Glotodidaktika hitza ez dago Euskaltzaindiaren Hiztegi Batuan. Eta duela 23 urte egin zen Glotodidaktika Hiztegia sarean inon?

Donostian bizi den 16 urteko mutil batek egin du 11.000 sarrerako hiztegia. Aitaren zalantzei erantzuna ematen hasi eta apurka-apuka osatu du lana.

Ibon Sarasolak zuzenduta, aspaldian argitaratu zuen Alberdaniak Zehazki hiztegia. Gaztelaniazko hitzen adiera posibleak hitzaren testuinguru desberdinetan ematen ditu, baita hitzaren hasieraren arabera ere.

EHUren eskutik sarean daukagu orain.

Gaztelaniatik itzultzeko eta "nola esaten da?" askori ganorazko erantzuna emateko moduko tresna, irakasle nahiz ikaslearentzat.

Via Sustatu.

Hilabetea probetan egin ostean, atzo iragarri zen ofizialki EITB.com-en euskaraz ataria. Aurreko albistetik hona berri gutxi. Edukiak funtsean:

• Euskara ikasi atala. Ikasten.net ikastarora bidali baino ez gaitu egiten
• Pastoralen bilduma. ETBk emandakoak, eta zubererari buruzko argibide batzuk.
• Albistegia. EITB-k euskararen inguruan zabaldu dituen albisteen zerrenda.
• HIKEA aplikazioa. Interesgarriena ematen du printzipioz, aukera ematen du kontsulta desberdinak egiteko: hiztegietan, esapideetan, pastoralen hiztegietan eta (interesgarriena eta baliagarriena nire ustez) hedabideetako hizkuntz-gomendioetan. 

Informazio gehiago erabili.com-en

Azpeitiko Udalak eskuko hiztegi eleanitz berria plazaratu du. Hizkuntza hauek ditugu bertan: euskara (batua eta Azpeitiko hizkera), portugesa, arabiera, gaztelania, urdua, poloniera eta txinera.

Hiztegi osoa hemendik jaitsi daiteke (pdf).

90. urteurrenaren ospakizunen karietara Euskaltzaindiak OHE ipini digu Interneten ikusgai eta kontsultagai.

Hemendik aurrera oraindik errazago "...eta Euskaltzaindiak zer dio?" galderaren erantzuna.

Deustuko Unibertsitateko Euskal Gaien Institutuak sarean jarri ditu zuzenbideko hiztegiak eta lege-testuak ele bitan. Horren kontsultarik ez dezazuela sarri egin behar, baina ondo dago eskura izatea.

Euskarabidearen bidez.

Lehengo eguneko hiztegien albistearen bertsio "ofiziala". 20 guztira, loturan duzue zerrenda.

Zergatik agertzen dira gauza hauek lehenengo prentsan eta gero webgune ofizial-publikoetan?

Eusko Jaurlaritzak 21 hiztegi terminologiko berri aurkeztu zituen herenegun. Arlo berrien artean ostalaritza, arropa-dendak, iturgintza... Sei bloke nagusitan banatu ei dira: merkataritza eta kontsumoa, lan eta unibertsitate hezkuntza, teknologia berriak, administrazioa, laburudurak eta siglak eta ingurugiroa.

Hedabideetan irakurri dugunaren arabera laster Euskaltermetik kontsultatu ahal izango dira, horrez gain paperezko bertsioak ere argitaratuko ei dira.

Albistea beste hedabide batzuetan:

• El Gobierno edita en euskera 21 diccionarios terminológicos (El Pais)
• 21 diccionarios en euskera mejorarán la comunicación en diversos sectores (El Correo)

Ibon Sarasolaren Zehazki hiztegiaren kopia bat agertu da Google Books-en. Itzul posta zerrendan irakurri dugu.

Labayruren Euskara-gaztelania hiztegia sarean kontsultatzeko moduan daukagu.

Itzul posta-zerrendaren bidez.