Software gaiak ez dira hemengo mintzagai nagusia izaten, baina arreta eman dit "Sinadura" izeneko honek. Euskarazko izena eta euskarazko bertsioa ere baditu PDF dokumentuetan sinadura txertatzeko software honek. Informatikaren munduan euskara izen komertzialak sortzeko hizkuntza izan daiteke.

Via: Genbeta

Abel Camachok Ireki blogean Mahara sistemaren sarrera azalpena egin digu: Mahara porfilio digitalak sortzeko tresna. Santurtziko Udal Euskaltegian probatzen eta ezartzen ibili dira azkenotan hain zuzen ere.

Eusko Jaurlaritzaren eusarazko software-aren bilduman tresna berria gehitu dute: Tesseract-OCRopus. OCR programa bat da, irudi fitxategiak eskaneatu, testua bilatu eta testu formatuko fitxategira ekartzen du. Sinplea eta software librea ei da, Linux eta Windows-erako.

Seguruenik gremio honetan urtetxoak egin dituzuen askok hainbat altxor (materialak, testuak, ariketak...) bildu dituzue paper-fotokopietan edo eskanetatutako irudietan urteetan, euskarri garbiago baten gorde, edo berregokitu eta txukundu nahi zenituzketenak. Hor duzue tresna lagungarria beraz.

Wikispaces wikiak sortzeko plataforma ezagunenetako bat dugu. ZirIKTeroak eta Nafarroako IKT dinamizatzaileen blogaren bidez jakin dugu aplikazioaren hizkuntzen artean euskara dugula aukeran orain. Bitxia, gaztelania baino lehen euskaratu da Wikispaces.

Pdf formatuak buruko min bat baino gehiago eman ohi ditu. Hemen dauzkazue arazo batzuetarako konponbide errazak.

Bildu.net-en bidez.

Ahotsaren analisi eta tratamendurako erabil daitezkeen programak. Nahikoa teknikoak gehienak, baina baten bati zerbait egiten lagundu ahal badiote.

Euskofiliaren bidez.

Xuxen euskarazko zuzentzaile ortografikoaren litzentzia aldatu egin da, GNU GPL software librearen lizentzia hartu du hain zuzen ere. Banaketa eta erabilerarako aukera gehiago zabaltzen dira horrela.

Zabaldu.com-en bidez.