internet
Moodle erabiltzeko arrazoiak
...dos de las barreras fundamentales que hacen que muchos profesores usen Moodle como plataforma central para el desarrollo de su trabajo en la red, a saber, el miedo a perder el control (de la actividad de los alumnos, de los contenidos que publican,…) y el problema de la privacidad (adultos que piensan que poner tu nombre en internet es como poner el número de tu tarjeta de crédito a disposición de cualquiera, o familias que piensan que hay un corruptor de menores detrás de cada clic).
Moodle 2.0ren harira artikulu gogorra Nodos Elen: Cinco consejos para trabajar con Moodle 2.0.
Moodle-en inguruko filiak eta fobiak iratzartzeko aproposa.
Euskaltegietako ikasleentzako ikastaroak Jakintza Librearen jardunaldietan
Azkue Fundazioak Jakintza Librearen II. jardunaleiaren barruan euskara ikasleek Interneten zer dagoen jakin dezaten ikastaroak antolatu ditu gaur, bihar eta etzi. Sareko baliabideak ezagutu eta erabiltzea da asmoa. Ikastaroak Bilboko Euskararen Etxean egingo dira.
Bizkaieraren ataria
Bizkaiera erabiltzen laguntzeko sortu da Bizkaiko Foru Aldundiaren eta Labayruren logoak erakusten dituen atari hau. Hiztegi eta hizkuntza-tresna batzuk eskaintzen ditu, eta horrez gain bizkaierari buruzko informazio geografikoa eta linguistikoa, bideo-grabazioak eta kulturaren inguruko artikuluak.
Audiria: entzumena lantzeko ataria
Via EcLecTIC ezagutu dugu Audiria atari hau. Gaztelania ikasten ari denarentzat entzutezkoaren ulermena lantzeko entzungaiak eta bideoak eskaintzen dituzte, eta haiekin batera transkripzioak eta ariketak.
Practica español
Instituto Cervantesek, EFE informazio-agentziak eta Fundación del al Lengua Españolak aurkeztu zuten duela aste batzuk Practica español ataria. Hizkuntza ikasleei bideratutako zerbitzua da, albisteak euskarri desberdinetan eta euren gaineko ariketak eta azalpenak, gramatika gaiak eta abar.
Via Nodos Ele
Twition: hizkuntzak ikasteko baliabideen bilduma
Via Wwwhat's New izan dugu proiektu honen berri. Hizkuntza-irakasleek baliabideak partekatzeko gune bezala aurkeztu da. Bertara joan eta gehien bat sarean hizkuntzak ikasi eta irakasteko dauden hainbat baliabideren bilduma interesgarria da oraingoz. Hizkuntza eta maila ezberdinen arabera sailkatuta.
Sarea: ikaslearen aukera eta ardura
L'aprenent de llengües que no valora i propicia l'exposició a l'aprenentatge informal de la llengua meta renuncia a una de les estratègies clau del nou aprenentatge lingüístic. El professorat hi pot ajudar, segur, però és l'aprenent apoderat l'únic responsable de conquerir el vast territori d'aprenentatge informal que la xarxa ha obert al seu davant.
Internetek ikaskuntza informalaren ideia nola zabaldu duen azaldu digu Enricek: [625] L'aprenent estratègic: incorporar l'informal ()Aprendre Llengües
Lehen bila joan behar zen hura (hiztunak, hitz egiteko aukerak, testuak...) esku-eskura dugu orain:
La cultura digital ha canviat ara radicalment les coses i ha deixat l'aprenentatge de llengües en una situació insòlita. Els nadius són pertot arreu, l'input lingüístic és a qualsevol racó de la xarxa i a l'abast de tothom. Els espais per a l'aprenentatge informal de llengua se'ns han multiplicat tant, que gestos quotidians entre els aprenents avantatjats de fa només uns anys com anar a buscar un diari en la llengua apresa en un quiosc especialitzat s'han convertit ja en una acció sense sentit. Les possibilitats de viure experiències siginificatives en la L2 són constants: moltes de les nostres tasques quotidianes no transcendents com informar-nos del que passa al món, buscar una recepta de cuina, localitzar un tutorial que ens ensenyi com funciona una aplicació informàtica... podem satisfer-les perfectament en la llengua que aprenem, de manera gairebé natural, a canvi d'un temps que és una inversió valuosa.
