internet
BabeliumProject: "mintza-praktikarako" aukera sarean
Sustatun orain agertu da albistea. Eusakara eta ingelesa praktikatzeko gune bezala aurkeztu digute.
Zertan da mintza-praktika hori? Ba, kontatzen digutenaren arabera, bideoen bikoizketan oinarritzen da. Bideo-pasarte batean agertzen den pertsonaia baten papera hartu eta haren bikoizketa egin eta grabatu egin dezake erabiltzaileak, gerora bideoaren gainean bere ahotsa entzun eta aztertu egin dezake.
Deigarria ideia, ona eta baliagarria ere esango nuke. Hori bai, ez dakit noraino deitu dakiokeen "mintzapraktika", akaso ahozko hizkuntza lantzeko ariketak ditugu hor, ez benetako solasaldiak edo hizkuntz-jardunak. Edozelan ere, berritzailea eta interesgarria, ikasleei gomendatzeko modukoa, ahozkotasunaren kezka dutenei ere bai.
Voxy: ingelesa ikasi albisteen bidez
Interneten badira hizkuntzak ikasteko zerbitzuak eta guneak, eta ekimen berririk ez da falta izaten. Voxy dugu azkenetariko bat. Egunero 3 minutu emanda ikasteko aukera saltzen digu.
Nola? Albiste batzuk hartu, laburrak, testuak irakurri eta haien gaeinean ariketa batzuk proposatzen dituzte, horrez gain, testuetako hitz batzuk nabarmendu eta esanahia ematen dute. Momentuz ingelesa-gaztelania norabidean.
Azpimarratutako hitzak norberaren kaxan gordetzeko aukera ematen dute, eta egindako ariketak ere bai. Ariketak funtsean testuaren esanahiari buruzkoak dira, sinpleak baina ondo planteatuta nire ustez.
Hizkuntza ikasleentzako aldizkarietan (Aizu!, Habe...) egiten dena Internetera ekartzeko modu bat izan daiteke beharbada, hain zuzen paperaren muga batzuk gainditu eta teknologiak ematen dituen aukerez ondo baliatu dira (interaktibitatea, pertsonalizazioa, formatua...).
Ideia interesgarria, akaso askori pobrea edo sinplea irudituko zaie, baina nire ustez, sinpletasun horrek ematen dio erakargarritasuna.
Euskal mapa: munduko toki-izenekin egindako mapa
Munduko mapa euskaraz daukagu eta sarean gainera. Munduko toki izenak euskaraz erakusten dizkigu berez. Euskarak munduari esateko moduak dituela ikusi eta ikustarazteko lekua dugu beraz.
Via: Dingilizka B2
Informazio gehiago: Sustatu
Learn basque with My language Notebook
Asaldian eman genuen My Language Notebook tresnaren berri. Hizkuntzak ikasteko tresna dugu, baita euskara ere, eta Jim egileak jakinarazi digu asteon euskara ikasten dabilela eta ikasteko sortu dituen ikasgaiak han jarri dituela.
Nola idatzi Interneten?
Ez idatzi Internet papera balitz bezala, edo ez idatzi papererako gauzarik, ez formatuaren aldetik (ez egin kartelik Interneterako, ez idatzi Wordik), ezta idazkeraren aldetik ere (ez idatzi fax itxurako prentsa-oharrik). Idatzi informazioa, testu-editore lau batekin; eta horren bertsioak egin gero, bat papererako (behar baldin bada), bestea sarerako.
Nola idatzi Interneterako (CodeSyntax). UEUn emandako ikastaro baten materiala.
Sustatun ere informazioa daukazue.
Eman ideiak
Ideia originala Galiziatik berriro. Galizieraren alde ideiak proposatu, plazaratzeko eta aurrera ateratzeko Galego Lab gunea.
Galiziarako ez ezik, gurerako ere balioko duten bat baino gehiago topatuko ditugu seguruenik.
Irakaskuntzarako aplikazioak: Top100
Via Wwwhat's New ezagutu dugu irakaskuntzarako aplikazioen Top 100 dinamiko hau. Etengabe eguneratzen ari da, eta akaso ideiaren bat emango digu, edo ezagutzen ez dugun zerbaiten berri.
Euskara irakasleak: bigarren bizitza
Ning plataformak doako zerbitzua eten egingo duela, eta partaideei kontsulta egin ostean, Zutagu zerbitzura aldatu dugu Euskara Irakasleak sarea. Badakizue beraz, lankide, ogibidekide edo burukominkideekin jarduteko aukera berria zabaldu da munduan, korporatibismo apur bat egiteko baino ez bada ere.
Garapen Hurbileko Eremua gaur
No es nueva, como anticipábamos, la importancia de la conversación con pares y/o expertos en la construcción del propio conocimiento. Lo que tal vez sí lo sea, es el alcance global que la red que construyamos de los mismos puede alcanzar.
Vigotskyren teoriei errepasoa egiten eta gaur egungo testuinguruan kokatzen saiatu da Dolors Alan Pritchard eta John Woollard-en Psychology for the Classroom: Constructivism and Social Learning liburuaren irkurketaren ostean.
Construir, conectar: ampliando la ZDP con herramientas de la sociedad-red (el caparazon)
Nerabeen literatura
Daniel Cassany Getxolinguae 2010 jardunaldian egon zen eta gazteen idazkerari buruzko hausnarketa interesgarri hau utzi zigun.
Via Tres Tizas
Zer egingo zenuke...?
Formacion Elekoek baldintza lantzeko ideia proposatu digute, publizitate kanpaina batean oinarrituta. Gaztelania ikasteko da, baina euskaraz ere horrelako galderak aurki ditzakegu ugari. Non? Hemen adibidez.
Berrikuntzak IRALEn: Interneten bidezko hobekuntza
Isabel Celaak IRALE programan egingo diren berrikuntzen berri eman du Gasteizko Legebiltzarrean. Interneten bidezko prestakuntza indartzeko asmoa dute dirudienez.
Hirugarren sektoreko hiztegi teknikoa
Ede taldeak egin duen hirugarren sektoreko hiztegi tekniko honen berri izan dugu Topagunearen bidez. Sarean duzue eskuragarri pdf formatuan.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Azken iruzkinak