familia
NEL proiektua: etxeko laguntzaileek lanean euskara ikasi
Familia euskaldunetan etxeko laguntzaile lanetan ari direnei begira, urruneko etorkinak asko, proiektu interesgarri hau jarri dute martxan Gipuzkoako eskualde batzuetan. Ordu gitxiko tailerretan langileekin eta familiekin lan egiteko asmoa dute, azken hauek langileari euskara ikasten nola lagun diezaioketen landuko da gehien bat, dirudienez.
Proiektuaren sustatzaileak Banaiz Bagara elkarte, Emun Koop., Caritas, Esperanza Latina, Donostia, Buruntzaldea eta Villabonako Udalak dira.
Gure koadrilan euskaraz
Euskara taldean praktikatzeko ekimena zabaldu du Donostiako Kriseilu-Bagera elkartetik. Familia edo lagun taldeetan euskara erabiltzea sustatzeari begira asteburuko egonaldiak dira, bisita eta tailerren programa batez hornituta.
Euskarazko gutxien-gutxienekoak gurasoentzat
Umeekin euskaraz berba egiteko gutxien-gutxienekoak lantzeko saio sorta antolatu du Ermuko Udalak. Saio laburrak dira, Ku-ku izeneko materiala banatuko da saioetan.
Via: elcorreodigital
Gaztelania ohetik bota duten bikoteak
Titulu deigarri horren azpian Argiaren erreportaje interesgarria dago. Etxean hizkuntza ohiturak erdaratik euskara aldatu duten bikoteak. Duela hilabete batzuk zabaldu zen *Soziolinguistika klusterrak gai honetaz egin duen ikerketa eta handik hartu du iturria erreportajeak. Esan bezala gauza interesgarriak irakurriko ditugu:
Bi kideak euskaldun zaharrak ez ziren kasuetan –aztertutako gehienak–, beti egon da ikasketa prozesu bat tartean bilakaera hauetan. Hala izan denean, euskarazko erabilpena dosifikatzen joatea askok aipatu dute: errazenak egin zaizkien egoeretatik hasi dira, zailegia zaiena momentuz gaztelaniaz eginez eta progresiboki gehitzen joanaz.
Duda barik euskalduntzera hurbilduko zaizkigun lagun askok bikote hauen bidea hartu nahi lukete, eta esango nuke gure ikasleriaren parte garrantzitsua direla, kantiateagatik ez bada, kalitateagatik behintzat bai.
*Hemen daukazue txostenaren laburpena pdf-n jaisteko.
Gurasoen kezkak
«Gure artean gauzak euskaraz esatea ez da zaila baina sentimenduak adieraztea, edo eztabaidan aritzea... oso zaila egiten zaigu. Errieta egiten hasiz gero, adibidez, nik berehala jotzen dut gaztelaniara. Ez dakit euskaraz halakorik egiten. Hemen pixkanaka-pixkanaka goaz gure harremanak euskaraz edukitzeko ohitura hori hartzen»
AEK-k Adunan eta Zugarramurdin egin dituen familia-barnetegietan egon ziren Berriakoak: Euskara etxekotzen (berria.info)
Bikoteen arteko hizkuntz-ohiturak
Erabilera erabiltzetik etorri da. Bietako batek euskara gutxi zekien bikoteetan, oinarrizko maila batetik ez da gertatu lehenik gaitasun on bat eskuratzea eta gero erabiltzea. Biak batera joan egin dira
Soziolinguistika klusterrak burutu duen Bikoteen artean hizkuntza ohituren aldaketa ikerlanaz laburpena eta iruzkina egin digu Txerrak Garaigoikoan:
Bikoteen hizkuntza ohiturak zelan aldatu?
Horkoa da aipamen hori.
Gurasolagunak
Mintzapraktika.org-en gurasoentzako praktika programa batzuei egin diete errepasoa.
Guraso.com
"Gurasoen premiak asetzeko webgunea", hala aurkeztu da Goienak eta Txatxilipurdi elkarteak euskararen transmsioan eragiteko sortu duten webgunea.
Gurasoen intereseko gaiak eta baliabideak eskaintzea dute asmoa. Helduen euskalduntzearen motorretako bat gurasoen premiak eta ilusioak izan dira hasieratik, beraz, baliabide interesgarria dugu hor duda barik.
Gurasoak, euskara, umeak.... zer ikasi, zer egin
Iñaki Eizmendi Ebeteko kideari egin diote elkarrizketa. Euskaraz eskolaratutako umeen gurasoek dakiten euskara apurrarekin zertzuk eta zelan egin ditzaketen azaltzen ditu.
Umeekin hitz egiteko hiztegia
Sendi proiektuaren blogean umeekin euskaraz hitz egin eta ikasi nahi duten gurasoentzako baliabideen berri ematen digute. Ku-ku (pdf) hiztegi hau bezala, aspaldikoa da, baina ondo dago gogoratzea, HEAn hainbeste estimatzen dugun kolektibo hori tartean dabilenean gehien bat.
Euskañola, gurasoak eta umeak
EUSKAÑOLAri, euskara traketsari garrantzia kendu, batez ere gaizki ari direla jakin baldin badakite. Helduok ere askotan egiten dugu salto euskara-gaztelania-euskara... erabiliz. Hizkuntzarekin jolasteko aukera eskaini: Mihiluze, Bertsolaritza.
Marije Manterolak jaso eta zabalduta.
Bilatu
Harpidetu
Azken iruzkinak