euskaldun berriak
Meritua, herriak eta japoniarrak
Meritua ez da erdalduntzat ditugun herrietako jendeak euskara ikastea; meritua da euskaldun zaharron komentarioak jasatea. Euskara ikasi eta berrogei urtera ere, euskaldun berri deitzen diegu. Ez zaizkigu euren herriak interesatzen: zer dago, bada, Barakaldon guk ikusteko modukorik? Eta pentsatzen dugu haiek gure herrietara etorri eta flipatu egin behar dutela gure kulturarekin, euskararekin, bizimoduarekin… aber, gure alboko herrietan bizi dira, e? Ez dira euskara ikasi duten japoniarrak, euskal herritarrak dira, geure modu-moduan.
Meritua (Berria)
Txillardegi nor zen
Ez nuen ezagutu. Hil da. Eta orain badakit nor izan den.
Txillardegik euskararen alde lan asko egin zuen, euskara batuaren alde. Lan hori ni bezalako pertsonentzat oso garrantzitsua izan da. Eta ez nekien. Orain arte.
Euskara ikasten ari naiz. Euskara batua.
Eta José Luis Álvarez Enparantza, Txillardegi, euskara batuaren bultzatzaile nagusietako bat izan zen.
Niretzat, oso inportantea da euskaldunberria zela. Ikasle guztientzako eredua da.
Kaixo Txillardegi! (Euskaldunberri naiz)
Zaharrak eta berriak
Eüskaldün berria egiazko eüskaldün ez lizateala, eüskaldün ez oso lizateala, eüskaraz ez beita ontsa mintzatzen, bere eüskarak haurzaroareki edo herri, güne bateki estekarik ez beitü. Ordüan bai, ikusmoldea hau balin bada, estigmatizazionea balin bada, kontüan har dezagün eüskaldün berriek indar handiak egin dütüela eüskararen ikasteko, eüskaldün zaharrek egin ez düena. Behar ere eüskaldün zaharretarik haboroena ez da gaitzeste hortan erorten.
Euskaltzain berria da Battittu Coyos ekainaren 25etik, larunbatean Maulen egin zuen sarrera-hitzaldia hain zuzen, eta euskaldun berri/zahar dikotomiaz jardun zuen besteak beste.
Bide batez, Battittu gau-eskoletan irakasle ere badabil.
Euskaldun berriaren 1001 galderetako batzuk
Euskaldun berria naiz eta harro nago! Eta zu, euskaldun zahar hori, ez ote zara zaharregia niretzako? Txo, basko, emoztazu erraztasun apurtxue! Badakizu pribilegiatua zarela, euskaltasuna geneetan daramazula. Brontzezko estatua dirudizu hor goian gu euskaldun berri guztion gainean, zorabioa sumatzen duzu hona behera begiratzerakoan eta nahiago duzu eguna eman zerura begira. Zaharra eta zerutiarra, earra elementua! Apaldu eta jaitsi apal gainetik!
Euskaldun berriak eta euskalkia
Hizkuntzalariak izan gabe, filologiaren arrastorik ñimiñoena izan gabe, hainbat euskaldun berri ohartu gara horretaz. Ahal den heinean, gure eskualdeko jatorrizko euskarara hurbiltzen saiatu behar dugula.
'Bertze'-z eta bertzeez (Berria)
Higabide: euskaldunberrion gunea
Kasualitatez aurkitu dut gaur webgune hau, "Euskaldunberrion gunea" leloaz jantzita jakin mina pizten du. Apur bat arakatuta Iruñeko Irubide institutuko irakasle bat duela egile jakin dut: Jose Ramon Maruri. Euskaldunberriei omenaldia egiteko asmoz sortu du webgunea. Edukietan euskaldunberri ezagun batzuen erreferentziak eta biografiak ditugu, ikasteko testu eta material batzuk, eta lotura batzuk ere bai.
Polita ekimena, hori bai "Higabide" izenarena ez dut ondo ulertzen. Hain "higagarria" da euskara ikastea?
Euskaldun berrientzat omenaldirik onena?
Galdera hori bota dute Euskarabilin, eta erantzunak badira han, hau adibidez:
Laburbilduz, behar duguna ez da zerbait materiala baizik eta egunero daukaguna, hau da irakasleen gogo eta sostengua.
Ligatzen
Hablar un idioma desconocido es como ligar: todos conocemos la teoría, pero hay que ponerla en práctica
Kerman, mintzalagun bila saioko protagonista Oihan Vegari egin diote elkarrizketa Deian, eta goiko hori da titularra.
Baina euskaltegira ez zen ligatzera joaten ala?
Ele-alea: euskara ikasten ari direnentzako saio berria Euskadi Irratian
HABE eta Euskadi Irratiaren artean prestatu dute saio berri hau. Lehenengo saioa gaur iluntzeko 9etan emitituko dute. Sarean oraingoz ez dugu informazio askorik aurkitu, baina euskaltegietara bidali dute jakinarazpena:
Euskadi Irratia HABErekin lankidetzan euskaldun berrientzat irratsaio berri bat emititzen hasi da gaur otsailaren 1a iluntzeko 21:00etatik 21:30era. Xabier Sukia kazetaria izango da gidari eta berarekin batera euskara ikasten ari edota aritu diren gonbidatuak izango ditu alboan.
