Hizkuntza estandarrari dagokionez, beharrezkoa da gure gaurko gizartean, eta dudarik gabe, Euskal Herrian ere bai. Baina horrek ez du esan nahi euskalkiak edo gure hizkerak gutxietsi behar ditugunik. Alderantziz, euskara bizia da, hizkerak eta euskalkiak baitaude.
Elkarrizketa Argian: "Hizkuntzalaritzak lagundu dit aurreiritziak
gainditzen"
Atlas oral geurera ekartzeko moduko projektua iruditu zait. Kontua zera da: mapa batean kokatzea hizkuntza batek ahozko ekoizpenean dituen aldaerak. Modu kolaboratiboan, bakoitzak berea igota mapa osatuz.
Projektu polita, ea euskararekin ere egin ahal den.
zergatik ez osatu “Iparraldeko Hiztegi Ttipi” bat, glosario labur bat ohiko hiztegietan aurkitzen ez diren Iparraldeko hitz horiekin, eta albistari honetan edo Interneteko beste edozein plazatan zabaldu? Ez du zertan paperezko edizioa izan, ezta gauza dotore eta ponpoxoa ere. Nik behinik-behin eskertuko nuke. Nor animatzen da?
Zuzeu-n bota du proposamena: Alaina
@EIBZ Twitter kontuan irakurri dugu "Freskatzekoen lanak sarean". Ez dakit ondo-ondo zer freskura klase dabilen han, baina link-ean sakatu eta euskalkien laginen inguruan egindako ikasunitate interesgarri batzuk aurkitu daitezke bertan.
Via @jolaus heldu zaigu web-ikastaro honen berri. Kurtso laburra da, oinarrizko gramatika eta hiztegi zerrendak gehien bat. Zubereraz, frantsesez, gaztelaniaz eta ingelesez ditugu testuak. Loturen zerrenda eta mini-hiztegia ere baditugu.
Zuberoako euskararen gaineko (azaleko) ikuspegia nahi duenarentzat baliagarria.
Horrenbestez, aberasgarria al da euskarak hainbeste euskalki izatea? Poztu egin behar al dugu horregatik? Koldoren ustez, ez! Hizkuntza normalek ez dute horrenbeste dialekto eta hori bera da normaltasunaren seinale.
Mondragon Unibertsitateko Euskal Kulturgintzaren transmisioa (EKT) graduondoko ikastaroaren blogean Koldo Zuazok bertan eman zuen hitzaldiaren harira: Euskalkiak: minorizazioaren altxorrak?
Angel Lertxundik aspaldian argitaratu zuen Letrak kalekantoitik liburuari jarraipena eman nahi izan dio Hitz beste blogean "Letrak sare-kantoitik" izeneko artikulu sortarekin. Liburuan bezala, oraingoan ere Anduk irakurri eta entzuten dituen esamolde eta hitzei buruzko eta haien ondorengo gogoetak eta bitxikeriak eskainiko dizkigu. Oso interesgarria euskara ezagutzen eta ikasten dabiltzanentzat, besteak beste.
Hemen behean, Yahoo Pipes erabilita, atal horretan plazaratu dituen azkenengo mezuen zerrenda ikusi ahal duzue:
Azken urteotan obsesionatu egin gara euskara batua aurrera ateratzeko nahi horrekin, eta ez ditugu bereizi eremu euskaldunak eta eremu erdaldunak. Berdin jokatu dugu Tuteran edo Leitzan. Horretan aldakuntza bat egin behar dugu.
Pentsaezina da Gasteizen, Bilbon edo Santurtzin euskalkia erakustea. Hor euskara batutik abiatu behar da. Baina batua ez da zertan berdina izan Baionan eta Bilbon. Baionan euskara ikasi nahi duen herritar bati Lapurdin eta Nafarroa Beherean egiten den euskara irakastea da logikoena; eta Santurtziko pertsona bati Bizkaialdeko egitura eta joerak. Bizkaiko gau eskola batean deus edo igorri esateak ez dauka zentzurik.
Hizkuntza bat aurrera atera nahi badugu, osotasunean egin behar dugu. Eta erregistroek osatzen dute. Hizkuntza bada euskara batua, baina baita beste erregistro guztiak ere.
"Euskalkiak. Euskararen dialektoak" Koldo Zuazoren liburu berria da. Elkar argitaletxeak liburua promozionatzeko gunea atondu du, eta bertan euskalkien mapa hau eskuratu daiteke.
Sustaturen bidez.
1960-70 aldera eten nabarmena gertatu zen euskararen ibilbidean. Ikastola, gau-eskolak eta euskara batua sortu ziren eta harrezkero ikaragarri aldatu da euskara
Azken iruzkinak
Duela 8 ordu 16 min
Duela Egun 1 3 min
Duela Egun 1 30 min
Duela Egun 1 32 min
Duela Egun 1 32 min
Duela Egun 1 32 min
Duela Egun 1 33 min
Duela Egun 1 33 min
Duela Egun 1 35 min
Duela Egun 1 11 ordu