internet

Aldaba: Zarauzko euskaltzaleen ataria

Lotura

Zarauzko euskalgintzan ari diren pertsona eta erakunde batzuek sortu dute Aldaba ataria. Euskalgintzaren inguruko albisteak, baliabideak eta gogoetak banatu dituzte atal desberdinetan, euskalduntzearen inguruko atalean besteak beste.

Via Baionako gau-eskola.

Klaseko aktibitate interesgarria eta eleanitza

Lotura

Bihar da Berandu blogean bigarren hezkuntzan euskarara ailegatu berriekin egindako aktibitate elenaitz polita aurkitu dugu. Ohiko esaldien bilduma egin eta Tatoeba zerbitzu interesgarriaren bidez jasotzea da kontua.

Hasieran Jordi Adellen hitz batzuk jaso ditu, azpimarratzekoak:

irakasle guztiok ikasturtero, gutxienez egindako ekitaldi baten berri eman beharko genukeela sarean. Argitaletxeen zain egon beharrean, irakasle bakoitzak ikasturtero berak ikasgelan proposatutako ekintza baten berri interneten emango balu, urte gutxitan milaka horrelakoak egongo lirateke

Xuxen eta Euskalbar erabiltzeko ikastaroa

Lotura

Zarauzko Euskara Zerbitzuak antolatu ditu Interteneko baliabide horiek erabitzeko ikastaroa, erabili eta ezagutu seguruenik.

Nabigatu euskaraz

Lotura

Nabigatu euskaraz

Euskaltube bizirik

Lotura

Duela hiru urte abiatu zen Euskaltube geldirik egon da azkenotan, diru-arazoak medio. Internauta euskaldunoi bideoak eta audioak partekatzen lagundu digun ekimena laguntza eske datorkigu orain. Babesleak eta laguntzaileak behar ditu Euskaltubek.

Horra enbidoa, pasorik merezi ez duena.

Euskara sarean josten

Azkue Fundazioren aurkezpena.

Historian lehen aldiz

Gaurko hitzak

Bi urte Gaurko Hitzak, eta hortxe enredatu gaitu Maitek geure bideo-hitza egiteko. Eta hazi eta hazi dabil zerrenda.

Zorionak, bi urte hauengatik, eta eduki duzun arrakastagatik. Honela jarraituz gero, Gaurko Hitzaren bideo-hiztegiak Euskaltzaindiaren tomo guztiek baino sarrera gehiago izango ditu. 

Diccionario Callellano: hiztegi kolaboratiboa sareak ilustratuta

Lotura

Nodos Eleko Emilio Quintanak aurkeztu digu sarean egiten hasi diren hiztegi hau. Kaleko gaztelaniaren hiztegi kolaboratiboa izan nahi du. Jasotzen duen edukia interesgarria da duda barik: hizkera arruntean sortzen diren hitz eta esamolde biziak eta berriak, bizimoduaren joan-etorriarekin eta eduki soziokulturalak deitzen den horrekin lotuak, baina horrekin batera formatuak eman dit arreta. Hiztegi kolaboratiboa da batetik, edonork bidal dezake ekarpena, eta kontzeptuak sareko edukiek ilustratuta dakartza: argazkiak, testuak, bideoak.

Alpha fasean ei dago, baina ideia bista-bistan dago, eta teknikoki erraza da.

Dissapearing languages

Google-ek arriskuan dauden hizkuntzak salbatzen-edo hasi behar du. Living Tongues Instituteko hizkuntzalari batzuek lagunduta Youtube-n kanala zabaldu du: Endangered Languages. "Disappearing Languages" irakurtzen da kanalaren buruan. Gure hizkuntza inoiz hor agertzen bada, ez dakit arduratzeko arrazoi gehiago ez ote liratekeen egongo lasaitzeko baino.

Lanbide heziketarako hiztegia

Lotura

Lanbide heziketaren munduan euskararen hedapena sustatzeko hiztegia osatu dute Lanekik eta Elhuyarrek. Arlo askotako hiztegia bildu dute, euskara eta gaztelaniazko definizioak eta testuetako agerpenak eskaintzen ditu.

Informazio gehiago Berrian.

Digital dialects: euskara ikasten hasteko

Lotura

Enric Serraren Aprendre Llengües blogean Digital Dialects gunea aurkitu dugu. 60 hizkuntza ikasten hasteko ariketa errazak eta grafikoki ondo diseinatuak daude bertan.

Euskara ere hor dago, oinarrizko hiztegia ikasi eta lantzeko ariketa eta jolas sortatxo polita hain zuzen ere. Ingelesa hartzen du abiapuntuko hizkuntza.

Interesgarria "... eta Interneten euskara ikasteko zer dago?" galdetzen duen hasi berriarentzat.

Umap: euskarazko jarduna Twitter-en

Lotura

Twitter-en euskarazko edukiak zelan topatu ari garela, ez dakit Arrateko Amaren eskua tartean ibilita edo, CodeSyntaxek Umap inbentatu digu mundura, Twitter-en euskarazko jardun guztiaren batzailea, eta bilatzeko aukera ere ematen du. Bihar armosuan San Blas pare bat hartu nire kontura, neska-mutilok.

Konpetentzia digitala hizkuntza ikasteko: ikasleen profila

Lotura

Lola Torres sarearen bidez hizkuntza ikasten ikasteko ikastaroa egiten ari da, Curso Aprender a aprender. Competencia Digital para estudiantes de Español.

Ikastaro horren markoan inkesta egin du jakiteko ikasleek sarearekin zer harreman duten ezagutu eta ondorioak ateratzeko. Hor daude inkestaren emaitzak, akaso inkesta bera norbaitentzat baliagarria izan daiteke, eta ikastaroa bera ere bai.

Higabide: euskaldunberrion gunea

Lotura

Kasualitatez aurkitu dut gaur webgune hau, "Euskaldunberrion gunea" leloaz jantzita jakin mina pizten du. Apur bat arakatuta Iruñeko Irubide institutuko irakasle bat duela egile jakin dut: Jose Ramon Maruri. Euskaldunberriei omenaldia egiteko asmoz sortu du webgunea. Edukietan euskaldunberri ezagun batzuen erreferentziak eta biografiak ditugu, ikasteko testu eta material batzuk, eta lotura batzuk ere bai.

Polita ekimena, hori bai "Higabide" izenarena ez dut ondo ulertzen. Hain "higagarria" da euskara ikastea?