Eta horren harira ikaslearen eta irakaslearen paperaz egin du goiko hausnarketa hori (itzultzeko saioa):
Ikasi nahi duen hizkuntzaren ikaskuntza informalerako esposizioa baloratzen eta erabiltzen ez duen ikasleak uko egiten dio hizkuntzaren ikaskuntza berriaren estrategia nagusi bati. Irakasleak lagundu egin dezake, noski, baina bere prozeusaren gidaritza duen ikaslea bera da sareak bere aurrean zabaldu duen ikaskuntza informalerako aukera erraldoiaz baliatzeko arduradun bakarra.
Hika praktikatu Skype bidez.
Maramara taldeak euskara ikasi eta lantzeko ikastaro eta zerbitzu berezien sorta eskaintzen du. Hitanoarekin lotuta batzuk eta haien artean hika Skype Interneteko konferentzia zerbitzuaren bidez praktikatzekoa.
Hitanoan duzun "maila" neurtzeko test hau ere badute.
Gaztelaniazko kolokazioen hiztegia
Gaztelaniazko kolokoazioen hiztegi hau jarri dute sarean, interesgarria, eta Deliciouseko kontuan Rikardo Gomezek esan duen bezala euskaraz ere interesgarria izan liteke horrelako tresna bat.
Lexikoaren azterketan kolokazioen kontzeptua zabaldu da azken urteotan, hizkuntzaren ikas-irakaskuntzara ere heldu da. Kolokazioa bata bestearen ondoan agertzeko joera duten hitz-multzoak direla esan daiteke. Hemen dituzue gaiaren inguruko artikulu pare bat kontzpetua argitzeko:
- Kolokazioak euskaraz. Zer axola duten kazetaritzan (pdf). Xabier Altzibar.
- ¿Qué son las colocaciones? Blog de lengua española. Alberto Bustos.
Hizpideren batean honi buruzko artikuluren bat agertu dela uste dut, baina orain ez dut gogoratzen, eta ez daukat hemen kontsultagai.
Zirikteroak sarea berpiztu da
Irakaskuntza eta teknologiaren inguruko sarea sortu zen Ning-en duela urte pare bat, eta Ning-en sareak doan egiteko aukera kentzearekin hura ere desagertuko zela pentsatu arren, asteon bueltan etorri da Ziririkateroak.
Ea hasierako sasoiko aktibitatea berreskuratzen duen.
Web aplikazio erabilienen artean hizkuntzak ikastekoak
Via Dreig AppApeal gunearen berri izan dut. Munduan gehien erabiltzen diren web aplikazioen mapak egiten dituzte kategorietan banatuta.
Eta hezkuntzarako aplikazioen artean datu deigarri bat, leku askotan hizkuntzak ikasteko zerbitzuak dira erabilienak. Adibidez, LiveMocha Hegoamerikan, Babbel Alemanian edo Busuu Espainian.
150 tresna
Honelako zerrenda asko agertzen dira sarean lantzean behin, baina Olentzero, Papa Noel, Errege Magoak jostailuak banatzen hain aspaldi izan ditugula, hemen doa jostailuen bildumatxo hau.
Aprendereuskera.com
Aspaldian ezagutzen dugu euskara ikasteko sarean dabilen "Curso de euskera" (pdf) izenekoa. Gorka ikastaroaren egileak sarean jarraitzen du eta aprendereuskera.com webgunea atondu du kolaboratzaile batzuen laguntzarekin. Gune horretan ikastaroaren pdf dokumentua ez ezik, haren html bertsioa ere badugu, horrez gain gunean sartu eta Revista sobre cultura vasca en el mundo gaztelaniazko bloga erakusten digu.
Hitzapasa tematikoak
Maite Goñi aspaldian ari da sarean hitzapasa jolasak jartzen, eta duela egun batzuk gai zehatzen inguruko hitzapasak egiteko gonbitea bota zuen. Dagoeneko fruituak jasotzen hasi da, literatura eta dantzaren inguruko hauek adibidez. Eta gehiago ari dira egosten, Twitter-en besteak beste.
Idazlanen zuzenketak online
Facebook-etik heldu zait gonbidapena, eta irakasle bik antolatu duten zerbitzu honen berri izan dut.
Azterketako emaitza txarrek kezkatuta idazlanak online zuzentzea eskaintzea otu zaie. Ez da doan, mailaren arabera eta idazlan kopuruaren arabera 3 eurotik gorako prezioa dute zuzenketek.
Bloga ere badute, eta han idazlanak egiteko aholku batzuk ematen dituzte.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Azken iruzkinak