sare sozialak
Nongoa zara?
Ni euskalduna Metroo sare sozialaren barruan agertu den proiektua dela dirudi. Ez dago azalpen handirik proiektuaren nondik norakoez, baina bideo bilduma insteresgarria batu dute. Herri ezberdinetako euskaldunak euren herriari buruz berbaz.
Youtubeko kanalean ere ikus daitezke bideoak.
Sare sozialak eta hizkuntzak ikastea
Por otro lado, la red social nos permite aspirar a un objetivo fundamental en la enseñanza de una lengua: no concentrarnos en enseñar el idioma, sino en hacer cosas con el idioma.
Sare sozialak eta hizkuntzen ikaskuntza
LdeLenguan Language Learning and Social Media – 6 Key Dialogues proiektuaren berri eman digute. Sare sozialek hizkuntzen ikaskuntzan zer eragin duten eta zeintzuk aukera ematen dituzten aztertu eta eztabaidatzeko taldea da. Pertsona batzuen esperientziak erakutsi dizkigute bideo honetan
Twitter hizkuntzak ikasteko
Twitter hizkuntzak ikasteko tresna izan daiteke eta hala dela erakusteko Wwwhat's New-n baliabide eta ideia batzuk batu dituzte.
Ikasi hitz egiten Twitter-en bidez
Twitter bezalako mikrobloging tresnek hizkuntza ikasten nola lagundu ahal duten azaltzen du aurkezpen honek. Interesgarriak iruditu zaizkit proposamen batzuk.
Euskara sarean josten
Azkue Fundazioren aurkezpena.
Atoan Facebook-en
Facebook-en orriak egitea modan jarri dela, eta geu ere modernoak izanda (duda ala?), Atoan honi ispilua egin diogu FBn. Ea zenbat jendek atsegin duen.
Facebook, Twitter eta elefanteak
Interesgarria Ordenadores en el aula blogean izan duten eztabaida. Mezu nagusia ez ezik, iruzkinak ere irakurtzea gomendatzen dizuet elefanteak benetan nolakoak diren jakite aldera.
"Eskerrik" ez
"Eskerrik asko" moztu eta "eskerrik" soilik esateko ohitura hartu omen du jende askok. Facebook-en "Eskerrik asko" moztearen kontra, "eskerrik" kanpora! izeneko talde hau agertu da horri aurre egiteko.
Sare sozialetan ikastea
the methods of learning in networks are not new, however. People have always learned in social networks
"Sare sozialetan ikasteko metodoak ez dira berriak aldiz. Jendeak beti ikasi du sare sozialetan." Teaching in Social and Technological Networks (Connectivism).
Stephen Downesen artikulu interesgarria, sareko testuinguru hauetan irakaslearen 7 funtzioen zerrenda egin digu ere bai. Blog Nodos Elen dugu laburpena gaztelaniaz.
Zu, gu eta hirurok
Proposamen berria Interneten euskaldunontzat. Ezagutza partekatzeko sare sozial irekia. Irekia aukera askotara, atarramendua aterako diogu, seguru.
Profila osatzen joan beharko dut (Buaaaaa! Ez daukat lagunik)
50 mezu talde euskaldun baten alde
Single ingelesezko terminoarekin ezkongabeak edo bikoterik ez duten pertsonak izendatzen dira. Azkenotan hauentzako eskaintza zabalduz joan da sarean: foroak, guneak, eskaintzak, zerbitzuak, sare sozialak, merkatu-talde erakargarria nonbait.
Single-entzako sare sozial lokalak ere eratzen izan dira, Bilbon adibidez Club Clan 2000 dugu, Ning-en egitura erabilita antolatu den sarea. Eta han, erabiltzaile baten eskaera hau aurkitu dugu: 50 mezu talde euskaldun baten alde, alegia, sare sozial horien bidez "single" euskaldunen artean harreman sarea osatzeko deialdia.
Bistan dago, harreman sareak berez ehuntzen dira askotan.
El Euskaltegi Facebook-en
El euskaltegi blogeko Elenak izen bereko orria sortu du Facebook-en. Arrazoia:
Horrela, nire asmoa da leku bat edukitzea komunikatzeko, ideiak trukatzeko, kritikatzeko, eta beharrezkoa bada, askok edukiko duzuen kokoteraino nago euskararekiko pentsamendua barrutik kanporatzeko.
Irakurle Kluba
Gorka Azkaratek eman digu sare honen berri. Leioako irakurle-klubaren inguruan sortu da (ez nahastu Leioako Unibertsitateko irakurle klubarekin) eta, jakina, literatura du ardatz.
Elkarrizketa
A: - Aspaldian ez duzu eguneratu bloga. Uztekotan al zara?
B: -Ez, emakumea, bloga interneteko nire etxea da. Baina sare sozialak ziberespazioko tabernak dira.
A:- Hau da hau! Gu kezkatuta etxean agertzen ez zarelako eta zu , berriz, parrandan lasai asko.
Azken iruzkinak