Maite Goñiren azken ideia martxan:Pasapalabra jolasa gustatu eta euskarazko bertsio hau atondu digu hainbat laguntzailerekin batera.

Euskaljakintzan eta Sustatun informazio gehiago.

Enric Serrak ProProfs webgunearen berri eman digu bere blogean. Modan dauden brain games edo buru-jolasak egin eta sortzeko tokia da. Jolas horien artean hitz-jolasak ere badaude: hitz-gurutzatuak, letra-zopak, urkatuarena... Ingelesez dago, baina nahi duzun hizkuntzan sor ditzakezu zeureak, eta gainera nahi duzun lekuan "enbotatzeko" kodea ere ematen du.

Adibide modura, hemen duzue letra-zopa bat, irakurtzen ari nintzen dokumentu honetatik (pdf) atera ditudan 8 hitz daude hor:

Domeka hotz batean etxeko epelean entretenitzeko modua, eta klasean entretenimendua emateko modua ere bai, ezta?

Ekainaren 20an "El día del español" ospatukod dela Cervantes Institutuak gaztelaniazko hitzekin jolasteko eta bozkatzeko webgune hau prestatu du. Hitz gogokoenak edo asmatutako hitzak bozkatu daitezke besteak beste, horrez gain jendeak bidalitako bideoak ere biltzen dituzte.

Soitun ikusia.

Studylangs webgunean hizkuntza batzuetako hiztegia eta esamoldeak ikasi eta landu ahal ditugu esanahia asmatzeko jolasekin, Google Imagesen bidez pistak ere ematen dizkigu.

Genbetan ikusia.

Childtopia umeentzako jolas eta baliabide interaktiboen bilduma da. Ume txikiei begira jarrita, hizkuntza ikasteko jolas eta ariketa errazak eskaintzen dizkigu.

Eta euskaraz ere badago.

Mersi @joxe

Quia zerbitzuak aktibitate didaktikoak sortzeko aukerak ematen ditu. Berauek baliatuz norbaitek ingelesetik euskara ikasteko hiztegi-jolas sinple batzuk sortu ditu.

Euskalkultura.com-en bidez. Edo Google-en "aprender euskera" bilatuta.

Euskara ikasteko ariketak eta jolasak online.
Eskerrik asko, Amaia eta Lurdes.

404gelari esker. Aupa tu!

Jolas bitxia sarean, blog (tumblelog) bi: zuria eta beltza, ispiluak balira bezala.