Euskara praktikatzeko leku berri hau agertu da bilatzaileen basoan halako batean, ez da bakarra izan, azken egunotan beste pare bat agertu dira: topaleku.com eta berbasarea adibidez.

Derrepentean agertu dira, azalpen eta informazio handirik gabe -informazio kanpaina zikuren bat gehienez- baina erakunde publikoen logotipoak ondo erakutsita eta diru-laguntzen deialdien eta administraziotik sustatutako lehiaketen gerizpean (erakunde batzuek jada ez gaituzte harritzen). Berrikuntza eta teknologia berben arrimuan beti ere, eta praktikaren munduan aspaldian lanean ari direnekin harreman handirik gabe. "Webmamuak" hitza aipatu du baten batek hortik.

Tira, bolbora asmatzea ez dakit noraino den eta ideia biribil eta berritzailea, baina ongi etorriak denak zerbaitetan lagunduko badute.

"Kerman mintzalagun bila" saioa iragarri digu ETBk aurtengo programazio berrian, bost minutuko saio laburren sorta izango da, eta hau asmoa:

Kerman ahozko euskara behin betiko menderatzeko helburuz kalera irtengo da. Helburu horrekin, Kermanek liburuak dauden-daudenean utziko ditu eta kale aldera abiatuko da euskara eguneroko bizimoduan erabiltzeko helburuz: euskaltegian urteetan irakatsi dioten teoria guztia benetan aplikatzeko garaia iritsi zaio.

Otsailean izango dugu ikusgai. Horrela boteprontoan eta promozio-bideoa ikusita ez nuke jakingo esaten ikutu didaktikoa duen umoreko saioa, ala umoreko ikutua duen saio didaktikoa izango ote den. Ikusiko dugu ba.

Hemen daukazue bideoa EITB.com-en (ez dakit zer gertatzen den baina ezin dut handik zuzenean"enbotatu").

Portzierto, euskaltegietan teoria baino ez da irakasten orduan. Tira ba!

Getxoko Egizukoek urte berrirako asmoen galdera egin digute, pistak eman dizkigute badaezpada.

Bide batez. Urte berri on guztioi.

Mintzalagun modura euskara ikasten laguntzen duten unibertsitariek kredituak eskuratzeko aukera izango dute EHU eta AEK-k sinatu duten akordioari esker.

Ez da plan txarra. Klasera joan beharren berriketan jardun eta gainera kreditua. Animoa neska-mutilak!

Baten bat itzulpen bila ibili bada, horra hor bat.

Donostian bizi da Gladys, euskaraz, ingelesez eta Ekuadorreko gaztelaniaz bizi ere. Euskalerriari buruz idazten du hango hedabideentzat, eta mintzalaguna ere bada.

Aran bailarako Kontseiluak bertako hizkuntza sustatzeko politikaren barruan Volontariat per Aranés ekimena ipini du martxan. Zer da? Hizkuntza praktikatu nahi dutenak ondo dakitenekin bikoteetan bildu eta berriketan hasi. Ezaguna, ezta?

Atzo Gasteizen Mintzeguneko ibilbideari errematea emateko Joxean Sagastizabal idazleak testu hau irakurri zuen Zeledonen estatuaren ondoan. Brontzea eta Zeledonen hizkuntza hizpide. Eta Gasteizko animazioa atzetik (nork dio Gasteiz hiri aspergarria dela?).

Duela hilabete pare bat Bilbon martxan jarri zen Mintzakide programari buruzko erreportaia.

Orduan bezala, jarraitzen da Kataluniatik inportatutako ekimena dela esaten.

Mintzapraktika.org-en elkarrizketa egin diote Aitziber Gurutzeaga egitasmoko dinamizatzaileari. Sorrera, bilakaera eta aurrera begirakoak jorratu dituzte.

Bilboko Udalak Ulibarri euskaltegiarekin batera "Kataluniatik inportatuko formula" (sic) ipiniko du martxan: Mintzakide, euskara praktikatu nahi duen jendea euskaraz dakienarekin bikoteetan bildu.

Enpin... Portzierto, Mintzakide hori non entzun dugu lehenago ba?

Bilboko Udalaren webgunean albistea.

Aintzindari eta eredu izan da Donostiako Bagera elkartearen ekimen hau. Zorionak 15 bider!

Mintzapraktika.org-en bidez.

Mintzapraktika programetan ari diren gazteak eta berauei aportatzen diena jorratu dute Matrakako erreportaia honetan.

Mintzapraktika.org-en bidez.