ingelesa
Hizkuntzen aniztasuna eta aberastasuna
Patricia Ryan ingeles irakaslea urteetan aritu da Arabiar penintsulako ekialdeko herrietan. Dubaitik hain zuzen ere, TED hitzaldi batean hizkuntzen aniztasunaren aldeko aldarri dotorea egin du. Une honetan munduan hegemonikoa den hizkuntzaren irakasle batek egina interesgarriagoa. "Hizkuntzen aniztasuna, ideien aniztasuna" bezalako titularra etorri zait burura.
Euskara eta ingelesa parean
Para mí, lo que impide el pleno desarrollo del euskara es lo mismo que impide el aprendizaje del inglés. ¿Por qué tienen que pagar los padres horas extras para clases privadas de inglés y enviar a los hijos al extranjero, gastando miles de euros en cursos?
Voxy: ingelesa ikasi albisteen bidez
Interneten badira hizkuntzak ikasteko zerbitzuak eta guneak, eta ekimen berririk ez da falta izaten. Voxy dugu azkenetariko bat. Egunero 3 minutu emanda ikasteko aukera saltzen digu.
Nola? Albiste batzuk hartu, laburrak, testuak irakurri eta haien gaeinean ariketa batzuk proposatzen dituzte, horrez gain, testuetako hitz batzuk nabarmendu eta esanahia ematen dute. Momentuz ingelesa-gaztelania norabidean.
Azpimarratutako hitzak norberaren kaxan gordetzeko aukera ematen dute, eta egindako ariketak ere bai. Ariketak funtsean testuaren esanahiari buruzkoak dira, sinpleak baina ondo planteatuta nire ustez.
Hizkuntza ikasleentzako aldizkarietan (Aizu!, Habe...) egiten dena Internetera ekartzeko modu bat izan daiteke beharbada, hain zuzen paperaren muga batzuk gainditu eta teknologiak ematen dituen aukerez ondo baliatu dira (interaktibitatea, pertsonalizazioa, formatua...).
Ideia interesgarria, akaso askori pobrea edo sinplea irudituko zaie, baina nire ustez, sinpletasun horrek ematen dio erakargarritasuna.
Help! Nire erratzak no funciona
SM argitaletxeak umeentzako liburu sorta orijinala dauka: "Tus books", liburu elebidunak, baina ez elebidunak ezkerrean hizkuntza bat eta eskuinean bestea, gure dokumentu ofizialen antzera, ez, testu bakarra hizkuntza batetik bestera doa etengabe. Ume eta gazteei begira hizkuntzak ikasi eta menperatzeko teknika orijinala duda barik, ausarta eta polemikoa ere izango da seguru aski.
Ba, orain gurera ere heldu da. Liburu hirueledunak ari dira banatzen El Correorekin batera. Izenburuak goikoa bat eta "Isilik! El lago de las girls mudas", edo "Difficult teenager bat izan nahi dut" bezalako batzuk tartean.
Deigarriak tituluak eta idea, eta deigarria inork orain arte ezer (nik entzun ez behintzat) esan ez izana. Polemika errazegi jarri digute? Onerako edo txarreako harrigarria baita ideia, orijinala den aldetik, eta hizkuntzak nahasteko era hori askoren begikoa izango ez den aldetik. Honez gero errealitateak fikzioa gailendu ez badu, behintzat.
Tres Tizasen irakurri dugu iruzkina.
VerbaLearn: hiztegia lantzeko beste gune bat
Izenagatik latina edo bizkaiera ikasteko dela pentsatu daitekeen arren, ingelesezko hiztegia ikasi eta lantzeko beste zerbitzu bat da VerbaLearn hau.
Wwwhat's New-n ikusita.
Handitasunaren handikeriak
Arazo bihurtu da britainiar biztanleek ingelesa ez den beste hizkuntzekiko duten ezjakintasuna. Europar Batasunaren txosten batzuek diotenez, jatorrizko hiztunak ez direnen eginkizun bihurtuko da ingeleserako itzulpenak egitea, jatorrizko hiztunen gabeziak eraginda.
Lanean izan diren itzultzaileek erretiroa hartu ahala, ez da nork ordezkatu izaten. Gainera, oso maila baxua izaten dute ingelesa ez den beste hizkuntzaren bat dakitenek. Eta batzuetan, ingelesean ere, oso konpetentzia urriak dituzte: adiskideentzako baliagarri izan litezkeen itzulpenak egiten dituzte baina testuinguru formaletarako desegokiak direnak.
http://www.guardian.co.uk/business/2008/sep/21/languages.eu (http://meneame.net/
ren bidez)
Hizkuntzak ikastea komeni
Ingelesa irakasten duen (edo ingelesez trebatzen duen) eskola baten iragarkia. Baten bati ideiaren bat ematen badio-edo. Ez naiz itzulpena hemen ipintzera ausartuko.
WTF-Microsiervosen bidez.
Basic Basque
Quia zerbitzuak aktibitate didaktikoak sortzeko aukerak ematen ditu. Berauek baliatuz norbaitek ingelesetik euskara ikasteko hiztegi-jolas sinple batzuk sortu ditu.
Euskalkultura.com-en bidez. Edo Google-en "aprender euskera" bilatuta.
Europa eta hizkuntzak
"Erronka onuragarria. Hizkuntza aniztasunak nola lagun dezakeen Europa sendotzen" ( PDFa, gazteleraz)
Europako Batzordeak bultzatutako ekimen baten berri ematen digun txostena. Kulturen arteko elkarrizketaren aldeko intelektual taldearen eskutik datorkigu. Ekimenak boluntarista dela aitortzen badu ere, baditu zenbait arretagune interesgarri.
Gaurko El Paisen aurki dezakezue beroni buruzko artikulua (ez dakit zein arrazoirengatik ez didan esteka jartzen uzten).
Azken iruzkinak