testuak

03
Mai
2011
10:39

Eztena.org beldurrezko eta fantasiazko literatura euskaraz

@xme64ren tweet batek eraman gaitu hona. Asier Mendoza idazleak sortu duen webgune honetan euskaraz beldurrezko zein fantasiazko idazkiak biltzea eta jasotzea da asmoa.  Formatu ezberdinetan irakur daitezke, webgunean bertan eta pdf-n, testuak baloratu ere egin daitezke.

1
Batez bestekoa: 1 (1 vote)
Zure balorazioa: Bat ere ez
17
Uzt
2010
17:22

Nola idatzi Interneten?

Ez idatzi Internet papera balitz bezala, edo ez idatzi papererako gauzarik, ez formatuaren aldetik (ez egin kartelik Interneterako, ez idatzi Wordik), ezta idazkeraren aldetik ere (ez idatzi fax itxurako prentsa-oharrik). Idatzi informazioa, testu-editore lau batekin; eta horren bertsioak egin gero, bat papererako (behar baldin bada), bestea sarerako.

— Luistxo Fernandez

Nola idatzi Interneterako (CodeSyntax). UEUn emandako ikastaro baten materiala.

Sustatun ere informazioa daukazue.

0
Bozkarik ez oraindik
Zure balorazioa: Bat ere ez
15
Urt
2010
12:58

Zuzentzailearen begia

Bi pertsonaren begien mogimenduak jarraitu dituzte testu bat zuzentzen ari direla, bata zuzentzaile profesionala, bestea komunikazioan aditua. Begien bidea jaso eta konparatu egin dute.

Nire frantsesak ez du askorako ematen, baina irudiek soilik asko esaten dutela iruditu zait.

Filoblogiaren loturetan ikusita Addenda & Corrigenda blogean topatu dugu erreferentzia.

5
Batez bestekoa: 5 (4 bozka)
Zure balorazioa: Bat ere ez
15
Abe
2009
16:38

Testuen bideo-zuzenketa

Beak, kontinentean dugun kontaktuak Wink, jarri gaitu jakitun. Frantziako telebista-albistegi honetan testuak eta azterketak bideoaren bidez zuzentzen dituen hizkuntza-irakasle ingeles baten berri eman dute. Russell Stannan du izen-abizen eta webgune. Eta zer egiten du Russell honek? Erraza:

  1. Ikaslearen testua testu prozesadore batez zabaldu ordenagailuan.
  2. Screencast edo pantailan geratzen dena bideoan grabatzeko programa bat (Camtasia kasu honetan) martxan jarri.
  3. Zuzenketa egin eta komentatu, mikrofonoa ere zabalik dagoela
  4. Amaitu ondoren, bideoa gorde eta ikasleari bidali

Betiko zuzenketa da, baina formatu berri honetan ikasleak pozik dabiltzala dio Stannanek. Proba egin beharko litzateke. Stannanek dio irakasleari ez dakarkiola ahalegin estrarik gainera. Hala den konprobatzen inor animatuko?

Baten bat ezagutzen dut zuzenketaren tortura arintzearren gustura probatuko lukeena.Tongue out

Hemen daukazue lagin bat.

5
Batez bestekoa: 5 (3 bozka)
Zure balorazioa: Bat ere ez
10
Aza
2009
19:34

Sarean irakurtzen trebatzeko aktibitateak

Felipe Zayasek sareko testuekin ohitu eta haiek irakurtzen trebatzeko aktibiate zerrenda bat egin du. Geurera ekartzeko ideia politak izan daitezkeela begitandu zait.

5
Batez bestekoa: 5 (2 bozka)
Zure balorazioa: Bat ere ez
15
Ira
2009
18:19

Irakurgarritasuna, irakurterraztasuna, irakurgaitasuna...

“La lecturabilidad se puede definir como la facilidad que ofrecen los textos escritos para ser comprendidos sin necesidad de realizar grandes esfuerzos.”

— Rosana Larraz (Cuaderno Intercultural)

Ez dakit "lecturabilidad" horren itzulpen akademiko eta ekumenikoa topatu ote dudan, edozelan ere, interesgarria kontzeptua eta Rosanaren artikulua: Lecturabilidad y legibilidad, dos aliadas de la comprensión lectora

4.6
Batez bestekoa: 4.6 (5 bozka)
Zure balorazioa: Bat ere ez
14
Ira
2009
12:27

Bloga: diskurtso generoa

José Ramón bere blogean mezu sorta batean blog-mezuaren ezaugarriak ari da garatzen, testu-genero bezala deskribatzen alegia.

Orain arte publikatutakoak:

4.5
Batez bestekoa: 4.5 (2 bozka)
Zure balorazioa: Bat ere ez
04
Ira
2009
08:52

Periodikua leitzeko erak

Cada formato, en mi caso, me pide un tipo de lectura diferente. La prensa digital me provoca una lectura multimodal que me lleva a participar en las redes sociales difundiendo alguna noticia o con una idea sobre algún tema. La prensa en papel suele ser para mí una lectura más reposada, a la que dedico un tiempo más sereno - sin la prisa de comenzar el trabajo - y más centrado en la reflexión o incluso la introspección. Son prácticas discursivas distintas en las cuales adopto roles diferentes y procedimientos y actitudes de lectura - y de escritura - diferentes.

— Fernando Trujillo

Prentsa digitala eta paperezkoaren arteko aldea euskarritik harago doala erakutsi digu Trujillok artikulu honetan. Irakaskuntzari begira ere halaxe ikusi beharko genuke orduan.

Leer la prensa (De estranjis)

5
Batez bestekoa: 5 (6 bozka)
Zure balorazioa: Bat ere ez
01
Eka
2009
17:24

Irakurketa dialogikoa

Patxo Landak, trebetasunen lanketan oreka eta eraginkortasuna lortzearren, bide honen aldeko apustua aldarrikatu du Tres Tizasen.

