hiztegiak
Wordnik: 2.0 hiztegia
NodosElen eta Wwwhat'sNew-n jaso dugu hiztegi honen berri. Ez da kontu berri-berria hitzen inguruko informazioa emateko sarearen aukerak erabiltzen dituen hiztegia. Hiztegi formal desberdinen defizinizioak jaso, adibideak bilatu testuetan edo multimedian.
Interesgarriena izan daiteke, hiztegi hauek ingeleserako pentsatuta egon arren, Twitter edo Flickr bezalako zerbitzuetan bilatzen duten momentutik beste hizkuntzetako berbekin ere eskaintzen dituzte emaitzak. Probatu euskarazko hitzak sartzen eta zerbait agertuko da.
Edo pentsatu Euskalbarreko hiztegietako emaitzak eta sareko zerbitzuen bilaketak batzen dituen balizko hiztegi batean, adibidez.
Labayruren hiztegi kontestuduna
Labayru Ikastegiak aspaldian zuen sarean jarrita bere hiztegia, euskara / gaztelania eta gaztelania / euskara hiztegia, euskara beti ere bizkaieraren arauari jarraituta. Eta gaur iragarri digute hiztegi hori osatu egin dutela sarrerei kontestua emanez: adibideak eta laginak batez ere, ahozko tradizioan eta erabileran oinarrituta.
Carballo = haritz. Galiziera-euskara hizegi berria
Isaac Fernandez itzultzaileak paratu du 5000 sarrera inguru dituen lehenengo galiziera-euskara hiztegia. Vigoko Unibertsitateak argitaratu du, eta Isaacen hitzetan hau da asmoa: "entendernos mellor e traducirnos mellor sen peaxes nin peneiras doutras linguas"
Diccionario Callellano: hiztegi kolaboratiboa sareak ilustratuta
Nodos Eleko Emilio Quintanak aurkeztu digu sarean egiten hasi diren hiztegi hau. Kaleko gaztelaniaren hiztegi kolaboratiboa izan nahi du. Jasotzen duen edukia interesgarria da duda barik: hizkera arruntean sortzen diren hitz eta esamolde biziak eta berriak, bizimoduaren joan-etorriarekin eta eduki soziokulturalak deitzen den horrekin lotuak, baina horrekin batera formatuak eman dit arreta. Hiztegi kolaboratiboa da batetik, edonork bidal dezake ekarpena, eta kontzeptuak sareko edukiek ilustratuta dakartza: argazkiak, testuak, bideoak.
Alpha fasean ei dago, baina ideia bista-bistan dago, eta teknikoki erraza da.
Lanbide heziketarako hiztegia
Lanbide heziketaren munduan euskararen hedapena sustatzeko hiztegia osatu dute Lanekik eta Elhuyarrek. Arlo askotako hiztegia bildu dute, euskara eta gaztelaniazko definizioak eta testuetako agerpenak eskaintzen ditu.
Informazio gehiago Berrian.
Elhuyarren Sinonimoen Kutxaren 3. edizioa
Sinonimo eta antonimoen hiztegi honen edizio berria. Hainbat azterketa prestatu ohi diren honetan munizioa ez dator txarto, ez.
Haurren munduko hiztegi txikia sarean
Nafarroako Gobernuak Juan Inazio Lizarragaren Haurren munduko hiztegi txikia lana sarean jarri du. Hemen duzue pdf formatuan: Haurren munduko hiztegi txikia (pdf)
Hirugarren sektoreko hiztegi teknikoa
Ede taldeak egin duen hirugarren sektoreko hiztegi tekniko honen berri izan dugu Topagunearen bidez. Sarean duzue eskuragarri pdf formatuan.
Nola erran: frantses-euskara hiztegi elektronikoa
Frantses-euskara hiztegi hau aurkeztu dute gaur. Gizarte ingurumen zabal batean erabiltzekoa, euskara batuan egina baina Iparraldeko traidizioan oinarrituta.
Euskara-poloniera hiztegia
1998an egiten hasita eta sarean aspaldian jarrita hor ditugu euskara eta poloniera parean.
Glotodidaktika hiztegian ez
Glotodidaktika hitza ez dago Euskaltzaindiaren Hiztegi Batuan. Eta duela 23 urte egin zen Glotodidaktika Hiztegia sarean inon?
Errumaniera-euskara hiztegia
Donostian bizi den 16 urteko mutil batek egin du 11.000 sarrerako hiztegia. Aitaren zalantzei erantzuna ematen hasi eta apurka-apuka osatu du lana.
Zehazki gaztelania-euskara hiztegia sarean
Ibon Sarasolak zuzenduta, aspaldian argitaratu zuen Alberdaniak Zehazki hiztegia. Gaztelaniazko hitzen adiera posibleak hitzaren testuinguru desberdinetan ematen ditu, baita hitzaren hasieraren arabera ere.
EHUren eskutik sarean daukagu orain.
Gaztelaniatik itzultzeko eta "nola esaten da?" askori ganorazko erantzuna emateko moduko tresna, irakasle nahiz ikaslearentzat.
Via Sustatu.
Euskaraz ataria EITBn
Hilabetea probetan egin ostean, atzo iragarri zen ofizialki EITB.com-en euskaraz ataria. Aurreko albistetik hona berri gutxi. Edukiak funtsean:
- Euskara ikasi atala. Ikasten.net ikastarora bidali baino ez gaitu egiten
- Pastoralen bilduma. ETBk emandakoak, eta zubererari buruzko argibide batzuk.
- Albistegia. EITB-k euskararen inguruan zabaldu dituen albisteen zerrenda.
- HIKEA aplikazioa. Interesgarriena ematen du printzipioz, aukera ematen du kontsulta desberdinak egiteko: hiztegietan, esapideetan, pastoralen hiztegietan eta (interesgarriena eta baliagarriena nire ustez) hedabideetako hizkuntz-gomendioetan.
Etorkinentzako hiztegi berria Azpeitian
Azpeitiko Udalak eskuko hiztegi eleanitz berria plazaratu du. Hizkuntza hauek ditugu bertan: euskara (batua eta Azpeitiko hizkera), portugesa, arabiera, gaztelania, urdua, poloniera eta txinera.
Hiztegi osoa hemendik jaitsi daiteke (pdf).
Azken iruzkinak