ikaskuntza
7,5 ohitura bizitza osoko ikaslea izateko
Joxe Aranzabalek Twitter-en luzatu digu gomendioa, Baltimoreko institutu batek sarean ipini duen ikastaro sorta hau hain zuzen ere. Ikastaro horien artean Becoming a Lifelong Learner (Bilaka zaitez bizitza osoko ikasle) izenekoan sartu eta aurkezpen bikain hau aurkitu dugu.
LLL eta horrelako gauzak interesatzen bazaizkizue, seguru nago ingelesa behintzat ikasiko duzuela. 
Moodle: hamar urte atzera
Aipatu nionean hori irakasletako bati esan zidan baietz, Moodle zurruna dela, baina segurua.
Joxe Aranzabalek Moodle probatu du lanean, eta hamar urte atzera egitea iruditu zaio: Moodle, amorragarria.
3 hilabete edozein hizkuntza ikasteko
Tim Ferriss autolaguntzako liburuen egileak proposatzen du bidea The 4-Horu Workweek best-seller-ean. Metodo miragarrien usaina dauka baieztapenak duda barik, baina Ferriss-en beraren esperientzia batzuetatik ateratako ondorioak eta hiru puntuotan oinarritutako bideak (efikazia, atxikimendua eta efizientzia), hausnarketxatxoren bat egiteko atxakia ematen duela uste dut.
Alvaro Gregoriren bidez heldu gara horra, eta Gregoriren hausnarketa ere kasu egitekoa iruditu zait: Aprender un idioma en 3 meses… ¿con elearning?
Montevideoko barnetegia
45 irakasle ari dira klaseak emateko prestatzen. Arreta eman dit pasarte honek:
Badago barnetegian emakume bat Mendozan klaseak ematen hasi zena. Euskara ikastea asko kostatzen zaio eta ikasleen artean oso azkarrak diren bi aurkitu zituen; haiek jarri zituen klaseak ematen. Hala, bera ikasle bihurtu zen
Duela gutxi 40 urte baino gehiagorekin euskara ikasten hasi zen batekin berbetan, hark honako zerbait kontatzen zuen: "Gehien ikasi nuen gutxiago zekitenei klaseak ematen hasi nintzenean".
Praktika eta elkarreragina
Try for interaction, not just language practice
(Saiatu elkarreragina bilatzen, ez hizkuntz-praktika hutsa)
Success with Foreign Languages: Seven who achieved it and what worked for them lanean irakurrita (165 orr.). Hemendik jaitsi dezakezu.
Konplexutasunaren harira
What if applied linguistics should be seeking to explain how language learners increase their participation in a second language community rather than, or in addition to, how they acquire the language community
Ez nago oso seguru, baina itzulpen hau irten zait (zuzenketak, ekarpenak eta erreietak jasoko ditut protesta egin barik):
Eta hizkuntzalaritza aplikatua hizkuntza-ikasleak hizkuntza (?) nola eskuratu baino (edo harekin batera) arduratuko balitz bigarren hizkuntza-komunitatean ikaslearen partaidetza nola hazten den?
Aipamena Nodos Elen aurkitu dut, Lola Torresek idatzi duen Sistemas complejos, aprendizaje de lenguas. What if… artikuluan. Eta berak Complex Systems and Applied Linguisticsliburuan aurkitu omen du.
Esan bezala, ez dakit itzulpen-interpretazio egokia egin dudan ala ez, baina ulertu-interpretatu dudana sinatu egingo nuke. Nola lortu ikasleak xede-hizkuntzaren komunikazio-jario / hizkuntz-komunitate / harreman sare / erabileran integratzea? Edozelan ere interesgarria ematen du sistema konplexuen ikuspegi horrek.
Ideia "handiak" ez ahaztu
It's time for us to start thinking through bigger ideas. Blogs are not new anymore. Neither is Voicethread or flickr or wikis. But what about curriculum design, [...]? What about questioning who gets to organize learning experiences and perform evaluation?[...] These are things that are more of a direct challenge to the way that education is more traditionally organized. These are the kinds of things that might manage to get us fired. When classrooms stop looking like classrooms and begin looking like something else, then we know we're on the move to something else.
Ideia "handiagoetan" pentsatzen hasteko sasoia da. Blogak ez dira hain berriak. Ezta Voicethread, Flickr edo wikiak ere. Baina zer gertatzen da curriculum diseinuarekin [...]? Eta zer ikaskuntza nork-nola antolatu eta ebaluazioa nork-nola egin? Hauek dira hezkuntzaren antolamendu tradizionalarentzako benetako erronka zuzenak. Hauek dira estimulatu behar gaituzten gogoetak. Ikasgelak gehiago ikasgela ez dirudienean eta beste zerbaiten itxura hartzen hasten denean, orduan zerbait gehiagoren atzetik gabiltzala konturatuko gara.
The Death of Big Ideas or: Who Wants to Get Fired? (Remote Access).
Teknozentrismoaz kezkatuta dirudi Fisher-ek, eta ikas-irakaskuntzaren benetako erronakak zeintzuk diren gogorarazi nahi izan du.
Via Funny Monkey.
Web2.0 tresnak ikas-irakaskuntzarako
¿Qué pasará con todas estas herramientas que están pensadas para un uso eminentemente lúdico y social?, ¿será la comunidad educativa capaz de crear un sentido para cada cosa cuando se inventó para una finalidad de alta profusión y la adaptamos a otra más restringida y altamente formalizada?
