ikasleak
Etorkin petoak.. eta euskaldunak
Erreportaia polita egin zuten "Bi Errepideak" saioan. Jatorri txinatarreko neska euskaltegian ikasten dabilena, eta Ondarroan butano banatzaile dabilen egipziarra. Euskaldunak biak, duda barik. Euskaltegia eta euskara ikasteaz zertzelada interesgarri batzuk utzi dizkigu Monikak gainera.
Gai erakargarria berriro urruneko etorkin euskaldunena, Ez dakit Korrika 16ren "Ongi Etorri" horrekin interesa indartu egin den.
Postdata saioan adibidez euskararen soinuaz maitemindu zen Shahid pakistandarrari entzun ahal izan genion:
Aukera guztiak
Gero, kalean ere ikasi nuen hitz egiten. Etxean ere beti euskaraz hitz egiten saiatu naiz; elizara ere joaten naiz mezatan euskara entzuteko. Ditugun aukera guztiak baliatu behar ditugu ikasteko
Bidaia Intimoak filmean batzuek ezagutu dugun Rami da hori. Lehendik Erlo Telebistako ikusleek "Gure saltsan" saioan ezagutu zuten. Gure saltsan saio horri buruzkoa da hitzak jaso ditugun erreportaia: Etorkinak euskaraz Erlo Telebistak hamar atzerritar bildu ditu "Gure saltsan" saioan (Le Journal du Pays Basque)
Ikasten ari naiz...
Openfilm zerbitzuan aurkitu dugu film labur hau. Portzierto, zelan esaten da scopare euskaraz?
Pentsatzeko denbora
Laburbilduz, ez dut uste Saramagok idatzi duena ordubetean idatzi duenik. Seguru nago asko pentsatu duela, denbora luze idazten eman duela, eta etxean, gainera. Horregatik, azterketak antolatzen dituztenei proposatuko diet idazlanen gaiak banatzea idazlana etxean lasai egin ahal izateko, horrela bai ikusiko dutela zenbat dakigun.
Bidaia intimoak: aurkezpenaren albistea
ETBn Bidaia intimoak-en aurkezpenaz albiste hau eman dute, Jon Maia egilearen hitzak barne.
"Aperitifa" Maizpide euskaltegitik
Maizpide Euskaltegitik egingo dute gaurko Aperitifa saioa Euskadi Irratikoek. Han, besteak beste, ikasle-irakasleekin jardungo dute.
Bidaia intimoak
Bidaia intimoak: trailerra from korrika on Vimeo.
Euskaraz bizi nahi dugunon herrira hurbildutako lau pertsonaren ibilbidea kontatzen duen dokumentala. Jon Maiak zuzendu du Korrika 16rentzat. Atzo aurkeztu zen, eta larunbatean estreinatuko da Bilbon.
Go native eta kontzientzia txarra
Bada espresio ingeles bat, to go native, etorkinen ahalegin hori zehazten duena: natibo bihurtu, bertakoa egin. Etorkin askok, hainbat bertakok ez bezala, hobeto integratzeko bide gisa ikusten du euskara ikastea. Bertako asko baino bertakoago izateko ahalegin horrek, gainera, boomerang gisako efektu bat itzultzen dio euskarari erreparatzen ez dion bertako bat baino gehiagori: kontzientzia txarra.
Bertakotzen (Hitz Beste). Bidaia intimoak dokumentalaren estreinaldiaren harira.
Euskara ikaslearen txartela
Irungo Udalak sortu du, euskara ikasten dutenek informazio berezitua eta prezio merkeagoak izango dituzte euskarazko produktu, zerbitzu eta aktibitateetan.
Txartelaren ideia hau ez da berria, Donostian duela urte batzuk jarri zen martxan.
Teknologia berrien ajeak?
Estan muy mal acostumbrados a automaticamente mirar en su ordenador el significado de las palabras y traducir una por una.
Comunidad Todoelen irakurrita (ikusteko erregistratuta egon behar da). Irakasle hau kezkatuta dago ikasle gaztetxoek ez dutelako esaldi koherenterik sortzen, eta itzulpen literalak egitera mugatzen dira.
Arrakastaren giltzak
[In a language course] success depends less on materials, techniques and linguistic analysis, and more on what goes on inside and between the people in the classroom.
[Hizkuntza ikastaro batean] arrakasta ikasmaterialetan, tekniketan eta hizkuntzaren analisietan baino gehiago ikastaldeko kideen buruan dagoenean eta euren artean egiten dutenean dago.
Formacion ELEn Antonio Ortak Encuentro Prácticon eman zuen hitzalditik atera dituzte Stevick-en hitz hauek.
Ez dakit zein testutatik jaso diren, baina Stevick-ek Success with Foreign Languages: Seven who achieved it and what worked for them (Arrakasta atzerriko hizkuntzetan: Lortu zuten zazpi eta haiek zer egin zuten) lana du sarean eskuragai (ingelesez eta pdf-n). Hor zazpi ikasle arrastatsuren ibilbidea eta lana aztertu zituen, eta ondorioak atera.
Asistentzia eta matematikak
Daramagu horrela 3 egun. Matematikak erabiltzen baditugu: egunean euskaltegiko 5 ordu galduak bider 3 egun berdin 15 ordu galdu ditudala euskaltegian. Ez dakizue zenbat izorratzen didan !.
Ikaslearen kalkuluak euskaltegira joan ezinean suertatuta: Lana, euskaltegia, eta gripea
Fantasiazko liburu onenak Argentina-Uruguaitik
Gu euskaldunak gara... Argentinakoak blogean hango ikasle-irakasleek jarraitzen dute gauza interesgarriak plaazaratzen, Fantasiazko liburu onenen mapa hau bezala.
Ikusi mapa handiagoa
Nafarroako euskara ikasleen komeriak
Nafarroako administrazio publikoko langile batzuek euskara ikasteko dituzten abenturen eta "erraztasunen" berri eman digute "Euskarabidea nos cierra la puerta" izenburuaren azpian.
El euskaltegi: ikasle baten bloga
Gasteizko ikasle batek euskaltegiko esperientzia kontatzeko eta konpartitzeko. Honela aurkeztu digu:
Ni, zu bezala, euskara ikasten nabil, eta hemendik aurrera erabiliko dut txoko hau zuri kontazeko egunero gertatzen zaidana euskaltegian, horrela ikusiko duzu bakarrik ez zaudela. Izan ere, zuk pentsatzen duzuna nik pentsatzen dut, zuk sentitzen duzuna nik sentitzen dut, zuri zaila egiten zaizuna niri ere zaila egiten zait. Dena den, ikasleon buruhausteak ez ezik, une onak ere komentatuko ditut blog honetan. Beraz, nire helburuak dira: zuk ondo pasatzea, zu laguntzea, baita nire hitzetan zuk zeure burua islatuta ikustea ere.
- « lehenengoa
- ‹ aurrekoa
- …
- 11
- 12
- 13
- 14
- 15
- 16
- 17
- 18
- 19
- …
- hurrengoa ›
- azkena »
Bilatu
Harpidetu
Azken iruzkinak