web
Web aplikazio erabilienen artean hizkuntzak ikastekoak
Via Dreig AppApeal gunearen berri izan dut. Munduan gehien erabiltzen diren web aplikazioen mapak egiten dituzte kategorietan banatuta.
Eta hezkuntzarako aplikazioen artean datu deigarri bat, leku askotan hizkuntzak ikasteko zerbitzuak dira erabilienak. Adibidez, LiveMocha Hegoamerikan, Babbel Alemanian edo Busuu Espainian.
Automailaketa buruntzaldeko webgunean eta gauza gehiago ere bai
Seguraski jakin duen azkena izan naiz, baina bihoa hor automailaketaren albistea, Sustaturen bidez zabaldu dena.
Aurrekoan eman genuen Buruntzaldea euskaraz webgunearen berri hala ere, eta apurka-apurka hornitzen joan dela dirudi. Automailaketa horrekin batera, beste gauza interesgarri bat ere topatu dugu han, eskualdeko euskaltegien eskaintzaren eta leku librearen azalpen grafikoa web-ean.
Ez dakit ematen duen informazioa noraino den zehatza eta eguneratua, baina deigarria egin zait horretan euskara zerbitzuak aintzindari izatea, eta ez euskaltegiak eurak. A! Bai, 40.000 horiek analfabeto digitalak dira.
Langid: hizkuntzak identifikatu
Enric Serrak testu idatziak zein hizkuntzatakoak diren identifikatzen laguntzen digun web honen berri eman digu. Funtzionamendua erraza: testua sartu eta "identify it" sakatu.
Ez du beti asmatzen, baina "eongo gatxik" sartu eta "your text is basque" esan dit bandera frankoespainiar batekin. "Hori dok ba" sartu eta "your text is slovak" esan dit baina, eta "hori dek ba" "vietnamese" eta "hori den ba" alemana omen...
Apur baterako entretenimendua behintzat eduki dut
Buruntzaldea euskaraz: webgune berritua
Informazio, baliabide eta zerbitzu interesgarriak. Baita euskara ikasten dutenentzat ere.
Sustaturen bidez.
Berrikuntzak Elebilan
Urtebetetxo bete du Elebilak eta hazi egin da, potxolo-potxolo. Zorionak!
Inoiz baino erabiltzaile gehiago Ikasbilen
Ikasbileren erabilera asteotan inoizko altuena izan dela dirudi. Arrazoia? Ni bat ari naiz barruntatzen. Eta zuek?
Marraztu hizkuntzak
Etxeko txikientzat, ama-hizkuntzaren egunaren karietara Katalunian webgune dotore eta diberigarri hau egin dute.
Aulkia ez dakit zenbat hizkuntzatan marraztu dudan honez gero
.
Bideoak partekatzeko sarea nola antolatu (ingelesez)
Funnymonkey-tik erakunde edo eskola batean, web zerbitzaria edukiz gero, bideoak partekatzeko sistema antolatzeko gida tekniko sinplea.
Antolatzea ez da hain sinplea baina!
Bilatu
Harpidetu
Azken iruzkinak