internet
Praktikatu.com eta beste inbento batzuk
Euskara praktikatzeko leku berri hau agertu da bilatzaileen basoan halako batean, ez da bakarra izan, azken egunotan beste pare bat agertu dira: topaleku.com eta berbasarea adibidez.
Derrepentean agertu dira, azalpen eta informazio handirik gabe -informazio kanpaina zikuren bat gehienez- baina erakunde publikoen logotipoak ondo erakutsita eta diru-laguntzen deialdien eta administraziotik sustatutako lehiaketen gerizpean (erakunde batzuek jada ez gaituzte harritzen). Berrikuntza eta teknologia berben arrimuan beti ere, eta praktikaren munduan aspaldian lanean ari direnekin harreman handirik gabe. "Webmamuak" hitza aipatu du baten batek hortik.
Tira, bolbora asmatzea ez dakit noraino den eta ideia biribil eta berritzailea, baina ongi etorriak denak zerbaitetan lagunduko badute.
Kaidara, baliabideen bilatzailea
Educacion tecnologica blogean aurkitu dugu atari honen berri. Intermon Oxfamerakundeak sustatutako baliabideen bilatzaile eta biltegia izateko asmoa du, hezkuntzari begira gehien bat: "maila guztietako irakasle eta herritarrei, oro har, ikasgelan zein ikastegian, beren burua prestatzeko baliabideak eta proposamenak eskaintzea da, batzuek eta besteek beren hezkuntza-praktikan herritargo globala lortzeko hezkuntza landu eta txertatzeko aukera izan dezaten."
Euskaraz ere kontsultatu daiteke, gure hizkuntzan eduki askorik ez dut aurkitu oraingoz hala ere.
Literatura terminoen Hiztegia sarean
Literaturaren ikerketan, historian eta abarretan garatutako euskarazko terminologia batu du Euskaltzaindiak eta sarean dugu kontsultagai. Gaur aurkeztu du Andoni Sagaranak.
Ez al zaigu inor erretxinduko! XD
EuFalo.tv: Todo o mundo ten unha historia coa lingua. Cal é a túa?
Galiziatik dator Eufalo.tv, eta ideia interesgarria da A navalla suìza taldeak sortutako bideoweb hau. Hizkuntza eta hiztunei buruzko dokumental kolaboratiboa bezala aurkeztu digute, eta hizkuntzaz nahi duen hizkuntzan hiztunaren zer esanak jasotzea du asmoa.
Benvida, benvido a EuFalo.TV. Isto é un documental colaborativo sobre a lingua e os falantes. Levamos uns meses a percorrer Galicia buscando historias de xente que fala. No que pode, no que sabe, no que lle peta ou dá a gana. Todo o mundo ten unha historia coa lingua. Cal é a túa?
Clara eta Digna hiztunen testigantzak dituzue hor goian, bertan dioten bezala, euren izenari ohorea egiten.
Zehazki gaztelania-euskara hiztegia sarean
Ibon Sarasolak zuzenduta, aspaldian argitaratu zuen Alberdaniak Zehazki hiztegia. Gaztelaniazko hitzen adiera posibleak hitzaren testuinguru desberdinetan ematen ditu, baita hitzaren hasieraren arabera ere.
EHUren eskutik sarean daukagu orain.
Gaztelaniatik itzultzeko eta "nola esaten da?" askori ganorazko erantzuna emateko moduko tresna, irakasle nahiz ikaslearentzat.
Via Sustatu.
Euskalerriaren Yakintza sarean
Escuela de Sara blogean Azkueren lan etnografiko handi hau jarri digute sarean. Ipuinak, kantuak eta euskal kultura eta tradizioaz ari garela baliagarriak izan daitezkeen hainbat eduki bertan.
Zu, gu eta hirurok
Proposamen berria Interneten euskaldunontzat. Ezagutza partekatzeko sare sozial irekia. Irekia aukera askotara, atarramendua aterako diogu, seguru.
Profila osatzen joan beharko dut (Buaaaaa! Ez daukat lagunik)
Gure irratia sarean
Iparraldeko Gure Irratiak webgunea atondu du. Han dituzue hemendik aurrera haren edukiak entzungai.
