irratia
Mintzalaguna, Berbalaguna, Mintzakide
Euskadi Irratiko Amarauna saioan mintza-praktikan ari diren hiru egitasmo sinonimorekin jardu dute gaur.
Mertxe Mugika AEKren mintegiaren harira
Euskadi Irratiko Mezularia saioan AEKren mintegia eta helduen euskalduntzeaz aritu da Mertxe Mugika.
Euskaltegien arteko lehiaketa
HABEk sustatzen duen Ele-alea saioan euskaltegien arteko Elehiaketa antolatu dute, galdera sorta baten inguruko lehiaketa. Atzo hasi zen eta Hernaniko AEK-ko ikasle-irakasle bi egon ziren bertan. Hemen entzungai:
Ikasbilen ere baduzue.
Elealea: lehenengo saioa
Atzo iragarri ziguten ia derrepentean, eta atzo bertan hasi zen emititizen. Hemen duzue lehenengo saioa.
Zer iritzi?
Ele-alea: euskara ikasten ari direnentzako saio berria Euskadi Irratian
HABE eta Euskadi Irratiaren artean prestatu dute saio berri hau. Lehenengo saioa gaur iluntzeko 9etan emitituko dute. Sarean oraingoz ez dugu informazio askorik aurkitu, baina euskaltegietara bidali dute jakinarazpena:
Euskadi Irratia HABErekin lankidetzan euskaldun berrientzat irratsaio berri bat emititzen hasi da gaur otsailaren 1a iluntzeko 21:00etatik 21:30era. Xabier Sukia kazetaria izango da gidari eta berarekin batera euskara ikasten ari edota aritu diren gonbidatuak izango ditu alboan.
Egun ikasten ari diren ikasleak saiora joan daitezen animatu nahi ditugu eta horretarako zuen laguntza behar dugu. Azpimarratu nahiko genuke saioa oso entretenigarria izango dela: elkarrizketak, abestiak, trikimailuak, txisteak, lehiaketak… izango dira osagai nagusiak. Baina, era berean helburu didaktikoa ere izango duen aldetik, hainbat entzungairen lanketa egiteko proposamenak egingo dizkigu Xabierrek HABEren laguntzaz. Entzun aurretik, hiztegia landu eta ulermenerako baliagarriak izango diren tresnak eskainiko dizkigute, eta entzun bitartean eginkizunen bat proposatuko. Eginkizun horiek ondo egiteak izango du saririk, irratsaioa bete sari baitator.
Euskadi Irratiko programazioan euskaldun berrientzat propio egokitutako irratsaio bat diseinatu dugu, beraz, Euskadi Irratiko arduradun eta HABEko materialgintza ataleko teknikariok. Irratia oso baliabide egokia dela iritzita, euskara ikasten ari direnentzat egokia den irratsaio bat sortzen saiatuko gara. Hauexek lirateke ezaugarri nagusiak:
- Irratsaioaren hartzailea euskaldun berria izango da, euskara ikasten ari den heldua. Une honetan Euskadi Irratiko entzulegai baina etorkizunean entzule oso izango dena.
- Irratsaioak izaera entretenimenduzkoa izango du, baina baita didaktikoa eta informatzailea ere
- Irratsaio honen bidez, euskara-ikaslearengana hurbildu egingo gara, ahozko ulermenean dituen zailtasunak gainditzen lagunduz. Hori dela eta, euskara-ikasleari aurkeztuko dizkiogun ahozko testu-erak hobeto ulertzen laguntzea izango da irratsaioaren helburu didaktiko nagusia. Horretarako, ahozkoaren ulermena garatzeko, baliabide lexikalak nahiz azalpen gramatikalak eskainiko dira irratsaioan.
- Irratsaioan eskainiko diren edukien trataera eta proposatuko diren eginkizun edo atazak mailakatuak egongo dira eta irratsaioan bertan emango dira erantzunak.
- Irratsaioak www.ikasbil.net atariarekin lotura estua eta zuzena izango du: eduki guztiak atarian argitaratuko dira eta audio-eduki guztien transkripzio eta ariketak atarian deskargagarri egongo dira. Hartara, elkar elikatuko duten zerbitzu bat eskainiko dugu.
- Era berean, HABE aldizkariak hilero irratsaioaren berri emango du, hurrengo hilabeteko gonbidatuak nortzuk izango diren aurreratuz eta informazio osagarria eskainiz.
- Irratsaiora etorriko diren gonbidatuak euskara ikasten ari direnentzat motibagarriak izango dira, euskaldun oso izatera iritsi diren hainbat ikasle eredugarriren testigantzak bilduko baititugu. Adibide edota trikimailu praktiko eta eraginkorrak azalduz, ikasle arrakastatsu izatera nola iritsi diren eta zein estrategiaz baliatu diren kontatuko digute. Era berean, egun euskaltegian diharduten ikasle nahiz irakasleak ere gonbidatu nahi ditugu. Gaur egun “bidean” dauden ikasleen eta bidelagun dituzten irakasleen ikuspegia ere oso baliagarria eta aberasgarria dela iruditzen zaigulako.
- Lehiaketak, hitz-jokoak, asmakizunak... Ikasleen parte hartzea sustatzeko aproposak diren irrati bidezko jolas ugari aurkituko dituzue.
- Euskalduntze-alfabetatze sektoretik nahiz euskal kulturatik sortutako berri interesgarriak ere eskainiko dira: matrikulazio-kanpainak, argitalpen berriak, azterketa-deialdiak... Euskara-ikaslearentzat interesgarria izango den albistegia, hain zuzen.
