Azkue Fundazioak merkataritzarako baliabideak jarri ditu bere gunean: hiztegia, kartelak egiteko ereduak eta txantiloiak, lanerako idazkiak eta Bizkaiko udaletako euskara zerbitzuen direktorioa.

Flash diseinu polita ipini diote orriari, baina nabigazioa horren barruan egiten da eta ez dago atal bakoitzaren lotura eskuratzerik.

Txerrari esker blog honen berri izan dugu. Dirudienez 4. mailan diharduen norbaitek egiten du. Klaseko saioak eta beste hainbat eduki plazaratzen dabil ikasturte honen hasieratik.

Educacion tecnologica blogean aurkitu dugu atari honen berri. Intermon Oxfamerakundeak sustatutako baliabideen bilatzaile eta biltegia izateko asmoa du, hezkuntzari begira gehien bat: "maila guztietako irakasle eta herritarrei, oro har, ikasgelan zein ikastegian, beren burua prestatzeko baliabideak eta proposamenak eskaintzea da, batzuek eta besteek beren hezkuntza-praktikan herritargo globala lortzeko hezkuntza landu eta txertatzeko aukera izan dezaten."

Euskaraz ere kontsultatu daiteke, gure hizkuntzan eduki askorik ez dut aurkitu oraingoz hala ere.

Sustatun Maite Goñiren mezu baten harira euskaraz irainak ezagutu, topatu eta sortzeko baliabideen zerrendatxoa egiten ari da.

Blogge@ando-n hizkuntzen trataera integratuaren markoan osasunaren gaia jorratzen duen blog sorta baten berri eman digute. Haien artean euskarazko hau.

Getxoko Berritzeguneko irakasle batzuek prestatuta, ataza edo jarduera interesgarri batzuk proposatzen ditu.

Lehengo maiatzaren 14an Iñaki Muruak Zer eskaini diezaioke HABEk hezkuntza munduari? hitzaldia eman zuen Getxolinguae jardunaldietan. Bideoan grabatu eta sarean jarri da.

Getxolinguae-ren blogeko bi mezu hauetan dauzkazue laburpena bestela:

• HABE Interneten
• HABE liburutegia

EcLEcTIC blogean gaztelaniaren irakasleentzat (ELE) interneten aurki daitezkeen atarien eta baliabide bankuen bilduma egin duen Redele aldizkariko artikulu baten erreferentzia eta laburpena egin dute. Hau da artikulua: Actualización de los recursos del docente de ELE en Internet (PDF. Egilea: Antoni Nomdedeu Rull).

Bide batez, aldizkariaren zenbaki berean beste artikulu hau daukagu: La adquisición de la competencia literaria: explotación didáctica de un cuento de Bernardo Atxaga. Transposizioak egiten hasi nahi badu baten batek...

Donostiako Udalak merkatari.net webgunean merkataritza sektore batzuetarako baliabideak sortu, banatu eta eskura jarri ditu. Lau sektorerako hitz erabilien zerrendak eta kartelak hain zuzen ere:

Hitz zerrendak

• Janari dendetako hitz zerrenda
• Taberna eta jatetxetako hitz zerrenda
• Jantzi eta osagarrietako hitzen zerrenda
• Errotulaziorako lexikoa

Kartelak

• Harategietako hitz zerrenda
• Arrandegietako hitz zerrenda 
• Janari dendetako hitz zerrenda
• Taberna eta kafetegietako hitz zerrenda

Erabili.com-en bidez: Proba egin euskaraz! (kartelen pdf fitxategiak dituzue berta

EHUren euskara errektoreordetzak atzo aipatu genuen EHUTSIz gainera tresna gehiago ere eskaintzen dizkigu. EHULKU zerbitzu honetan testu zuzenketen bildumak eta euskara zuzen erabiltzeko aholkuak eskaintzen dizkigute besteak beste.

Zuen lana ilustratzeko, zerbait azaltzeko edo istorioak egiteko ondo etortzen dira komiki batzuk. Egitea ez da pentsatzen den bezain zaila. Pixton aplikazio hau erabilita adibidez. Ikusi bideo hau bestela:

Via Wwwhat's New.

"Gurasoen premiak asetzeko webgunea", hala aurkeztu da Goienak eta Txatxilipurdi elkarteak euskararen transmsioan eragiteko sortu duten webgunea.

Gurasoen intereseko gaiak eta baliabideak eskaintzea dute asmoa. Helduen euskalduntzearen motorretako bat gurasoen premiak eta ilusioak izan dira hasieratik, beraz, baliabide interesgarria dugu hor duda barik. 

Sustaturen bidez.

Ez da berria Sclipo hau -Atoan baino zaharragoa behintzat bada- baina orain arte aipatu gabe eduki dugun arren, merezi du osteratxo bat egitea.

Ikaskuntza sozialaren iraultza hartu dute slogan, eta horretarako hainbat aukera eskaintzen ditu. Nabarmenena gauzak egiten ikasten laguntzeko bideo-zerbitzua da. Erabiltzaileek euren bideoak erakusteko aukera dute horrela, hainbat eta hainbat daude edozertariko gaietakoak, hizkuntzak barne. Supermerkatuan txineraz ibiltzen lagunduko digun hau bezala.

Bideoez gainera, ikastaroak antolatzeko (eta kobratzeko) aukera dugu, norberaren "academy" montatu daiteke. Dokumentu biltegiak eta zuzeneko klaseak ere ditugu aukeran.

Gurekin lotutako gauza gutxi, hau ez bada.

Zerbitzu interesgarria, erabiltzeko ez bada ere, ideiak eta baliabideak hartzeko behintzat baliagarria izan daiteke.

UEUren udaberriko ikastaroen artean lehengoan aipatu genuen tailerraz gain hau ere interesgarria izan daiteke, irakasle-jardunean konputagailuak eta sarea gehiago erabiltzera jotzen dugun honetan.

Ikastolen konfederazioak eta AEK-k eskoletarako unitate didaktikoa egin dute Korrika gai hartuta. Eskoletara CDetan banatuko da, eta laster Korrikaren webgunean egongo da eskuragai.