Egun ikasten ari diren ikasleak saiora joan daitezen animatu nahi ditugu eta horretarako zuen laguntza behar dugu. Azpimarratu nahiko genuke saioa oso entretenigarria izango dela: elkarrizketak, abestiak, trikimailuak, txisteak, lehiaketak… izango dira osagai nagusiak. Baina, era berean helburu didaktikoa ere izango duen aldetik, hainbat entzungairen lanketa egiteko proposamenak egingo dizkigu Xabierrek HABEren laguntzaz. Entzun aurretik, hiztegia landu eta ulermenerako baliagarriak izango diren tresnak eskainiko dizkigute, eta entzun bitartean eginkizunen bat proposatuko. Eginkizun horiek ondo egiteak izango du saririk, irratsaioa bete sari baitator.
Euskadi Irratiko programazioan euskaldun berrientzat propio egokitutako irratsaio bat diseinatu dugu, beraz, Euskadi Irratiko arduradun eta HABEko materialgintza ataleko teknikariok. Irratia oso baliabide egokia dela iritzita, euskara ikasten ari direnentzat egokia den irratsaio bat sortzen saiatuko gara. Hauexek lirateke ezaugarri nagusiak:
- Irratsaioaren hartzailea euskaldun berria izango da, euskara ikasten ari den heldua. Une honetan Euskadi Irratiko entzulegai baina etorkizunean entzule oso izango dena.
- Irratsaioak izaera entretenimenduzkoa izango du, baina baita didaktikoa eta informatzailea ere
- Irratsaio honen bidez, euskara-ikaslearengana hurbildu egingo gara, ahozko ulermenean dituen zailtasunak gainditzen lagunduz. Hori dela eta, euskara-ikasleari aurkeztuko dizkiogun ahozko testu-erak hobeto ulertzen laguntzea izango da irratsaioaren helburu didaktiko nagusia. Horretarako, ahozkoaren ulermena garatzeko, baliabide lexikalak nahiz azalpen gramatikalak eskainiko dira irratsaioan.
- Irratsaioan eskainiko diren edukien trataera eta proposatuko diren eginkizun edo atazak mailakatuak egongo dira eta irratsaioan bertan emango dira erantzunak.
- Irratsaioak www.ikasbil.net atariarekin lotura estua eta zuzena izango du: eduki guztiak atarian argitaratuko dira eta audio-eduki guztien transkripzio eta ariketak atarian deskargagarri egongo dira. Hartara, elkar elikatuko duten zerbitzu bat eskainiko dugu.
- Era berean, HABE aldizkariak hilero irratsaioaren berri emango du, hurrengo hilabeteko gonbidatuak nortzuk izango diren aurreratuz eta informazio osagarria eskainiz.
- Irratsaiora etorriko diren gonbidatuak euskara ikasten ari direnentzat motibagarriak izango dira, euskaldun oso izatera iritsi diren hainbat ikasle eredugarriren testigantzak bilduko baititugu. Adibide edota trikimailu praktiko eta eraginkorrak azalduz, ikasle arrakastatsu izatera nola iritsi diren eta zein estrategiaz baliatu diren kontatuko digute. Era berean, egun euskaltegian diharduten ikasle nahiz irakasleak ere gonbidatu nahi ditugu. Gaur egun “bidean” dauden ikasleen eta bidelagun dituzten irakasleen ikuspegia ere oso baliagarria eta aberasgarria dela iruditzen zaigulako.
- Lehiaketak, hitz-jokoak, asmakizunak... Ikasleen parte hartzea sustatzeko aproposak diren irrati bidezko jolas ugari aurkituko dituzue.
- Euskalduntze-alfabetatze sektoretik nahiz euskal kulturatik sortutako berri interesgarriak ere eskainiko dira: matrikulazio-kanpainak, argitalpen berriak, azterketa-deialdiak... Euskara-ikaslearentzat interesgarria izango den albistegia, hain zuzen.
- Galdera-erantzunen tartea zabalduko dugu beren proposamen nahiz iradokizunak biltzeko asmoz. Horretarako, zuzeneko telefono honetara deitu edota posta elektronikoz helarazi behar dituzte iritzi eta galderak: 943.01.22.50 edo elealea@eitb.com. Zuzeneko saiora deitu nahi duenak hauxe du telefonoa: 943.01.22.00.
- Zuzeneko irratsaioa astelehen iluntzetan 21:00etatik 21:30era izango da. Larunbat eguerdietan saioa errepikatuko dute.
Lerro hauetan adierazi dizuegun bezala, euskara-ikasleentzako irratsaioa izango den neurrian, euskaltegien sarearen parte hartzea ezinbestekotzat jotzen dugu. Beraz, har itzazue ele hauek saiorako gonbidapen gisa.
