Udaltop bloga martxan
2009, Azaroa 24 - 16:24 — benitoUdaltop jardunaldien inguruko blogean berrikuntzan egin dira. Hona hemen handik bidali diguten mezua:
Udaltop jardunaldien bloga martxan da
Facebook eta Twitter sare sozialetan erabiltzailea zabaldu du Udaltopek, ezagutza partekatzeko eta mezuak zabaltzeko bide berriak landuz.
Iaz, Udaltop udaletako euskara-zerbitzuen topaketen lehen edizioan, “Nola indartu euskararen erabilera familietan?” gaia jorratu zen. 2010eko apirilean izango diren bigarren jardunaldietarako hainbat berrikuntza prestatu dira, hala nola, bloga eta sare sozialak.
Udaltop.com webgunean dagoeneko martxan den blogaren helburua parte-hartzaile eta antolatzaileen arteko harremana sustatzea, 2010eko edizioaren gaiaren eta egitarauaren definizioan parte hartzea eta zeuen iruzkinak helaraztea da.
Esan bezala, bloga ez da aurtengo edizioko berrikuntza bakarra. Facebook eta Twitter sare sozialetan Udaltop erabiltzaileak sortu dira eta horiei esker, Udaltop sareko partaide izan daiteke edonor. Hau da, udaletako euskara-zerbitzuen topaketetan interesa duten beste kideekin mezuak partekatzeko eta antolatzaileek igorritako informazioa jarraitzeko aukera izango da.
Gainera, blog berriak RSS jarioa du. Beraz, edozein RSS agregatzailetan iturri hori gehituz gero informazio gaurkotua jasoko da.
Egun bat mendian "in plain basque"
2009, Azaroa 17 - 14:02 — benitoIkasgelan blogak egiteko tridekalogoa euskaraz
2009, Azaroa 13 - 23:18 — benitoBerta Martinezen blogean ikasgelan blogekin hasteko hamahiru aholkuko tridekalogoa aurkitu dugu. Gaztelaniaz sortutako dokumentua euskaratu dute Bertak, Irene Gonzalezek eta Jasone Aldekoak.
Sarean irakurtzen trebatzeko aktibitateak
2009, Azaroa 10 - 19:34 — benitoFelipe Zayasek sareko testuekin ohitu eta haiek irakurtzen trebatzeko aktibiate zerrenda bat egin du. Geurera ekartzeko ideia politak izan daitezkeela begitandu zait.
Zelan daki ba?
2009, Azaroa 10 - 18:03 — benitoMe pregunto cómo saben los castellanoparlantes monolingües locales que “no hay nada que dañe más a una lengua que aislarla en nichos.”
Eztabaida honetako iruzkina: Twitter y política lingüística
Antzeko galdera egiten dut nik neuk ere azkenotan batzuen baieztapenak entzunda.
Aizu! aldizkariaren webgunea berriztuta
2009, Azaroa 10 - 17:55 — benitoTarte batean desagertuta egon ostean berriro agertu da Aizu! aldizkariaren webgunea. Paperezko aldizkariaren edukiak orain sarean diseinu berriareki irakurtzeko parada izango dugu.
Euskara sarean
2009, Azaroa 5 - 01:43 — benitoGipuzkoaTV kateak euskara ikasten Internetek zelan lagundu dezakeen azaltzen duen saiotxo hau jarri du sarean. Tresna batzuk aurkezten dizkigu hain zuzen ere.
Euskaraz eta gaztelaniaz daukagu. Klasean Interneten zer daukagun azaldu edo aurkeztu nahi badugu oso lagungarria izan daiteke.
Hitzokeiren biltegia
2009, Azaroa 5 - 01:04 — benitoAspaldian aipatu genuen hemen #hitzokei ekimena, Twitter-en hiztegi eroa sortzen joateko proposamena. Arrakasta izan du Twitter-en, baina han sarrerak topatzea eta biltzea ez da erraza izaten.
Duela aste batzuk Mikel Iturbek wiki batean biltzen eta ordenatzen hasi zen. Wikira lantzean behin bildu eta "eskuz" ekarri behar da hala ere, eta lan hori automatikoki egiteko modua aurkitzea komeni zen. Julen Ruiz Aizpuruk egin du eta hortxe daukagu orain hitzokei-ren biltegi automatikoa.
Euskara ikasleei gustatuko zaiela esango nuke, askok inoiz halako jolasak egin dituztela ere bai. Jolasa hizkuntza ikasteko bide ona izaten da, ezta?
Via: Sustatu.
PD: Sustatu, A-Sustatu... hitzokeirako definizioren bat okurrituko zait/zaigu.
Gaurko hitzak urtebete
2009, Azaroa 3 - 10:24 — benitoahutzeko from Maite Goñi on Vimeo.
Maite Goñik kudeatzen duen hiztegi-blogak 395 sarrera ditu dagoeneko "opor" hitza aipatu gabe. Eta hemendik aurrera bideoa ere aurkituko dugu han.
Han gaurko hitza "ahutzeko" izan da, baina sarean gehien ibiliko dena "zorionak" seguruenik. Aupa tu!
Gaurko Hitzak urte bat bete du gaur! (IKTeroak)
Azkue fundazioa
2009, Urria 29 - 00:41 — benitoGaur Iñaki Muruaren bidez heldu zaigu Azkue Fundazioaren berri. Proiektua datorren azaroaren 4an aurkeztuko da. Asmoa euskara sarera eta teknologiaren modernitatera ekartzea dela dirudi. Egitasmo asko bateko (Xuxen bizkaieraz adibidez), eta Twitter, Flickr, Youtube... besteko. Web2.0 ikuspegia eman nahi izan zaiola dirudi. Hemen duzue Youtuben aurkitu dugun bideo hau adibidez:
Bitxikeria pare bat, JClic software-a JKlik bihurtu digute, eta blogrollean zer eta Karrajua aurkitu dugu.
Datorren azaroaren 4an informazio gehiago izango dugu beraz.
- « lehenengoa
- ‹ aurrekoa
- …
- 6
- 7
- 8
- 9
- 10
- 11
- 12
- 13
- 14
- …
- hurrengoa ›
- azkena »