- Galdera-erantzunen tartea zabalduko dugu beren proposamen nahiz iradokizunak biltzeko asmoz. Horretarako, zuzeneko telefono honetara deitu edota posta elektronikoz helarazi behar dituzte iritzi eta galderak: 943.01.22.50 edo elealea@eitb.com. Zuzeneko saiora deitu nahi duenak hauxe du telefonoa: 943.01.22.00.
- Zuzeneko irratsaioa astelehen iluntzetan 21:00etatik 21:30era izango da. Larunbat eguerdietan saioa errepikatuko dute.
Lerro hauetan adierazi dizuegun bezala, euskara-ikasleentzako irratsaioa izango den neurrian, euskaltegien sarearen parte hartzea ezinbestekotzat jotzen dugu. Beraz, har itzazue ele hauek saiorako gonbidapen gisa.
Egitasmo honen zabalkundean lagunduko eta ikasleak irratira joan daitezen animatuko dituzuelakoan, ongi izan.
Gure irratia sarean
Iparraldeko Gure Irratiak webgunea atondu du. Han dituzue hemendik aurrera haren edukiak entzungai.
Euskadi Irratia euskaldun berriei hurbildu
Inork ez du makilatxo magikorik. Ikasturte berrian, saiatuko gara irratia euskaldun berriei hurbiltzen. Ea euskara munduan sartzen ari direnak erakar ditzakegun.
Berrian jasotako hitzak: «Irratia euskaldun berriei hurbiltzen saiatuko gara ikasturte berrian»
Euskaldunberrientzako tartea
Euskadi Irratiak, bere aldetik, hurbileko albistegia egingo du. Araba, Bizkaia, Gipuzkoa eta Nafarroako berri gertukoenak bilduko ditu. Horrez gainera, arratsaldero 20:00etan albistegi nagusi bat egingo du. Etxeko txikienek ere euren irratsaioa izango dute igandero, eta Euskaldunberrientzat tarte bat prestatzen ari dira.
Datorren urteko programazioaren aurkezpena egin dute gaur: Entretenimendua eta albistegiak indartzea dira EITBren apustuak
Euskara irakasleak munduan zehar
Ikasbilen Euskadi Irratiko saioa ekarri digute, Txekian, Australian eta Japonian euskara irakasle diharduten hiru lagunen testigantzak.
Eitb.com-en bideoak eta audioak jarraitzeko RSS kanalak
Eitb.com-en ikusentzunezko dokumentu interesgarri ugari plazaratzen dira egunero. RSS jarioak eskaintzen dituzte albisteak jarraitzeko, baina ez dut aurkitu publikatzen dituzten bideoak eta irratsaioen grabazioak jarraitzeko jariorik. Irratsaioen kasuan programa batzuek podcast-a dute, baina ez guztiek.
Feed43 zerbitzuarekin eitb.com-ek publikatzen dituen azken bideo eta audioen jarraipena egiteko jario pare bat prestatu ditut. Hemen dauzkazue:
- Bideoak: http://www.feed43.com/etb-bideoak.xml
- Audioak: http://www.feed43.com/eitbaudioak.xml
Posiblea da bideo edo audio asko batera publikatzen direnean baten bat ez agertzea jarioetan, baina egunero zer publikatzen duten begira bazaudete lagungarri izango zaizuela uste dut.
Adopte Ud. un euscaldumberri
Aittita Raduga Lekeitioko Arrakala irratian egin eta hainbat irrati libretan eskaintzen duten saioa da. Arrosa irrati sarearen bitakoran Berbalagunen gaineko saio hau topatu dugu. Berbalagunaz berba egin baino gehiago berbalagun batzuk izan dituzte kolaboratzaile musika ipintzen-eta. Edozelan ere, titulua deigarria bada.
Euskal Kulturaren Transmisioa Euskadi Irratian
Mondragon Unibertsitatearen Euskal Kulturgintzaren Transmisioak graduondokoa webgunean zerbitzu, eduki eta baliabide interesgarriak eskaintzeaz gainera, irratira ere zabaldu da. Euskadi Irratian tartetxoa eman diotela dirudi, EKT izeneko saioa hain zuzen.
Han entzun ditugu Iñaki Arruti eta Miren Jone Hernandez euskararen normalizazioaz eta erabileraz mintzo. Euskaltegi hitza ere aipatu izan dute.
Maite Goñi Amarauna saioan
EGA materialak erreitiratzeko agindua dela eta, elkarrizketa egin diote gaur goizean Maite Goñiri Euskadi Irratiko Amarauna saioan. Maiteren hitzekin batera Ana Malagon, Haritz Rodrigez eta Goio Telletxea blogarien iritziak ere entzun ditzakegu.
Saioa Amaraunaren podcast-ean (audio fitxategiekin arazoren bat dagoela dirudi orain) edo Teknopata.net-en eskegitzen duten bitartean hemen entzun ahal duzue.
HABEko zuzendaria Euskadi Irratiko faktorian
Joseba Erkizia "Faktoria" saioan egon da.
HABEren 25. urteurrena. Aperitifa saioa eitb.com-en
Ederto funtzionatzen hasi da Euskadi Irratiaren podcast-a. Hortxe duzue lehengo eguneko saioa entzungai.
Edo hemen:
Bilatu
Harpidetu
Azken iruzkinak