normalizazioa
Udaltop: udaletako euskara zerbitzuen topaketak
Maiatzean egingo dira topaketa hauek. Programak interegarria ematen du.
Euskara Gipuzkoan-en bidez: UDALTOP: udaletako euskara zerbitzuen topaketak
Bi hizkuntza, bi azterketa
Administrazioan lanean hasten diren langile guztien hizkuntza-ezagutza bermatu beharra dago; horretarako, euskarazko eta gaztelaniazko azterketak, bi, gainditu beharko lituzkete hautagaiek.
Martinezena blogean zabaldu dizkigute apunteak: Erabilera-planak herri administrazioetan. Nire apunteak (V)
Hizkuntza-berdintasuna saltzea
Gurea, hizkuntza-berdintasunaren aldeko lana azken batean, aletxo bat besterik ez da, eta herritar gehienei edo bost axola zaie edo matraka hutsa iruditzen zaie. Konstatazio horretatik hasi beharko genuke etxe hau eraikitzen.
Euskara21 Batzordearen azken txostenaren (pdf) harira egin du balorazioa Rezolak: Euskara 21 batzordearen azken txostena
Euskalkiak aberasgarri?
Horrenbestez, aberasgarria al da euskarak hainbeste euskalki izatea? Poztu egin behar al dugu horregatik? Koldoren ustez, ez! Hizkuntza normalek ez dute horrenbeste dialekto eta hori bera da normaltasunaren seinale.
Mondragon Unibertsitateko Euskal Kulturgintzaren transmisioa (EKT) graduondoko ikastaroaren blogean Koldo Zuazok bertan eman zuen hitzaldiaren harira: Euskalkiak: minorizazioaren altxorrak?
...eta zelan egiten da? (bis)
Horrelako ideietan oinarritzen da Eusko Jaurlaritzak proposatzen digun politika linguistikoa, 21 Euskara, XX. mende hasierako hizkuntza politikaren oinarriak delako txostenaren arabera. Gainerako erakundeetatik ere, antzeko mezuak heltzen zaizkigu: euskarazko kultur produktu erakargarriak ekoiztea omen da euskarak irauteko eta suspertzeko estrategiaren zutabe nagusietako bat, printzipala ez bada. Produktu bat erakargarri zerk egiten duen inork argitzen ez badigu ere.
Euskararen metafisika (Berria).
Argia.com-en bidez.
Euskara planak herri administrazioetan: jardunaldietako materialak
Lehengo astean Bilbon egin ziren jardunaldietako aurkezpenak eta materialak eskuragai. Hauek iruditu zaizkit interesgarriak:
-
Nola ekin langileen azterketa komunikatiboari (pdf. 168 Kb)- Jose Mari Arakama, HPSko normalkuntza-teknikaria
-
Administrazioko norbanakoen hizkuntza-prestakuntza eta trebakuntza (pdf. 188 Kb)- Juan Isasi Urdangarin, IVAPeko euskarako zuzendariordea
Euskara21, hamalau ildo adostuta
Euskara21 eztabaida prozesuaren lehenengo emaitza zabaldu da. Lehentasunezko 14 ildo adostu dira (azpimarrak nireak):
- Euskararen ezagupena eta erabilera belaunaldi berrietan bermatzea.
- Euskara ohiko hizkuntza izango duten arnasgune eta funtzioak zaindu, indartu eta hedatzea, euskararen belaunez belauneko transmisioa bermatzeko eta erreferentzialtasun soziala indartzeko. Azken batean, helburua ez baita euskararen ezagutza zabaltzea, besterik gabe, baizik eta euskal hiztunak sortzea.
- Familia-transmisioa bermatzea, oso bereziki 25 urte barru izango diren 30 urtez azpiko gazte elebidunek euskara ere izan dezaten etxeko hizkuntza. Hauxe dugu etorkizunaren gako nagusia.
- Euskal hiztunen erkidegoa trinkotzea, euskararen erabilerarako sare operatibo presentzialak zein birtualak hedatuz eta indartuz.
- Hiri handietan euskara erabiltzeko aukerak areagotzea, familia euskaldunei, gazteei eta haurrei lehentasuna emanez.
- Elebitasun pasiboa helduen munduan -eta gutxieneko helburutzat- areagotzea eta prestigiatzea.
- Euskarazko kultura kontsumoa indartzea, euskal kultura industria, ekoizle eta sortzaileekiko ikuspegi emantzipatzaile batetik.
- Euskara eta haren munduak etorkinengana hurbiltzea, hauen integrazio zabala eta aberatsa ahalbidetzeko eta euskara erabilera-eremu demografikoki dinamikoetara hurbiltzeko xedez.
- Euskaraz komunikatzeko estandarrak malgutzea eta aberastea, hiztun berrien adierazkortasunaren mesedetan. Zuzentasunaren irizpide bakarretik komunikagarritasunarenera eta adierazkortasunarenera igarotzea.
- Hizkuntza eskubideak eremu publikoan aitortu ez ezik errespetatzeko bidean, euskara erabiltzeko aukerak bermatzea.