5
Batez bestekoa: 5 (1 vote)
Zure balorazioa: Bat ere ez
20
Mai
2009
16:38

Zuzenbideko hiztegiak eta lege testuak

Deustuko Unibertsitateko Euskal Gaien Institutuak sarean jarri ditu zuzenbideko hiztegiak eta lege-testuak ele bitan. Horren kontsultarik ez dezazuela sarri egin behar, baina ondo dago eskura izatea.

Euskarabidearen bidez.

0
Bozkarik ez oraindik
Zure balorazioa: Bat ere ez
16
Mai
2009
13:38

Flexbook: testu-liburuak elkarlanean sortzeko tresna

Hezkuntzarako eduki irekiak sortzen eta lantzen lagundu nahi du zerbitzu honek. Testu-liburuak, edo hezkuntz-testuak askoren artean sortu, landu, osatu eta eguneratu daitezke. Sarean ikusi edo inprimatzeko aukera ere ematen du.

Via Cuaderno Intercultural

4
Batez bestekoa: 4 (1 vote)
Zure balorazioa: Bat ere ez
23
Api
2009
11:57

Ikea aktibitateak

Termino deigarria aurkeztu digu Lola Torresek Nodos Elen: Ikea aktibitatea. Honela definitu du:

El término actividad Ikea hace referencia a todas aquellas actividades pre-fabricadas, que encontramos en la mayoría de los libros que utilizamos en clase. Actividades que son hechas por y para el profesor y normalmente no tienen en cuenta ni al aprendiente ni el momento presente...

2.0 etiketaz eta materialaz ari dira gehiago Nodos Elekoak, baina Testu libururik gabeko eguna  ere ospatzen ari dela...

4
Batez bestekoa: 4 (1 vote)
Zure balorazioa: Bat ere ez
20
Mar
2009
12:02

Tucent: komentatu testuko pasarteak

Internetek testu idatziei ekarri dien gauzetako bat irakurleak testua komentatzeko edo osatzeko aukera izan da. Blogen osagai ezinbestekoa dira iruzkinak esate baterako. Hala ere, iruzkinak eta erantzunak egiteko aukera testuaren ostean izaten dugu normalean, eta pasarte edo hitz zehatz bati erreferentzia egin nahi badiogu ere, beheko zerrenda horretan egin behar zaio ezinbestean.

Hizkuntzen ikas-irakaskuntzan hala ere, hainbat zer eginetarako interesgarria izan daiteke testuaren erdian, haren pasarteetan iruzkinak gehitu ahal izatea: zuzenketak, erantzunak, iradokizuna.... Tucent zerbitzuak geure blog, wiki edo webguneetan hori egiteko aukera ematen digu.

Tucent-en kontua egin eta nahi dugun testuarentzat foroa sortuko dugu. Foro horrek kode txiki bat emango digu testua dugun orrian txertatu eta gure irakurleek aukera izango dute nahi duen pasartean iruzkina txertatzeko. Iruzkin horiek orrian bertan edo Tucent-en sortu dugun foroan ikusi ahal izango ditugu.

Probako orri bat sortu dut ikusi eta proba egin dezazuen: Tucent: proba.

Zer hobetu asko dauka Tucent honek, baina interesgarria eta erabilgarria iruditu zait iruzkinak egiteko eta erakusteko bide hori. Zer deritzozue?

Wwwhat's New-ren bidez.

4.75
Batez bestekoa: 4.8 (4 bozka)
Zure balorazioa: Bat ere ez
18
Mar
2009
11:47

LangoLab: hizkuntzak ikasteko bideoak eta testuak

Interneten beste zerbitzu bat hizkuntzak ikasteko. LangoLab honek Youtube-tik hartutako bideoklip batzuei transkripzioa gehitu eta azpititulu modura jartzen du. Horrekin batera aukera ematen digu transkripzioko hitz batean klikatuta leihotxo batean haren esanahia kontsultatzeko, edo oharrrak eta galderak egiteko hitz horren inguruan.

Bideoez gain testu idatziak ere eskaintzen ditu irakurgai modura, eta blog batzuk ere badaude. Guztietan ematen du aukera hitzen esanahia kontsultatu eta oharrak eta galderak egiteko. Azken batean Aizu! eta HABE aldizkarietan adibidez ikasleari irakurtzen laguntzeko erabiltzen denaren antzeko sistema (alboko hiztegitxoa) ekarri du internetera  LangoLab honek, garatuago eta osoagoa.

Hitz gehienetan oraindik  ez dugu definiziorik aurkituko hala ere, hiztegiekin arazoak dituztela ematen du. Dena dela, hitzen adierak aurkitu eta iruzkinak egiteko leihotxo hori oso interesgarria iruditu zait, horretarako eta beste gauza batzuetarako, ikaslearen idazkietan iruzkinak egiteko adibidez.

Wwwhat's New-n ikusia.

4.333335
Batez bestekoa: 4.3 (3 bozka)
Zure balorazioa: Bat ere ez
05
Mar
2009
13:41

Klaserako testu baten bilakaera historikoa

Patxo Landak Tres Tizasen klasean urteetan erabili duen testu baten historia egin digu: fotokopiatik blogera, walkmanetik mp4ra, beti ere testuaren hezurdura errespetatuta. Pentsatu dut bat baino gehiago ibiliko dela oraindik duela 10 urtetik gora duen fotokopia behin eta berriro erreproduzitzen. Ala ez?

5
Batez bestekoa: 5 (2 bozka)
Zure balorazioa: Bat ere ez
Sindikatu edukia