Egitasmo honen zabalkundean lagunduko eta ikasleak irratira joan daitezen animatuko dituzuelakoan, ongi izan.
"Kerman mintzalagun bila" saio berria ETBn
"Kerman mintzalagun bila" saioa iragarri digu ETBk aurtengo programazio berrian, bost minutuko saio laburren sorta izango da, eta hau asmoa:
Kerman ahozko euskara behin betiko menderatzeko helburuz kalera irtengo da. Helburu horrekin, Kermanek liburuak dauden-daudenean utziko ditu eta kale aldera abiatuko da euskara eguneroko bizimoduan erabiltzeko helburuz: euskaltegian urteetan irakatsi dioten teoria guztia benetan aplikatzeko garaia iritsi zaio.
Otsailean izango dugu ikusgai. Horrela boteprontoan eta promozio-bideoa ikusita ez nuke jakingo esaten ikutu didaktikoa duen umoreko saioa, ala umoreko ikutua duen saio didaktikoa izango ote den. Ikusiko dugu ba.
Hemen daukazue bideoa EITB.com-en (ez dakit zer gertatzen den baina ezin dut handik zuzenean"enbotatu").
Portzierto, euskaltegietan teoria baino ez da irakasten orduan. Tira ba!
Bidelagunak
...askotan ez gara konturatzen euskaldun berriak ondoan dauzkagula, euskaldunduko direla eta harreman sareak eta ereduak beharko dituztela. Ikusi beharko dute ‘nire herrian bertan badago euskaraz egin nahi duenik eta nik ere hori egin dezaket egunen batean’.
Euskara ikaslea, publiko ona
El público más agradecido es el que forman los que están aprendiendo euskera. Los euskaldunzaharras aficionados a los bertsos son un público más exigente. Tienen en mente los bertsos de Uztapide, de Xalbador, de todos los grandes bertsolaris, y lucirse delante de ellos es muy difícil. En cambio se crea un ambiente muy bonito en las actuaciones que hacemos, por ejemplo, en muchas sociedades de Pamplona y comarca. La gente a la que le ha costado un esfuerzo aprender euskera aprecia mucho los bertsos.
Nafarroako Erdialdeko Gerinda Bai blogean egin diote elkarrizketa bertsolari beteranoari: "LOS QUE ESTÁN APRENDIENDO EUSKERA SON EL PÚBLICO MÁS AGRADECIDO DE LOS BERTSOLARIS"
Barakaldokoa naiz eta...
Aitortu behar dugu: NAZKATUTA GAUDE. Euskaraz eta Barakaldoz hitz egiten denean badirudi Barakaldo dela EUSKARA TXARRAREN PARADIGMA edo barakaldarrok ez dugula inoiz euskaraz hitz egingo. Egunero eta urtero euskaltegietako irakasleok eta ikasleok egiten dugun ahalegina ez du inortxok ere kontuan hartzen eta euskaldun barakaldarra “rara avis” da fauna euskaldunean bere meritua goraipatu beharrean.
Euskerabili helduen euskalduntzean ditugun ikasgelako blogetako bat da. Aspaldian dabil lanean eta urtero-urtero etortzen da bueltan aktibitate eta baliabide gehiagorekin. Gaurkoan ikasleei proposatutako gogoeta horrekin besteoi ere eman digute zer pentsatua.
Eta pentsatzen jarrita, Barakaldo zerbaiten paradigma bada, gurean blogekin lan egiteko eredua eta ideia-iturria izan daitekeela pentsatu dut. Ezta?
Euskaldun petoak garelako (Euskarabili)
Euskaldun berriaren estigma
Euskaldunberri ia guztiengan sumatu dut gutxiago izateko, gutxiago balio izateko konplejua; euskaldunzaharren aldera, noski. Zer pentsa, bestela, bigarren mailako sailkapen-laukitxo batean sartuta?
Gutxiago izateko uste horrek segurtasun eza ekarri du. Segurtasun ezak areagotu egin du gutxiago izateko ustea eta horrek ezinbestez dakar berez gauzak gaizki, oker eta gogo barik egitea.
Etxezarretaren hitzei beste buelta bat: Euskaldunberri (Martinezena)
Erabakiak eta kontraesanak
esta reducción en el uso cotidiano se debe al aumento porcentual de euskaldunberris. Es decir, lo que ya intuitivamente sabíamos: los euskaldunzaharras siguen hablando y la mayoría de los escolarizados en euskara procedentes de hogares castellanoparlantes han decidido (o deciden cada día) no hablar euskara.
Garan aspaldian argitaratu zen artikulua ekarri digu Txerrak Garaigoikoara: Egin nahi ez dutenak
Euskaldun berri/zahar horretan sartu barik, gogoeta gordina egiten du euskararen erabilera eta hizkuntz-ohiturak direla eta.
Bilatu
Harpidetu
Azken iruzkinak