Calidad de la enseñanza 2.0 (pdf). RED aldizkarian argitaratuta.
Ikasgela eta ikasgela ez dena
La web 2.0 ha transformado Internet y la red va a ser (ya lo empieza a ser) la plataforma esencial para la organización del aprendizaje, dentro y fuera del aula. No tanto por que durante las sesiones en aula, profesor y estudiantes estén utilizando la web. Más bien porque existe un continuo entre lo que pasa en el aula y lo que sucede fuera y los medios sociales en particular, e Internet en general, son, y lo serán aún más, las herramientas de trabajo y comunicación esenciales.
Elkarrizketa honetatik harttuta. Via Nodos ELE.
Azpimarra nirea da.
steLLLa
Enric Serraren Aprendre llengües-en (blog hori aipatuaren aipatuaz gomendatu beharrik ere ez dago) beste albiste interesgarri bat aurkitu dugu. SteLLLa (Stimulation of eLearning for Life Long Learning for adults) egitasmoaren berri eman digu hain zuzen ere.
LifeLong learning gero eta gehiago entzuten den kontzeptua da (olerkiak ere egiten dizkiote batzuek). Euskaraz ez dakit inork orain arte itzulpenik eman dion, "etengabeko ikaskuntza bizitzan zehar" edo halako zerbait izan liteke, behin baino gehiagotan entzun/esan ditugun "beti ikasten da" edo "ikastea ez da inoiz amaitzen" aforismo kolokial horien buelta "serio" bat izan liteke kontzeptu hau.
Funtsean abiapuntua honelako zerbait izan litekeela begitantzen zait: ikastea ez da berariazko erakunde, denbora eta testuinguruetan soilik gertatzen, harago doa espazioan eta denboran, horrek ikas-prozesuaren gobernua neurri handi batean ikaslearen esku uztea eskatzen du (badakizue, autoikaskuntzaren inguruan entzuten diren horiek guztiak). Horrekin batera, berrikuntza eta aldaketa gero eta ugariagoak, bizkorragoak eta kontrolagaitzagoak gertatzen ari diren sasoi honetan beharrezkoagoa egiten da etengabeko ikaskuntza mugagabe hori.
SteLLLa egitasmoa berriz Europar Batasuneko Lifelong Learning Programme-tik dator. Zazpi estatu dira partaide egitasmoan: Belgika, Zipre, Alemania, Italia, Polonia, Eslovenia eta Espainia. Espainian hain zuzen ere, Nafarroako CNAI (Nafarroako Hizkuntzen Autoikaskuntzarako Gunea) da egitasmoa garatzeko ardura hartu duen zentroa. LLL hori ahalbidetzeari eta errazteari begira autoikaskuntza eta eLearning-arekin lotutako esperientziak sustatu, aztertu eta batu nahi dira SteLLLa honen markoan, CNAIren kasuan hizkuntzen ikaskuntza jorratzen da.
LLL kontzeptu-ikuspegi honek hizkuntzen eta euskararen ikas-irakaskuntzari begira ere galdera eta gogoetagai batzuk ekar ditzakeela uste dut. Serrak aipatzen dituen autoikaskuntza, ikaskuntza birtuala eta etengabeko ikaskuntzaren beharrarekin batera, hiztun berriak erabilera esparru anitzetan eta normalizazio prozesu baten barruan burutu beharko lukeen etengabeko hizkuntz-egokitzea bururatu zait adibidez. Edozlean ere ikuspegi honek zertifikazioaren eta agirien mugarriekin talka egin lezakeela begitandu zait. Ala ez?
IO: euskaltegiaren hormak bota beharraz hitz egin da hemen inguruan azkenotan. Erlojuak ere bota beharko dira akaso?
IO bis: A ze txapa bota dudan Karrajua "labur" honetan! Karraju nagusia haserretu egingo zaigu, arrazoiarekin gainera.
Edonon, edonoiz
La educación puede suceder en cualquier momento, en cualquier lugar. Dentro y fuera de los muros de la institución académica.
Zemos98 nazioarteko festibalaren barruan egingo den "Simposio de educación expandidaren" aurkezpenerako idatzia.
Norekin ikasi gehiago?
Neure irakasleekin asko ikasi dut; lankideekin gehiago; eta nire ikasleekin askoz gehiago.
Actividades CoCo blogean ikusia: ¿Qué es esto? Líneas maestras.
Teknologia mugikorra klasean
Teknologia ez da soilik ordenagailua eta internet. Esku-poltsikoetan gero eta gailu txiki gehiago eramaten ditugu batetik bestera, eta ikasteko ere balio dezakete horiek guztiek.
Marisa Conde irakasle argentinarraren Creatividad en la Escuela blogean dugu adibide bat.
Ikas-irakaskuntza digitala
Ficod-en barruan antolatu zen mahai-ingurua. Deigarria Enrique Dansen alegoria matrixtarra.
Recursos y estrategias para usar TIC en clase blogetik: Formación y contenido: aprender y enseñar digitalmente
- « lehenengoa
- ‹ aurrekoa
- …
- 3
- 4
- 5
- 6
- 7
- 8
- 9
- 10
- 11
- hurrengoa ›
- azkena »
Bilatu
Harpidetu
Azken iruzkinak