen. Nik uste dut... jende horrek pentsatuko zuen ni gorra nintzela. Ze, eske, ematen nuen egun osoa ‘zer?’ esaten. Ez nien ulertzen... irakasleei. Ni nengoen klaustroan, eta piperrik ez nuen ulertzen. Baina, berriz, gogoratzen dut... nik EGA atera berria neukan, eta ikasleek, berriz, esaten zidaten ‘ze ondo hitz egiten duzun, andereño!’ Zergatik? Ba, liburuak bezala hitz egiten nuelako. Nik esaten nien kontrakoa, ‘ze nolako pena daukadan nik zuek bezala ez hitz egitea!
IRALEri eskaini diote tartea aste honetako Argian. Onintza Iruretak erakundearen nondik-norakoak biltzen saiatu da erreportaje batean, eta hortik hartu dugu irakasle horren testigantza.
Nor dira AEK-ko ikasleak?
Egunotan Korrika17 Iparraldetik igaro dela, Erramun Baxok euskalduntze-alfabetatzeari begirada emateko berak eta Jean-Baptiste Coyosek egindako "Helduen euskalduntzea eta etorkinak Ipar Euskal Herrian" ikerketa ekarri digu gogora.
Erabiliz ikasten da
“Lehendabizi ikasi, gero erabili” paradigmaren mende gauden artean jai dugu. Erabiliz ikasten da, hemen eta nonahi. Hori baino ikuspegi integratuagoa behar da, ezer lortuko bada euskalduntze alorrean: bai azken orduko etorkinekin eta bai, nola ez, hasieratiko vasco-erdaldunekin. Etorkinen eskola bidezko euskalduntze-saioen eragimena mugatua da oso, eta hala izango da gero ere, saio horrek beren bizi- eta lan-ingurumenetik deskonektaturik jarduten duen artean.
Euskararen legeak hogeita bost urte. Eskola alorreko bilakaera: balioespen‐saioa liburuaren pasartea.
Liburua hemen duzue (pdf).
Txerraren bidez.
Hiria, hizkuntza
Anjel Lertxundiren idazkiei beti darie printzaren bat hitzartetik. Ba al da inon Anjelek ezagutzera eman diguna baino hizkuntzaren deskripzio ederragorik? Ba al da inon Axular edo Lizardi irakurtzeko arrazoi sendoagorik? Mila esker, Anjel.
Euskararen zailtasuna... klasean
Nire ustez zailtasuna neurri handi batean mito bat da; mito bat eta aitzakia bat ikasi nahi ez duten pertsona askorentzat. Hala eta guztiz ere, puntu batean egon ninteke ados zailtasunaren tesi horrekin. Zergatik? Hasieran euskara ezagutzen ez duenak, ikasten hasten denean, ez daukalako heldulekurik. Hau da, nahiz eta ezagutu ingelesa, alemana edota gainontzeko hizkuntza asko ezagutu, ni gogoratzen naiz aurreneko asteetan euskaltegiko klase haietan elkarrizketa labur bat entzuteko eta bikotekidearekin errepikatzeko kasete bat jartzen zigutenean, badakizu: 'kaixo, zer moduz, ni Ludger naiz' eta horrelako gauzak, hemengo jendeak hori jada entzunda zeukanez, ez zeukan inongo arazorik esaldi hura errepikatzeko. Nik, ordea, nola ez nekien non hasten zen hitz bat eta non bukatzen zen hurrengoa, benetan tontoa bezala sentitzen nintzen klasean, ez bainintzen gauza izaten ezta esaldi bakar bat errepikatzeko ere.
Gutxisolo Elkartea: 15 urte Trebiñu euskalduntzen
Gutxisolo elkartea Trebiñun euskara ikasteko bideak sustatzen ibili da azken 15 urteotan. Korrikaren karietara erreportaia hau ekarri digute BerriaTBkoek.
Nire lehen koadernoa: euskara bakarka lantzeko bilduma
Hipialtza izeneko blogean ikusi dut txertatuta Durangoko Berritzegunetik datorren koaderno hau. Eskolako edukiak etxean edo bakarka lantzeko bilduma da, eskolako ikuspegitik, baina heldu askori ere baliagarri izan dakieke.
Zenbait gazte ausart
Korrika17k Euskaltzaindia du omendua, eta aurreko edizioan bezala, honetan ere dokumentala egin da. Euskaltzaidiaren ingurumaritik hasita euskalgintzaren azken 40 urteen kronika antzeko bat dugu "Zenbait gazte ausart" dokumentalean.
Zer egin diogu euskarari?
...defiende y protege el vascuence originario y milenario que ha pervivido por los siglos sin el auxilio de las ikastolas o euskalteguis o euskera batua
Derecha Navarra y Española alderdi eskuindar berria sortu da Nafarroan. Hizkuntz politikari dagokionez goiko horiek dira ildo nagusiak Nieves Ciprés alderdiaren buruaren arabera. Hala jaso dute Noticias de Navarran.
Zaila ala erraza?
Txerrak azken egunotan euskararen zailtasunaren inguruan agertu diren artikulu batzuk batu ditu Garaigoikoan. Baita honen inguruko galdera bat bota ere.
Aritu.eu: euskaraz aritu nahi duenarentzat
Euskaraz aritu nahi duenarentzako webgunea, hala aurkeztu zaigu Artez euskara zerbitzuaren proiektu hau. Ez da mintzapraktikarako gunea hala ere, TELP eta halakoen harira, euskara erabiltzeko oztopo psikologikoak eta sozialak gainditzen laguntzeko tresna dugu batez ere.
Termino-mudantzak
Irakurle zorrotza aise ohartuko da termino-mudantzaren kutsu sozialaz. Ez gara petxero, zergadun baizik; ez gara langile, autonomo edo soldatapeko baizik; ez gara herritar, biztanle edo egoiliar baizik; ez gara euskaldun, euskal hiztun baizik.
Errentari (Idazkolako Takatekoak)
- « lehenengoa
- ‹ aurrekoa
- …
- 2
- 3
- 4
- 5
- 6
- 7
- 8
- 9
- 10
- …
- hurrengoa ›
- azkena »
Bilatu
Harpidetu
Azken iruzkinak