didaktika
Hizpide 78
HABEk iragarri duenez Hizpide aldizkariaren 78.a kalean da dagoeneko. Edukien artean HABEren egiaztatze probak, Europako markoan sakontzeko modulua eta mintzamena lantzeko ariketak besteak beste.
Aspergarria
Otro tema sobre la definición de los Objetivos de Aprendizaje, es que son ABURRIDOS… Si es verdad, no nos engañemos, son el tema más fome del diseño instruccional. De hecho los alumnos al enfretarse a la página de Objetivos del Curso, lo primero que hacen es buscar desesperádamente el botón “siguiente” o “avanzar” o la “flechita”, o lo que sea que los saque de ahí.
E-learning ikastaro bateko helburuen definizioaz ari da Bustamante. Artikulu honetan duzue: Como definir los objetivos de aprendizaje en un curso e-learning (e-aula)
Literatura ikasgelan
Santurtziko Udal Euskaltegikoek proiektu berri hau jarri dute euren Ikasgelan. Ikastaroa han dago eskuragarri eta aukera ematen dute jaitsi eta nork bere plataforman berrerabiltzeko.
Ahozko hutsuneak bete
Ahozko grabazio batekin Soundcloud zerbitzuan hutsuneak betetzeko ariketa nola egiten daitekeen erakutsi digute Me manifesto izeneko aktibitatean, ingelesaren irakaskuntzarako ideiak ematen dituen 4c blogean.
Funtsean grabazioan tarte isil batzuk uzten dira eta ikaselari Soundcloud-en komentario-sistema bereziaren bidez hutsune horietan egokien uste duten hitza edo hitz-sorta sartzea eskatzen zaio.
Ahozko cloze-test-a edo deitu daiteke, ezta?
B1 mailako deskribatzaileak garatzeko fitxa
Pilar Montoya irakasleak lehengo urtean A2 mailako talde batentzat garatutako materialak eta jarduerak utzi zizkigun bere blogean. Aurten B1eko talde batekin hasi dela mailako deskribatzaileak garatzeko materialak jartzen hasi zaigu. Lehenengo fitxa duzue hemen.
Ideien sprint-a izotza apurtzeko aktibitate bat
BBCren Teaching English webgunean klasea girotzeko edo "izotza apurtzeko" aktibitate hau aurkitu dugu. Funtsean gai edo hitz bat eman eta horren inguruan denbora oso mugatu batean ahalik eta ideia edo hitz gehien ematea da. Asmoa girotzea, animatzea eta bertan esaten den modura ikasleak "energizatzea" da.
Gomendagarria gunea eta bertako jendearen blogak oro har, ideia interesgarriak ez ezik, iruzkinetan ekarpen politak ere egiten dira. Inbidia apur bat ematen du, eee.
Ikaslearen autonomia hiltzeko 6 era
@ann-f-k eman digu artikulu honen berri. Ikaslearen ikasteko autonomia eta gaitasuna ezerezteko 6 aholku ematen dizkigu. Ingelesaren irakaskuntzan kokatuta dago, eta ingelesez idatzita.
Itzulpen-legea eginda hauek izan daitezke aholkuak:
- Ikasleren zailtasunak ez hartu kontuan, ez enpatizatu berarekin.
- Hizkuntza azaltzen duzunean emaiozu dena ondo landuta, gidatuta eta mastikatuta. Ez dezala pentsatzeko ahaleginik egin.
- Hautsi konfidantza behin eta berriz erroreak zuzendu eta zuzenduz, eta hutsune eta errakuntzetan arreta jarriz.
- Ariketa deskontestualizatu, despertsonalizatu eta mekanikoak erabili sistematikoki.
- Trebetasunak lantzen dituzunean ez landu estrategiarik, ez eman arretarik gauzak nola egiten diren, inportanteena emaitza da.
- Hiztegia gogoratzeko eta ikasteko bide ezberdinik ez landu.
Ados zaudete? Zerbait gehituko/kenduko zenukete?
HABEren ikastaroa: Europako Markoaren argitan
Europako Markoaren bueltan HABEren mailetan sakontzeko online ikastaroa antolatu du HABEk. Tutorerik gabeko ikastaroa da dirudienez, nork bere aldetik egitekoa.
Jokoko ebaluazioa
Azterketa bidezko ebaluazioak ez bezala, jokoetan erabiltzen denak, trebetasuna lortu arte saio asko egiteko aukera ematen du. Porrota eta ez da behin-betikoa.
Andoni Sagarnak ikasmaterialgintzan erabil daitezkeen bideojokoetako teknika eta estrategia batzuk bildu ditu mezu honetan: Bideojokoetako kontzeptu batzuk, ikasmaterialetarako egokiak direnak (Iparrorratza)
Etsipen ikasia
Irakasle batek proba egin du klasean etsipen ikasia zer den erakusteko.
Klasean gertatu zaizuen zerbait etorri zaizue burura?
via @ciberspiral > via @Josemarilasa
Garapen hurbileko eremua gaur
Si algún concepto, en mi opinión, merece ser revisado a la luz del cambio y debido, fundamentalmente, a la actualidad de su potencia en cuanto a la democratización de las posibilidades de acceso a la enseñanza, es el de Vygotski y su Zona de desarrollo próximo.
Konstruktibismo sozialaren garapen hurbileko eremuaren kontzeptua gaur egungo testuinguru sozial eta teknologikoan kokatzen saiatu da Dolors.
Joan den urtea klasera
Egutegia urte berrian sartu da, gure klase gehienak oraindik ez seguruenik. Datorren astean joan den urteari begira jarri nahi badugu Koreako ingeles irakasle batzuek ataza bat proposatu digute 2011ren balantze pertsonala egiteko eta bideoetan ikusten direnak elkarri kontatzeko. Garatzeko ideia modura baliagarria izan daiteke, eta horko bideoak ere bai.
via @ann_f (Ann Foreman)
e-ikaskuntza, materiala eta irakasleak
e-ikaskuntzarako materialgintza diseinatzaile eta adituengan delegatzeak irakaslea ahuldu baino ez du egiten. Zenbat eta gorago igo edukien listoia, orduan eta ahulagoa izango da irakaslearen indarra. Irakaslea erosoago senti daiteke lan hori delegatzen duenean, baina urrundu egiten du ikaskuntza-prozesuen zentzutik.
Moodlemoot Spain-eko tailer eta eztabaida batzuen ondoren bere gogoetan laburpena egin digu Ainhoak artikulu honetan: (e-)Ikaskuntza Kritikoa Moodlemoot Spain 2011n #mootes11
Gomendagarriak artikulu osoa eta iruzkinetako eztabaida.
Markoak eta erreferentziak
¿Es una barbaridad tomar como referencia para la elaboración de los planes curriculares y los manuales las guías de conversación de Lonely Planet en lugar del Marco Común Europeo de Referencia? :o
Aspaldian utzi zuen J. Ramónek gogoeta hau bere Tumbrl-n. Galdera ona da oraindik ere, ezta?
Testuen kalitatea ebaluatzeko irizpideak "prezi" batean.
Bisiguraren Estarta blogean testu baten kalitatea ebaluatzeko erabiltzen diren koherentzia, kohesioa, adierazmena eta zuzentasuna irizpideak azaldu eta kokatzeko aurkezpen interesgarria egin digute Prezi zerbitzu-formatuaren bidez.
- « lehenengoa
- ‹ aurrekoa
- 1
- 2
- 3
- 4
- 5
- 6
- 7
- 8
- 9
- …
- hurrengoa ›
- azkena »
Bilatu
Harpidetu
Azken iruzkinak