Ikerketa egin dute Nimegako (Herbehereak) Radboud Unibertsitateak eta Max Planck psikolinguistika institutuak. Bertako ikasle batzuei bideo batzuk ipini dizkiete, batzuetan ingelesezko azpititulukein, besteetan euren ama hizkuntzan (neerlandera). Ondorioen artean, bigarren hizkuntzako azpitituluek ulermena garatzen ama-hizkuntzakoek baino gehiago laguntzen dutela dirudi. Bestalde, aldaera dialektalak ezagutzen eta ulertzen ere lagungarriagoak bide dira.

Interesgarria, eta logikoa ere badirudi. Hala ere, Europa Press-eko albistearen titularra gehiegizkoa iruditu zait. Gehiago lagundu dute bigarren hizkuntzakoek, baina ama-hizkuntzako titularrek ere zerbait ikasten lagunduko dute, ezta? ikasprozesuaren beste une batean, beste trebetasun batean edo bestelako edukiren bat akaso.

Via: Menéame.

Tres Tizaseko Carlos Díezek ahozkoaren ulermena ebaluatzeko gaztelaniazko ariketen bilduma egiten dabil Comprensión oral wikian. Sarean aurkitu dituen bideoak eta Hot Potatoes erabili du.

Berak aitortu duen bezala, ez dira oso aurrerakoiak ikuspegi didaktikotik, baina era guztietako probak egin ditu eta seguru ideia falta ibiltzen garen trebetasun honetarako zerbait ekarri ahal digula.

Athletic-eko futbolariek euskara erabiltzen dute zelaian. Ez da Ibaiganeren euskara planaren ondorioa, ez, Caparros entrenatzaile andaluziarrak sustatutako estrategia baino.

Euskarak ez daukala balio praktikorik diote batzuek. Athletic-en emaitzek frogatuko dute hala den ala ez.

El Paisen agertu da albistea, eta hau azken ondorioa:

Según los investigadores, la capacidad individual para distinguir los fonemas específicos del habla, tanto en el caso de la propia lengua como de otras, es un factor decisivo en el aprendizaje y capacidad para hablar y dominar otros idiomas.

Del.icio.us-en eta Rikardoren bidez.