- Euskararen erakargarritasuna lantzea eta era egokian proiektatzea: euskarak mundu ugari ditu bere barnean, eta euskarara datozenen munduentzako tokirik ere badu bere barnean. Proiektatzen dugun baino anizkoitzagoa da euskararen unibertsoa, eta are anizkoitzagoa egin beharra dugu, gizartearen pare anizkoitza izatera iritsiko bada.
- Euskararen irudiari prestigioa ematea, kultura eta komunikazioaren alorreko lorpenak garbi proiektatuz, batetik, eta, bestetik, euskal gizartearen kohesiorako osagai ezinbestekoa dela praktikan eta diskurtso publikoan adieraziz.
- Hizkuntzaren teknologiak (informazio eta komunikazioaren teknologiak euskararen garapenerako baliatzea), sarerako euskarazko edukiak sortzea eta komunikaziorako sare birtualak era egokian baliatzea, euskararen normalkuntza eta erabilera aukeren mesedetan. Izan ere, euskara informazio eta komunikazioaren teknologiez baliatzen den hizkuntza izatea ezinbesteko baldintza baita hizkuntza garatua izango bada.
- Hizkuntza politikaren inguruko akordiorik zabalena etengabe elikatu eta sendotzea, euskararen biziberritzea eta kohesio soziala estu lotuko dituen itun berritu baten bila.
Hemen Patxi Baztarrika Euskadi Irratian hamalaukoaz berbetan.
Zelan egiten da?
Euskadi Irratian Patxi Baztarrikari egindako elkarrizketa entzun ostean gogoeta egin du Txerrak. Nola lortzen den euskara prestigiatzea galdetu da, eta Txerrak zailena ez dela hori ohartarazi du: nola lortu gurasoek euskara transmititzea adibidez askoz konplexuagoa da asmatzen.
Paralelismo eta antzeko kasu ugari ikusten ditut. Zer da zailagoa: jendea euskaltegira ekartzea ala euskaltegian aurrera egitea? Taldeak egitea ala talde horietan ikaskuntza bideratzea? Makinak eskuratzea ala teknologiaren aplikazio didaktikoa lantzea? Irakasleak lortzea ala irakasle horien konpetentziak eta baliabideak ziurtatzea? ("eraketa" ala "didaktika" galdetu beharko ote dugu?). Agiriak eskuratu-ematea, ala euskara bizi den inguruneak lortzea?
Bikote gehiago okurritzen zaizkizue? Tabu-galderak ote dira horiek guztiak?Gakoari heltzeko zailtasunen aurrean ostrukarena egiten ote dugu?
Buruntzaldea euskaraz: webgune berritua
Informazio, baliabide eta zerbitzu interesgarriak. Baita euskara ikasten dutenentzat ere.
Sustaturen bidez.
Erabilera planak herri-administrazioetan jardunaldiak
Guri ematen duen baino gehiago interesatzen zaigula esango nuke.
Esku era jardunaldiak
Sormenak euskaral elkarteen jardunean zein euskaldunon komunitateak egituratzean duen papera mintzagai hartuta Topaguneak antolatu ditu jardunaldiok ostiral eta larunbat honetan.
Prestigioa eta zenbakiak
Hizkuntza bat prestigiotik egin beharrean zenbaki-estatistiketatik mantentzen bada bizirik, balioa galduko du konpetentzia kulturala librea den testuinguru batean.
El Paiseko artikulu honen harira dator iruzkina, eta gaztelania du mintzagai, gaztelaniak munduan ei duen prestigo urria hain zuzen ere.
Edonola ere, euskara bezalako hizkuntza "txiki" baten kasurako ondorio pare bat atera daitezkeela begitantzen zait. Akaso Fermin Etxegoienek eskatzen duen "estetika" haren ildotiko zerbait, edo beharbada itzulpen hutsa, errituala edo paisaia linguistikoaren apaingarria baino zerbait gehiago den hizkuntza; edo besterik gabe, esanahi bereziren bat jaulkitzen duen hizkuntza bezala ikusita.
Bide batez, hainbat lekutan kulturak bizi duen loralditik hasi da tiratzen Emilio, Ruper Ordorikaren aipu hau etorri zait gogora.
Gurea eta saldu beharrekoa
Euskara ez al da, bada, saldu beharreko eta erakargarria den gure produktua (barkatu, gure hizkuntza)?
Euskara XXI. mendean: ikusten den hizkuntza, entzuten dakiena (erabili.com). Euskara 21 oinarrizko txostenari egindako ekarpena.
Normalizazioa eta normatibitatea
La dificultad y hasta la muerte de una lengua puede proceder de que la normatividad se aleje tanto del uso cotidiano, que la lengua deja de ser instrumento que facilita la comunicación.
Meliáren bigarren aipamena gaur. Guarani hizkuntzaren ikertzailea dugu Meliá. Gogoeta interesgarriak dakarzkigu. Hau hemendik atera dugu: Usos y normas en el guaraní paraguayo (World Congress on language policies)
- « lehenengoa
- ‹ aurrekoa
- …
- 7
- 8
- 9
- 10
- 11
- 12
- 13
- 14
- 15
- …
- hurrengoa ›
- azkena »
Bilatu
Harpidetu
Azken iruzkinak