euskara
Zoriondu dezagun
Zabal dezagun kastellano batuan: "El euskera, esa lengua pobre en insultos y rica en felicitaciones"
"Urte berri on" trending topic bilakatu dela, eta erdarazko jardunean zorionak ematean euskarazko esakunean sartzeko dabilen ohitura zabala ikusita, euskaraz zorion mezuak sortu eta zabaltzeko deia egin digu Turutarenak.
Trinkator: adizki trinkoak sortzeko "makina"
Erramun Turutarena pertsona(jea) gogor sartu zaigu sarean euskara zitalaren aldeko makinazioetan. Azken inbentoa edozein kontzeptutatik abiatuta adizki trinkoak sortzeko aplikazio hau dugu.
Oharra: Trinkator ez erabili euskara azterketa eta proba ofizialetan jarri dituzunen zuzentasunaren berme modura. Ez dizute ulertuko/gaindituko.
Gogor eta Trinko (Turutene)
Ikasleak saltzaile
Banaiz Bagara elkarteak euskara ikasten ari diren etorkinekin saltoki ibiltaria antolatu du, sei ikasle eta lau monitorek eramaten dute postua Tolosalde inguruan bereziki. Proiektuaren asmoa lanaren bitartez euskara ikasi eta lan egiteko aukera ematea da.
Akatsen ehiza errentagarria?
Hari beretik, zer zaigu gaur eguneko euskaldunon eta euskararen egoeratik abiatuta errentagarriago, "akatsen ehizan" abiatzea (edo jarraitzea, ze horretan gabiltza, ezta?), ala euskara zabalaren "errekurtso zabalen jabetzen" abiatzea? Noski, biak egin litezke. Agian lehentasun kontu bat besterik ez da.
Akatsa zer den eta zer ez, euskararen irakaskuntzan eta ebaluzioan errorei ematen zaien garrantziaz pentsatzeko moduko gai batzuk jarri dizkigu Bittor Hidalgok.
Esaldi trakets bat
Nire aitatxo esan dit ez dit eramangola.
Esaldi bat baino ez da, egia. Adibide bat. Kasu bat, kasuistika ikaragarri handi baten ale ezin ederrago bat baino ez. Ez dauka inolako garrantzirik. Denok egiten ditugu akatsak, nork bere mailan. Ez bilatu hemen errudunik, errua ez baita ez umearena ezta irakasleena ere. Sistemak funtzionatzen du. Errua ez da inorena. Esaldi trakets bat, hori baino ez da.
Oharra (Berria)
Ohiko akatsak eta polemika
Erabili.com-en Akats zerredako goreneko 10ak artikulu sorta publikatu da irailetik hona. ETBren beka batekin egindako lanean oinarritu ziren Eider Santisteban eta Gontzal Fontecillak artikulu hauen edukiak atontzeko. Asmoa euskarazko testuetan sarrien agertzen diren akatsak nabarmentzea eta konponbidean jartzea izan da.
Eztabaida sortu da hala ere, akatsok hain akats ote diren, arauak nola-nork ezartzen dituen eta euskararen erabilera historikoak kontrakoa dioen edo ez dioen.
Eztabaidaren trazua ikusita, ETBko Asier Larrinagak ohar eta zehaztapen batzuekin eman nahi izan dio errematea kontuari, lotura jaso dugun artikuluaren bidez.
Eztabaidak eztabaida eta argudioak argudio, ondo/gaizki, zuzen/oker kategoriak banatzeko orduan zer irizpide eta balore erabiltzen ari garen pentsatzeko bidea ematen du artikulu sorta honek (iruzkina artikulu digitalaren osagaia dela kontsideratuta, jakina).
2012ko aurrekontuak eta HABEren asmoak
Erabili.com-en agertu den EJren Kultura Sailaren ohar honetan HABE eta euskaltegien inguruko politikaren ildo batzuk agertu dira:
- HABEk sortzen dituen material didaktikoei oihartzun-komunikazio handiagoa emango zaiela.
- AISAren bertsio berria eta A1 mailarako eskuliburua aterako direla.
- Euskaltegi pribatuen kudeaketa eta finantza egonkortasuna bermatzeko plana jarriko dela martxan.
Eskola ikasleen maila
Egun ikasleen gehiengoak derrigorrezko hezkuntzaren amaieran lortzen duen maila B1 dela frogatzen bada, etorkizunean goragoko helburu bat behar dute.
Hizkuntza maila hezkuntza sistemaren bidez balioztatzeaz gogoeta plazaratu du Aurrekoetxeak Erabili.com-en: Euskararen trena.
Euskaraz egiteko aukerak horman
Sakanako Itsasi euskaltegian ideia sinplea eta polita erakutsi digute ikasten dugun euskara praktikara eramateko. Euskaraz egiteko lekuak eta pertsonak klaseko panel batean apuntatzen dira deskubritu ahala.
Norantz: Iparraldean euskararen gramatikaren bilakeraren datu-basea
Norantz proiektuaren berri heldu zaigu Iparraldetik. Gaur egun euskararen gramatikak noranzko joera duen jakiteko hainbat hiztuni frantsesezko testu laburrak euskaratzea eskatu zaie, eta erantzuna grabatu eta idatziz jaso ondoren data-base interesagarri hau antolatu dute.
"Euskaraz nola esaten da....?" galderari erantzuteko modu interesgarria izan daiteke bestalde.
Euskara mugikorrean ikasteko aplikazioa
Elhuyarrek aurkeztu du gaur aplikazioa. Moblang proiektuaren barruan kokatuta dago eta bertatik deskargatu behar da aplikazio hori, baina hara joan eta oraingoz ez da jaisteko moduan.
Hemen irakurri dugunaren arabera aplikazioa hiztegiak, audio eta bideo txartelek, jolasek eta ariketek osatuko dute.
Ele2tor: zenbatu ezagutzen dituzun hitzak
Euskaraz eta erdaraz zenbat hitz ezagutzen ditugun kalkulatzeko tresna sortu du Erramun Turutarenak. Steve Pinkerren arau baten oinarrituta Elhuyar hiztegiaren corpusaren gainean eraiki da ezagutza kalkulatzeko edo, besterik gabe, hitzekin jolasteko tresna hau.
Informazio gehiago Turutenen: Ele2tor: Ezagutu zure hitz datu-basea
Zen aholkuak euskara ikasleentzat
AEKren E-uskaltegiak izen deigarriko bideo sorta hau hasi da plazaratzen Youtuben. "Zen", "zuen" edo "zion" ote den ez dakigula, euskara ikasleentzako aholkuak datoz hor.
Hemen bigarren alea.
Birao eta irainen zerrenda
Imanol Epeldek euskarazko birao, irain eta berba "gogorren" zerrenda osatu du, eta denon eskura utzi digu: Esanindarra, biraoak euskaraz (pdf)
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Bilatu
Harpidetu
Azken iruzkinak