Euskaraz ataria EITBn
Hilabetea probetan egin ostean, atzo iragarri zen ofizialki EITB.com-en euskaraz ataria. Aurreko albistetik hona berri gutxi. Edukiak funtsean:
- Euskara ikasi atala. Ikasten.net ikastarora bidali baino ez gaitu egiten
- Pastoralen bilduma. ETBk emandakoak, eta zubererari buruzko argibide batzuk.
- Albistegia. EITB-k euskararen inguruan zabaldu dituen albisteen zerrenda.
- HIKEA aplikazioa. Interesgarriena ematen du printzipioz, aukera ematen du kontsulta desberdinak egiteko: hiztegietan, esapideetan, pastoralen hiztegietan eta (interesgarriena eta baliagarriena nire ustez) hedabideetako hizkuntz-gomendioetan.
Sortu zeure hitz-jolasak
Enric Serrak ProProfs webgunearen berri eman digu bere blogean. Modan dauden brain games edo buru-jolasak egin eta sortzeko tokia da. Jolas horien artean hitz-jolasak ere badaude: hitz-gurutzatuak, letra-zopak, urkatuarena... Ingelesez dago, baina nahi duzun hizkuntzan sor ditzakezu zeureak, eta gainera nahi duzun lekuan "enbotatzeko" kodea ere ematen du.
Adibide modura, hemen duzue letra-zopa bat, irakurtzen ari nintzen dokumentu honetatik (pdf) atera ditudan 8 hitz daude hor:
Domeka hotz batean etxeko epelean entretenitzeko modua, eta klasean entretenimendua emateko modua ere bai, ezta?
Euskara, eguneko hizkuntza
Forvo hizkuntza desberdinetako hitzak nola ahoskatzen diren erakusten duen zerbitzua da, erabiltzaileen laguntza dute horretarako. Hitz bat bidali eta edozein erabiltzailek grabazio baten bidez erakuts dezake ahoskera. Aspaldian aipatu genuen hemen.
Hizkuntza askotako laginak ditugu han, eta badirudi egunero hizkuntza bat ekartzen dutela azalera, gaur euskararen eguna izan da.
Euskara ikasten hasteko gida blog batean
INFESTz izeneko blog batean aurkitu dugu euskara ikasten hasteko kurtso-gida moduko honi ekin dio, gaztelaniaz. Euskararen oinarrizko deskribapen formala da, gramatika, morfologia, sintaxia eta halakoak, blogariak 40 orduko ikataro batean jasotako oharretan batutakoak, galizieraz jasotako ikastaroa gainera.
Blogariaren hitz hauek hasieran, ez dira ohikoak izaten EHtik hego-ipar-ekialde-mendebalderantz (azpimarra nirea):
El euskera es uno de esos idiomas del que poco conocemos y que pertenece a nuestras tierras. Pero debido a la división autonómica de nuestro país, solo se enseña en aquellas en las que se practica el idioma. Soy de la opinión de que deberíamos aprender todas las lenguas oficiales del territorio nacional. No soy nacionalista de ningún tipo ni siento que pertenezca a España, pero ya que por ley vivimos todos en el mismo país, lo mínimo que podríamos hacer es aprender el idioma oficial de aquellas regiones que lo tienen para comprendernos unos a otros a otro nivel.
"Euskaraz" EITBren atari berria
Atari berria iragarri dute EITBkoek, euskararen ingurukoa. Euskara ikastaroa eta kontsultak egiteko aukerak iragarri dituzte besteak beste.
Momentuz ez dago eduki askorik eta martxan ari denik ere ezin ziurtatu. Euskararen Nazioarteko Egunean su artifiziala zer den eta zer ez den kostako da bereiztea.
e-PEL: hizkuntz portfolio elektronikoa
Europako Hizkuntzen Portfolioaren bertsio elektroniko hau aurkeztu du APEEk.
Fernando Trujillok egin du erreseina: Llega el e-PEL
- « lehenengoa
- ‹ aurrekoa
- …
- 2
- 3
- 4
- 5
- 6
- 7
- 8
- 9
- 10
- …
- hurrengoa ›
- azkena »
Azken iruzkinak